वाग् एवास्मिन् सर्वाणि नामान्यभिविसृज्यन्ते ॥ (१।०)

वाचा सर्वाणि नामान्याप्नोति ॥ (२।०)

प्राण एवास्मिन् सर्वे गन्धा अभिविसृज्यन्ते ॥ (३।०)

प्राणेन सर्वा गन्धान् आप्नोति ॥ (४।०)

चक्षुर् एवास्मिन् सर्वाणि रूपाण्यभिविसृज्यन्ते ॥ (५।०)

चक्षुषा सर्वाणि रूपाण्याप्नोति ॥ (६।०)

श्रोत्रम् एवास्मिन् सर्वे शब्दा अभिविसृज्यन्ते ॥ (७।०)

श्रोत्रेण सर्वाञ्छब्दान् आप्नोति ॥ (८।०)

मन एवास्मिन् सर्वाणि ध्यातान्यभिविसृज्यन्ते ॥ (९।०)

मनसा सर्वाणि ध्यातान्याप्नोति ॥ (१०।०)

सह ह्येतावस्मिञ्छरीरे वसतः सहोत्क्रामतः ॥ (११।०)

अथ यथास्मै प्रज्ञायै सर्वाणि भूतान्येकं भवन्ति ॥ (१२।०)

तद् व्याख्यास्यामः ॥ (१३।०)