सर्वाङ्गसुन्दराSarvāṅgasundarā
SarvSund zu AHS, Utt., 39, 78.2
Select a line for its word-by-word analysis.
सुनिष्पन्नानि भल्लातकानि पाकेन परिच्युतान्याढकसंमितानि इष्टिकाचूर्णकणैर् घृष्टानि जलेन प्रक्षाल्य मारुतेन संशोष्य न त्व् आतपे ततो जर्जराणि जलद्रोणे विपचेत् ॥ (१।०)
suniṣpannāni bhallātakāni pākena paricyutānyāḍhakasaṃmitāni iṣṭikācūrṇakaṇair ghṛṣṭāni jalena prakṣālya mārutena saṃśoṣya na tv ātape tato jarjarāṇi jaladroṇe vipacet ||
पादशेषधृतगालितं शीतं च तद्रसं पुनरपि क्षीरद्रोणसहितं पचेत् ॥ (२।०)
pādaśeṣadhṛtagālitaṃ śītaṃ ca tadrasaṃ punarapi kṣīradroṇasahitaṃ pacet ||
तस्मिन् पादशेषस्थे तुल्यप्रमाणं सर्पिः पक्वं शर्कराचूर्णेन युतं यथेच्छं प्रकृत्यादिवशाद् युञ्जीत ॥ (३।०)
tasmin pādaśeṣasthe tulyapramāṇaṃ sarpiḥ pakvaṃ śarkarācūrṇena yutaṃ yathecchaṃ prakṛtyādivaśād yuñjīta ||
तच्च खजलोडनेनैकीभूतं धान्यमध्ये सप्तरात्रं सुगुप्तं स्थाप्यम् ॥ (४।०)
tacca khajaloḍanenaikībhūtaṃ dhānyamadhye saptarātraṃ suguptaṃ sthāpyam ||
तममृतरसतुल्यपाकं यः पूर्वाह्णे प्राशं लेहं भक्षयन् पश्चाद्यथेष्टं जलं क्षीरं मांसरसं वा पिबति स स्मृत्यादियुतः सुवर्णौघगौरो दीर्घमायुः प्राप्नोति ॥ (६।०)
tamamṛtarasatulyapākaṃ yaḥ pūrvāhṇe prāśaṃ lehaṃ bhakṣayan paścādyatheṣṭaṃ jalaṃ kṣīraṃ māṃsarasaṃ vā pibati sa smṛtyādiyutaḥ suvarṇaughagauro dīrghamāyuḥ prāpnoti ||
Data courtesy of The Digital Corpus of Sanskrit.