शाङ्खायनारण्यकŚāṅkhāyanāraṇyaka
ŚāĀr, 8, 9
Select a line for its word-by-word analysis.
अथ खल्वियं दैवी वीणा भवति तदनुकृतिर् असौ मानुषी भवति ॥ (१।०)
atha khalviyaṃ daivī vīṇā bhavati tadanukṛtir asau mānuṣī bhavati ||
तद् यथेयं शस्त्रवती तर्द्मवती भवत्य् एवम् एवासौ शस्त्रवती तर्द्मवती भवति ॥ (२।०)
tad yatheyaṃ śastravatī tardmavatī bhavaty evam evāsau śastravatī tardmavatī bhavati ||
तद् यथास्यै मुखनासिके अक्षिणी इत्य् एवम् अमुष्याश् छिद्राणि ॥ (६।०)
tad yathāsyai mukhanāsike akṣiṇī ity evam amuṣyāś chidrāṇi ||
तद् यथास्या अङ्गुलिनिग्रहा उपस्तरणानीत्य् एवम् अमुष्याः पर्वाणि ॥ (७।०)
tad yathāsyā aṅgulinigrahā upastaraṇānīty evam amuṣyāḥ parvāṇi ||
तद् यथास्या अङ्गुलय एवम् अमुष्यास् तन्त्र्यः ॥ (८।०)
tad yathāsyā aṅgulaya evam amuṣyās tantryaḥ ||
तद् यथा हैवेयं रोमशेन चर्मणापिहिता भवत्य् एवम् एवासौ रोमशेन चर्मणापिहिता भवति ॥ (११।०)
tad yathā haiveyaṃ romaśena carmaṇāpihitā bhavaty evam evāsau romaśena carmaṇāpihitā bhavati ||
रोमशेन ह स्म चर्मणा पुरा वीणा अपिदधति ॥ (१२।०)
romaśena ha sma carmaṇā purā vīṇā apidadhati ||
स य एवम् एतां दैवीं वीणां वेद श्रुतवदनतमो भवति भूमिप्रास्य कीर्तिर् भवति शुश्रूषन्ते हास्य पर्षत्सु भाष्यमाणस्येदम् अस्तु यद् अयम् ईहते यत्रार्या वाग् वदति विदुर् एनं तत्र ॥ (१४।०)
sa ya evam etāṃ daivīṃ vīṇāṃ veda śrutavadanatamo bhavati bhūmiprāsya kīrtir bhavati śuśrūṣante hāsya parṣatsu bhāṣyamāṇasyedam astu yad ayam īhate yatrāryā vāg vadati vidur enaṃ tatra ||
Data courtesy of The Digital Corpus of Sanskrit.