सर्वाङ्गसुन्दराSarvāṅgasundarā
SarvSund zu AHS, Utt., 39, 119.1
Select a line for its word-by-word analysis.
तस्य लशुनस्य कन्दान् वसन्तऋतुजांस् तथा हिमवद्देशजांश् शकदेशजान् वा उद्धृतत्वचो रात्रौ मदिराबीजपूररसादिभिस् तिमयेत् क्लेदयेत् ॥ (१।०)
tasya laśunasya kandān vasantaṛtujāṃs tathā himavaddeśajāṃś śakadeśajān vā uddhṛtatvaco rātrau madirābījapūrarasādibhis timayet kledayet ||
तत्कल्कस्य स्वरसं धौतवस्त्रपीडितं मदिरायाः सुरूढायास् त्रिभागेन युतं मद्यादेर् वा त्रिभागेन युतम् अथवा तस्मिन्नेव काले सुरादिभिर् युतं मात्रया देशकालातुराद्यपेक्षिण्या आलोच्य निरूप्य तैलादिभिर् वा पृथग्युक्तं यदि वा क्वाथेन यथा व्याधिवशाद् युक्तं केवलमेव वा रसं प्राक्पूर्वं गण्डूषमात्रं पिबेद् गलनाडीविशोधनाय ॥ (२।०)
tatkalkasya svarasaṃ dhautavastrapīḍitaṃ madirāyāḥ surūḍhāyās tribhāgena yutaṃ madyāder vā tribhāgena yutam athavā tasminneva kāle surādibhir yutaṃ mātrayā deśakālāturādyapekṣiṇyā ālocya nirūpya tailādibhir vā pṛthagyuktaṃ yadi vā kvāthena yathā vyādhivaśād yuktaṃ kevalameva vā rasaṃ prākpūrvaṃ gaṇḍūṣamātraṃ pibed galanāḍīviśodhanāya ||
Data courtesy of The Digital Corpus of Sanskrit.