अप्प्रोप्रिअते wओमेन् ड़ोर् अन् एxत्रमरितल् रेलतिओन्कामश्चतुर्षु वर्णेषु सवर्णतः शास्त्रतश्चानन्यपूर्वायां प्रयुज्यमानः पुत्रीयो यशस्यो लौकिकश्च भवति ॥ (१।१)

तद्विपरीत उत्तमवर्णासु परपरिगृहीतासु च । (२।१)

प्रतिषिद्धो ऽवरवर्णास्वनिरवसितासु । (२।२)

वेश्यासु पुनर्भूषु च न शिष्टो न प्रतिषिद्धः । (२।३)

सुखार्थत्वात् ॥ (२।४)

तत्र नायिकास्तिस्रः कन्या पुनर्भूर् वेश्या च । (३।१)

इति ॥ (३।२)

अन्यकारणवशात् परपरिगृहीतापि पाक्षिकी चतुर्थीति गोणिकापुत्रः ॥ (४।१)

स यदा मन्यते स्वैरिणीयम् ॥ (५।१)

रेलतिओन् wइथ् अ पुनर्भूअन्यतो ऽपि बहुशो व्यवसितचारित्रा तस्यां वेश्यायाम् इव गमनम् उत्तमवर्णिन्याम् अपि न धर्मपीडां करिष्यति । (६।१)

पुनर्भूर् इयम् ॥ (६।२)

चोन्सिदेरतिओन्स् ड़ोर् अन् अड़्ड़ैर् wइथ् अ मर्रिएद् wओमनन्यपूर्वावरुद्धा नात्र शङ्कास्ति ॥ (७।१)

पतिं वा महान्तम् ईश्वरम् अस्मदमित्रसंसृष्टम् इयम् अवगृह्य प्रभुत्वेन चरति । (८।१)

सा मया संसृष्टा स्नेहाद् एनं व्यावर्तयिष्यति ॥ (८।२)

विरसं वा मयि शक्तम् अपकर्तुकामं च प्रकृतिम् आपादयिष्यति ॥ (९।१)

तया वा मित्रीकृतेन मित्रकार्यम् अमित्रप्रतीघातम् अन्यद् वा दुष्प्रतिपादकं कार्यं साधयिष्यामि ॥ (१०।१)

संसृष्टो वानया हत्वास्याः पतिम् अस्मद्भाव्यं तदैश्वर्यम् एवम् अधिगमिष्यामि ॥ (११।१)

निरत्ययं वास्या गमनम् अर्थानुबद्धम् । (१२।१)

अहं च निःसारत्वात् क्षीणवृत्त्युपायः । (१२।२)

सो ऽहम् अनेनोपायेन तद्धनम् अतिमहद् अकृच्छ्राद् अधिगमिष्यामि । (१२।३)

मर्मज्ञा वा मयि दृढम् अभिकामा सा माम् अनिच्छन्तं दोषविख्यापनेन दूषयिष्यति ॥ (१२।४)

असद्भूतं वा दोषं श्रद्धेयं दुष्परिहारं मयि क्षेप्स्यति येन मे विनाशः स्यात् ॥ (१३।१)

आयतिमन्तं वा वश्यं पतिं मत्तो विभिद्य द्विषतः संग्राहयिष्यति ॥ (१४।१)

स्वयं वा तैः सह संसृज्येत । (१५।१)

मदवरोधानां वा दूषयिता पतिर् अस्यास्तद् अस्याहम् अपि दारान् एव दूषयन् प्रतिकरिष्यामि ॥ (१५।२)

राजनियोगाच्चान्तर्वर्तिनं शत्रुं वास्य निर्हनिष्यामि ॥ (१६।१)

यामन्यां कामयिष्ये सास्या वशगा । (१७।१)

ताम् अनेन संक्रमेणाधिगमिष्यामि । (१७।२)

कन्याम् अलभ्यां वात्माधीनाम् अर्थरूपवतीं मयि संक्रामयिष्यति । (१७।३)

ममामित्रो वास्याः पत्या सहैकीभावम् उपगतस्तम् अनया रसेन योजयिष्यामीत्येवमादिभिः कारणैः परस्त्रियम् अपि प्रकुर्वीत ॥ (१७।४)

इति साहसिक्यं न केवलं रागाद् एव । (१८।१)

एतैर् एव कारणैर् महामात्रसम्बद्धा राजसम्बद्धा वा तत्रैकदेशचारिणी काचिद् अन्या वा कार्यसंपादिनी विधवा पञ्चमीति चारायणः । (१८।२)

सैव प्रव्रजिता षष्ठीति सुवर्णनाभः । (१८।३)

गणिकाया दुहिता परिचारिका वानन्यपूर्वा सप्तमीति घोटकमुखः । (१८।४)

उत्क्रान्तबालभावा कुलयुवतिर् उपचारान्यत्वाद् अष्टमीति गोनर्दीयः । (१८।५)

कार्यान्तराभावाद् एतासाम् अपि पूर्वास्वेवोपलक्षणम् तस्माच्चतस्र एव नायिका इति वात्स्यायनः । (१८।६)

भिन्नत्वात् तृतीया प्रकृतिः पञ्चमीत्येके ॥ (१८।७)

त्य्पेस् ओड़् नायकएक एव तु सार्वलौकिको नायकः । (१९।१)

प्रच्छन्नस्तु द्वितीयः । (१९।२)

विशेषालाभात् । (१९।३)

उत्तमाधममध्यमतां तु गुणागुणतो विद्यात् । (१९।४)

तांस्तूभयोर् अपि गुणागुणान् वैशिके वक्ष्यामः ॥ (१९।५)

अगम्याअगम्यास्त्वेवैताः कुष्ठिन्युन्मत्ता पतिता भिन्नरहस्या प्रकाशप्रार्थिनी गतप्राययौवनातिश्वेतातिकृष्णा दुर्गन्धा संबन्धिनी सखी प्रव्रजिता संबन्धिसखिश्रोत्रियराजदाराश्च ॥ (२०।१)

दृष्टपञ्चपुरुषा नागम्या काचिद् अस्तीति बाभ्रवीयाः ॥ (२१।१)

संबन्धिसखिश्रोत्रियराजदारवर्जम् इति गोणिकापुत्रः ॥ (२२।१)

ड़्रिएन्द्स्सह पांसुक्रीडितम् उपकारसम्बद्धं समानशीलव्यसनं सहाध्यायिनं यश्चास्य मर्माणि रहस्यानि च विद्यात् यस्य चायं विद्याद् वा धात्रपत्यं सहसंवृद्धं मित्रम् ॥ (२३।१)

पितृपैतामहम् अविसंवादकम् अदृष्टवैकृतं वश्यं ध्रुवम् अलोभशीलम् अपरिहार्यम् अमन्त्रविस्रावीति मित्रसंपत् ॥ (२४।१)

रजकनापितमालाकारगान्धिकसौरिकभिक्षुकगोपालकताम्बूलिकसौवर्णिकपीठमर्दविटविदूषकादयो मित्राणि । (२५।१)

तद्योषिन्मित्राश्च नागरकाः स्युर् इति वात्स्यायनः ॥ (२५।२)

दूतयद् उभयोः साधारणम् उभयत्रोदारं विशेषतो नायिकायाः सुविस्रब्धं तत्र दूतकर्म ॥ (२६।१)

पटुता धार्ष्ट्यम् इङ्गिताकारज्ञता प्रतारणकालज्ञता विषह्यबुद्धित्वं लघ्वी प्रतिपत्तिः सोपाया चेति दूतगुणाः ॥ (२७।१)

भवति चात्र श्लोकः । (२८।१)

आत्मवान् मित्रवान् युक्तो भावज्ञो देशकालवित् । (२८।२)

अलभ्याम् अप्ययत्नेन स्त्रियं संसाधयेन् नरः ॥ (२८।३)