क्व तत्कुर्वीत पुरे प्राप्योपकरणीये हर्म्यं धवलगृहं निवातं निर्भयं च यस्मिन्तस्मिन् तथोदीच्यां दिशि शुभे दुर्भिक्षमरकादिरहिते कुटीं त्रिगर्भां कारयेत् ॥ (१।०)

प्रथममेकं गृहम् तस्याभ्यन्तरे द्वितीयम् तस्याभ्यन्तरे तृतीयम् एवं त्रिगर्भा ॥ (२।०)

त्रयो गर्भाः अन्तराणि यस्या इति कृत्वा ॥ (३।०)

तथा सूक्ष्मगवाक्षाम् ॥ (४।०)

तथा धूमादिभिर् अविलङ्घिताम् अनाक्रान्ताम् ॥ (५।०)

तथा प्रगुणानि वैद्योपकरणानि भेषजादीनि यस्यां तां तथाविधाम् ॥ (६।०)

सुमृष्टा उपलेपनादिकरणेन शुद्धाम् ॥ (७।०)