शाङ्खायनारण्यकŚāṅkhāyanāraṇyaka
ŚāĀr, 4, 8
Select a line for its word-by-word analysis.
अथ मासिमास्यावास्यायां वृत्तायां पश्चाच्चन्द्रमसं दृश्यमानम् उपतिष्ठेतैतयैवावृता ॥ (१।०)
atha māsimāsyāvāsyāyāṃ vṛttāyāṃ paścāccandramasaṃ dṛśyamānam upatiṣṭhetaitayaivāvṛtā ||
हरिततृणे वा प्रत्यस्य यन् मे सुसीमं हृदयं दिवि चन्द्रमसि श्रितम् ॥ (२।०)
haritatṛṇe vā pratyasya yan me susīmaṃ hṛdayaṃ divi candramasi śritam ||
मन्ये ऽहं मां तद् विद्वांसं माहं पुत्र्यम् अघं रुदम् ॥ (३।०)
manye 'haṃ māṃ tad vidvāṃsaṃ māhaṃ putryam aghaṃ rudam ||
न ह्यस्मात् पूर्वा प्रजा प्रैतीति नु जातपुत्रस्य ॥ (५।०)
na hyasmāt pūrvā prajā praitīti nu jātaputrasya ||
अथाजातपुत्रस्य आप्यायस्व समेतु ते सं ते पयांसि सम् उ यन्तु वाजाः यम् आदित्या अंशुम् आप्याययन्तीत्येतास् तिस्र ऋचो जपित्वा मास्माकं प्राणेन प्रजया पशुभिर् आप्याययिष्ठाः ॥ (६।०)
athājātaputrasya āpyāyasva sametu te saṃ te payāṃsi sam u yantu vājāḥ yam ādityā aṃśum āpyāyayantītyetās tisra ṛco japitvā māsmākaṃ prāṇena prajayā paśubhir āpyāyayiṣṭhāḥ ||
यो ऽस्मान् द्वेष्टि यं च वयं द्विष्मस् तस्य प्राणेन प्रजया पशुभिर् आप्याययस्वेत्यैन्द्रीम् आवृतम् आवर्त आदित्यस्यावृतम् अन्वावर्त इति दक्षिणं बाहुम् अन्वावर्तते ॥ (७।०)
yo 'smān dveṣṭi yaṃ ca vayaṃ dviṣmas tasya prāṇena prajayā paśubhir āpyāyayasvetyaindrīm āvṛtam āvarta ādityasyāvṛtam anvāvarta iti dakṣiṇaṃ bāhum anvāvartate ||
Data courtesy of The Digital Corpus of Sanskrit.