SarvSund zu AHS, Sū., 9, 10.2

14 of 123 · 2 verses

Select a line for its word-by-word analysis.

एवम् अनेन पञ्चमहाभूतारब्धेन गुर्वादिगुणयोगेन द्रव्याणां जगति भुवनेऽस्मिन् अनौषधभूतं न किंचिद् द्रव्यमस्ति अपि तु सर्वम् एव द्रव्यं यत्सिकतापांस्वादिकं तदौषधं चिकित्सितम् ॥ (१।०)

evam anena pañcamahābhūtārabdhena gurvādiguṇayogena dravyāṇāṃ jagati bhuvane'smin anauṣadhabhūtaṃ na kiṃcid dravyamasti api tu sarvam eva dravyaṃ yatsikatāpāṃsvādikaṃ tadauṣadhaṃ cikitsitam ||

2.0२.०

वशान्नानार्थयोगयोः अर्थश्च योगश्च अर्थयोगौ अर्थः प्रयोजनम् योगो युक्तिः यथा अनया युक्त्यौषधमिदं योजितमस्य रोगस्य विजयाय स्यादनया चास्य रोगस्येति नानाविधौ याव् अर्थयोगौ तयोर्वशात्सामर्थ्यात् सर्वमपि द्रव्यमौषधम् रोगप्रतीकारहेतुत्वात् ॥ (२।०)

vaśānnānārthayogayoḥ arthaśca yogaśca arthayogau arthaḥ prayojanam yogo yuktiḥ yathā anayā yuktyauṣadhamidaṃ yojitamasya rogasya vijayāya syādanayā cāsya rogasyeti nānāvidhau yāv arthayogau tayorvaśātsāmarthyāt sarvamapi dravyamauṣadham rogapratīkārahetutvāt ||

Data courtesy of The Digital Corpus of Sanskrit.