अथैता आज्याहुतीर् जुहोति ॥ (१।०)

स्वस्त्ययनम् एव तत् कुरुते ॥ (२।०)

यज्ञस्यैव शान्त्यै यजमानानां च भिषज्यायै ॥ (३।०)

ता वा अष्टौ भवन्ति ॥ (४।०)

एताभिर् वै देवाः सर्वा अष्टीर् आश्नुवत ॥ (५।०)

तथो एवैतद् यजमाना एताभिर् एव सर्वा अष्टीर् अश्नुवते ॥ (६।०)

अथैतान् पारिषदाञ्जपाञ् जपति ॥ (७।०)

परिमादः आपो वै परिमादः ॥ (८।०)

अद्भिर् हीदं सर्वं परिमत्तम् ॥ (९।०)

अथ वै परिमादः ॥ (१०।०)

अन्नम् एतद् उक्थम् ॥ (११।०)

आपो वा अन्नस्यायतः पूर्वा आयन्ति आपः परिमादः ॥ (१२।०)

अथ वै परिमादो यन् नखानि दन्तास् तनूर् लोमानीति ॥ (१३।०)

तस्मात् कृत्याः संपद्वत्यो हि भवन्ति ॥ (१४।०)

पञ्चविंशतिर् निधनम् ॥ (१५।०)

आङ्गिरसं प्रतिष्ठायैः तद्रूपम् भूतच्छन्दां साम प्रियम् इन्द्रस्य धामोपजगामेति क्रोशानुक्रोशे अरात्सुः अप्येषां पयः अरात्सुः अर्कं चार्कपुष्पं च ॥ (१६।०)

अयं वा अग्निरर्कः ॥ (१७।०)

असावादित्यो ऽर्कपुष्पम् ॥ (१८।०)

तेषु यदा पर्यायं सामगाः स्तुवते अथ होतारम् आहुर् अनुजपेति ॥ (१९।०)

ते यदि स्तुवीरन् अथानुजपेत् ॥ (२०।०)

यदि चैवं स्तुवीरन् यदि च स्तुवीरन् अन्वेव जपेत् ॥ (२१।०)