सर्वाङ्गसुन्दराSarvāṅgasundarā
SarvSund zu AHS, Utt., 39, 71.2
Select a line for its word-by-word analysis.
भल्लातकानि सुनिष्पन्नानि ग्रीष्मे संगृह्य धान्यराशौ निधापयेत् ॥ (१।०)
bhallātakāni suniṣpannāni grīṣme saṃgṛhya dhānyarāśau nidhāpayet ||
हेमन्ते मधुरस्निग्धशीतलैः संस्कृतशरीरस् तान्यष्टाव् अष्टगुणे जले क्वाथयेत् ॥ (२।०)
hemante madhurasnigdhaśītalaiḥ saṃskṛtaśarīras tānyaṣṭāv aṣṭaguṇe jale kvāthayet ||
तत्क्वाथमष्टांशशेषं क्षीरसहितं शीतं पिबेत् ॥ (३।०)
tatkvāthamaṣṭāṃśaśeṣaṃ kṣīrasahitaṃ śītaṃ pibet ||
पश्चात्तस्मिन् प्रतिदिनं चैकैकं भल्लातकं वर्धयेत् अधिकीकृत्य क्वाथयेद् इत्यर्थः ॥ (४।०)
paścāttasmin pratidinaṃ caikaikaṃ bhallātakaṃ vardhayet adhikīkṛtya kvāthayed ityarthaḥ ||
सप्तरात्रत्रयात् परतस् त्रीणि त्रीण्यरुष्कराणि चत्वारिंशतं यावद् वर्धयेत् ॥ (६।०)
saptarātratrayāt paratas trīṇi trīṇyaruṣkarāṇi catvāriṃśataṃ yāvad vardhayet ||
अनन्तरं तान्य् अरुष्कराणि वृद्धिवद्ध्रासयेत् ॥ (७।०)
anantaraṃ tāny aruṣkarāṇi vṛddhivaddhrāsayet ||
इत्येवं सप्तभिः सप्ताहैः सहस्रमुपयुञ्जीत ॥ (८।०)
ityevaṃ saptabhiḥ saptāhaiḥ sahasramupayuñjīta ||
यन्त्रितात्मा पुरुषो घृतक्षीरशालिषष्टिकभोजनः ॥ (९।०)
yantritātmā puruṣo ghṛtakṣīraśāliṣaṣṭikabhojanaḥ ||
तथैव च भल्लातकप्रयोगान्त एकविंशतिसप्ताहान् घृतक्षीरशालिषष्टिकभोजनं कुर्यात् ॥ (१०।०)
tathaiva ca bhallātakaprayogānta ekaviṃśatisaptāhān ghṛtakṣīraśāliṣaṣṭikabhojanaṃ kuryāt ||
एवं कृतभल्लातकप्रयोगोऽपूर्वा अभिलषिता दयिताः आशिषो लभते तथा विशेषेण वह्निपाटवम् ॥ (११।०)
evaṃ kṛtabhallātakaprayogo'pūrvā abhilaṣitā dayitāḥ āśiṣo labhate tathā viśeṣeṇa vahnipāṭavam ||
Data courtesy of The Digital Corpus of Sanskrit.