श्रीभैरवः । (१।१)

सिल्वेर्:: स्य्नोन्य्म्स्रौप्यं शुभ्रं वसुश्रेष्ठं रुचिरं चन्द्रलोहकम् । (१।२)

रजतं तप्तरूप्यं च चन्द्रभूतिस्तु रौप्यकम् ॥ (१।३)

कलधौतं च सौधं च चन्द्रहासं च तारकम् । (२।१)

रजतभेदाःसहजं खनिसंजातं कृत्रिमं च त्रिधा मतम् ॥ (२।२)

रजतं पूर्वपूर्वं हि स्वगुणैरुत्तरोत्तरम् । (३।१)

कैलासाद्यद्रिसम्भूतं सहजं रजतं भवेत् ॥ (३।२)

तत्स्पृष्टं हि महाव्याधिनाशनं देहिनां भवेत् । (४।१)

हिमाचलादिकूटेषु यद्रूप्यं जायते हि तत् ॥ (४।२)

खनिजं कथ्यते तज्ज्ञैः परमं हि रसायनम् । (५।१)

श्रीरामपादुकान्यस्तं वङ्गं यद्रूप्यतां गतम् ॥ (५।२)

तत्पादरूप्यमित्युक्तं कृत्रिमं सर्वरोगनुत् । (६।१)

ग्राह्याग्राह्यरजतस्वरूपम्घनं स्निग्धं गुरु स्निग्धं दाहे छेदे सितं मृदु ॥ (६।२)

वर्णाढ्यं चन्द्रवत्स्वच्छं दाहे छेदे समप्रभम् । (७।१)

शङ्खाभं मसृणं स्फोटरहितं रजतं शुभम् ॥ (७।२)

दाहे रक्तं च पीतं च कृष्णं रूक्षं स्फुटं लघु । (८।१)

स्थूलाङ्गं कर्कशाङ्गं च रजतं त्याज्यमष्टधा ॥ (८।२)

कठिनं कृत्रिमं रूक्षं विवर्णं समलं दलम् । (९।१)

दाहे छेदे घने नष्टं मध्यमं रजतं मतम् ॥ (९।२)

करोति तापं विड्भेदं क्षयं शुक्लबलायुषाम् । (१०।१)

न शुद्धं न मृतं तारं तस्माच्छुद्धं च मारयेत् ॥ (१०।२)

रजतशुद्धिनागेन टङ्कणेनैव द्रावितं शुद्धिमृच्छति । (११।१)

तारं त्रिवारं निक्षिप्तं तैले ज्योतिष्मतीभवे ॥ (११।२)

तप्तं तप्तं तारपत्रं सेचयेच्छुद्धिम् आप्नुयात् । (१२।१)

पिशाचसंभवे यद्वा प्रक्षिप्तं शुद्धिमाप्नुयात् ॥ (१२।२)

रजतं दोषनिर्मुक्तं नागोत्तीर्णं समाहरेत् । (१३।१)

श्वेतकुम्भोद्भवे नीरे ढालयेत्सप्तवारकान् ॥ (१३।२)

रजतभस्म (१, २, ३)कुरण्डमुनिपुष्पोत्थसलिलैः संप्रमर्दयेत् । (१४।१)

तारपत्राणि लिप्तानि पुटयेच्च वनोत्पलैः ॥ (१४।२)

म्रियते नात्र सन्देहः लिप्तं वा रसभस्मना । (१५।१)

अम्लवर्गप्रलिप्तेन पूर्ववत्पुटयोगतः ॥ (१५।२)

म्रियते तालकं सूतं वङ्गमम्लेन पेषयेत् । (१६।१)

तारपत्राणि संलिप्य पुटित्वा भस्मतां नयेत् ॥ (१६।२)

म्रियते गन्धयोगाद्यैर् वैष्णवेन विपद्यते । (१७।१)

रजतभस्म (४)स्नुहीक्षीरैः पचेत्ताप्यं तारपत्राणि लेपयेत् ॥ (१७।२)

रुद्ध्वा गजपुटे पक्त्वा पूर्वोक्तैः पाचयेत्पुनः । (१८।१)

चत्वारिंशत्पुटैरेवं पचेत्तारं मृतं भवेत् ॥ (१८।२)

रजतभस्म (५)भूधात्रीं माक्षिकं तुल्यं पिप्पलीं सैन्धवाम्लकैः । (१९।१)

लिप्त्वा तारस्य पत्राणि रुद्ध्वा सप्तपुटैः पचेत् ॥ (१९।२)

द्रवैः पुनः पुनः पिष्ट्वा म्रियते नात्र संशयः । (२०।१)

रजतभस्म (६)लिकुचद्रवसूताभ्यां तारपिष्टीं प्रकल्पयेत् ॥ (२०।२)

रुद्ध्वाधो गन्धकं दत्त्वा मूषागर्भे निरुध्य च । (२१।१)

स्वेदयेद् वालुकायन्त्रे दिनमेकं दृढाग्निना ॥ (२१।२)

स्वाङ्गशीतलतां पिष्टिं साम्लतालेन मर्दितम् । (२२।१)

पुटेद्द्वादशवाराणि भस्मीभवति रूप्यकम् ॥ (२२।२)

रजतभस्म (७)माक्षिकं चूर्णलुङ्गाम्लमर्दितं पुटितं शनैः । (२३।१)

त्रिंशद्वारेण तत्तारं निरुत्थं भस्म जायते ॥ (२३।२)

रागः स्यात् सर्वलोहानां पुटाधिक्ये न संशयः । (२४।१)

रजतभस्म (८)तारपत्त्रं चतुर्भागा भागैकं शुद्धतालकम् ॥ (२४।२)

मर्द्यं जम्बीरजैर्द्रावैस्तारपत्राणि लेपयेत् । (२५।१)

शोषयेदन्धयेत्तं च त्रिंशद्वनोत्पलैः पुटेत् ॥ (२५।२)

चतुर्दशपुटैरेवं निरुत्थं म्रियते ध्रुवम् । (२६।१)

रजतभस्म (९)रौप्यपत्रं चतुर्भागा भागैकं मृतवङ्गकम् ॥ (२६।२)

अथवा गन्धभागैकं लेप्यं जम्बीरपेषितैः । (२७।१)

रुद्ध्वा त्रिभिः पुटैः पाच्यं पञ्चविंशद्वनोत्पलैः ॥ (२७।२)

म्रियते नात्र सन्देहो गन्धो देयः पुनः पुनः । (२८।१)

रजतभस्म (१०)रसगन्धौ समं कृत्वा काकतुण्डस्य मूलकम् ॥ (२८।२)

मर्दयेन्महिषीक्षीरैः पिष्टिं तां क्षालयेज्जलैः । (२९।१)

हरिद्रागोलके क्षिप्त्वा गोलं हयपुरीषके ॥ (२९।२)

क्षिप्त्वा दिनैकविंशच्च तद्गर्भाद् उद्धरेत्पुनः । (३०।१)

तत्पिष्ट्वा तारपत्राणि लेप्यमम्लेन केनचित् ॥ (३०।२)

पुटैर् विंशतिभिर् भस्म जायते नात्र संशयः । (३१।१)

भस्मना ह्यम्लपिष्टेन लिम्पेत्ताम्रमयं क्षुरम् ॥ (३१।२)

जायते तं मृतं विद्याद्भस्म हाटकतारयोः । (३२।१)

रजतस्य गुणाःरौप्यं स्निग्धं कषायाम्लं विपाके मधुरं रसम् ॥ (३२।२)

वयसः स्थापनं शीतं लेखनं वातपित्तजित् । (३३।१)

वृष्यं रुचिकरं बल्यं जठराग्निप्रदीपनम् ॥ (३३।२)