शाङ्खायनारण्यकŚāṅkhāyanāraṇyaka
ŚāĀr, 2, 10
Select a line for its word-by-word analysis.
इन्द्रः सुतेषु सोमेष्वित्येतयौष्णिहीम् अशीतिं प्रतिपद्यते विदे वृधस्य दक्षसो महान् हि ष इति वृधवत्या महद्वत्या ॥ (१।०)
indraḥ suteṣu someṣvityetayauṣṇihīm aśītiṃ pratipadyate vide vṛdhasya dakṣaso mahān hi ṣa iti vṛdhavatyā mahadvatyā ||
ता वा एता अशीतयः संशस्ताः सप्तविंशतिशतान्यृचां सम्पद्यन्ते ॥ (४।०)
tā vā etā aśītayaḥ saṃśastāḥ saptaviṃśatiśatānyṛcāṃ sampadyante ||
सप्त वै विंशतिशतानि संवत्सरस्याहोरात्राणां तद् अशीतिभिः संवत्सरस्याहोरात्राण्याप्नोति ॥ (५।०)
sapta vai viṃśatiśatāni saṃvatsarasyāhorātrāṇāṃ tad aśītibhiḥ saṃvatsarasyāhorātrāṇyāpnoti ||
सामनिधनैर् हैके गायत्रीर् उष्णिहः सम्पादयन्ति ॥ (६।०)
sāmanidhanair haike gāyatrīr uṣṇihaḥ sampādayanti ||
बार्हत्या अशीत्या अशीतिं चतुरक्षराण्युद्धरति काकुभेभ्यः प्रगाथेभ्यश् चतुर्विंशतिं चतुरक्षराणि तानि चतुःशतं चतुरक्षराणि चतुःशते गायत्रीषूपदधाति ॥ (८।०)
bārhatyā aśītyā aśītiṃ caturakṣarāṇyuddharati kākubhebhyaḥ pragāthebhyaś caturviṃśatiṃ caturakṣarāṇi tāni catuḥśataṃ caturakṣarāṇi catuḥśate gāyatrīṣūpadadhāti ||
तद् यद् एतद् अन्ततः शंसति संसिद्धाभिर् उष्णिग्भिर् वशं समारोहाणीति ॥ (१३।०)
tad yad etad antataḥ śaṃsati saṃsiddhābhir uṣṇigbhir vaśaṃ samārohāṇīti ||
Data courtesy of The Digital Corpus of Sanskrit.