शाङ्खायनारण्यकŚāṅkhāyanāraṇyaka
ŚāĀr, 4, 3
Select a line for its word-by-word analysis.
य एकधनम् अभिध्यायात् पौर्णमास्यां वामावास्यायां वा शुद्धपक्षे वा पुण्ये नक्षत्र एतेषाम् एकस्मिन् पर्वण्यग्निम् उपसमाधाय परिसमुह्य परिस्तीर्य पर्युक्ष्य दक्षिणं आन्वाच्य स्रुवेणाज्याहुतीर् जुहोति ॥ (२।०)
ya ekadhanam abhidhyāyāt paurṇamāsyāṃ vāmāvāsyāyāṃ vā śuddhapakṣe vā puṇye nakṣatra eteṣām ekasmin parvaṇyagnim upasamādhāya parisamuhya paristīrya paryukṣya dakṣiṇaṃ ānvācya sruveṇājyāhutīr juhoti ||
वाङ् नाम देवतावरोधिनी सा मे ऽमुष्माद् इदम् अवरुन्ध्यात् तस्यै स्वाहा ॥ (३।०)
vāṅ nāma devatāvarodhinī sā me 'muṣmād idam avarundhyāt tasyai svāhā ||
प्राणो नाम देवतावरोधिनी सा मे ऽमुष्माद् इदम् अवरुन्ध्यात् तस्यै स्वाहा ॥ (४।०)
prāṇo nāma devatāvarodhinī sā me 'muṣmād idam avarundhyāt tasyai svāhā ||
श्रोत्रं नाम देवतावरोधिनी सा मे ऽमुष्माद् इदम् अवरुन्ध्यात् तस्यै स्वाहा ॥ (५।०)
śrotraṃ nāma devatāvarodhinī sā me 'muṣmād idam avarundhyāt tasyai svāhā ||
मनो नाम देवतावरोधिनी सा मे ऽमुष्माद् इदम् अवरुन्ध्यात् तस्यै स्वाहा ॥ (६।०)
mano nāma devatāvarodhinī sā me 'muṣmād idam avarundhyāt tasyai svāhā ||
प्रज्ञा नाम देवतावरोधिनी सा मे ऽमुष्माद् इदम् अवरुन्ध्यात् तस्यै स्वाहा ॥ (७।०)
prajñā nāma devatāvarodhinī sā me 'muṣmād idam avarundhyāt tasyai svāhā ||
अथ धूमगन्धं प्रजिघ्रायाज्यलेपनेनाङ्गान्यनुविमृज्य वाचंयमो ऽभिप्रव्रज्यार्थं ब्रूयाद् दूतं वा प्रहिणुयात् ॥ (८।०)
atha dhūmagandhaṃ prajighrāyājyalepanenāṅgānyanuvimṛjya vācaṃyamo 'bhipravrajyārthaṃ brūyād dūtaṃ vā prahiṇuyāt ||
Data courtesy of The Digital Corpus of Sanskrit.