एस्तब्लिस्हिन्ग् (थे नेचेस्सित्य् ओड़्) फिलोसोफ्यान्वीक्षिकी त्रयी वार्त्ता दण्डनीतिश्चेति विद्याः ॥ (१।१)

त्रयी वार्त्ता दण्डनीतिश्चेति मानवाः ॥ (२।१)

त्रयीविशेषो ह्यान्वीक्षिकीति ॥ (३।१)

वार्त्ता दण्डनीतिश्चेति बार्हस्पत्याः ॥ (४।१)

संवरणमात्रं हि त्रयी लोकयात्राविद इति ॥ (५।१)

दण्डनीतिर् एका विद्येत्यौशनसाः ॥ (६।१)

तस्यां हि सर्वविद्यारम्भाः प्रतिबद्धा इति ॥ (७।१)

चतस्र एव विद्या इति कौटिल्यः ॥ (८।१)

ताभिर् धर्मार्थौ यद् विद्यात् तद् विद्यानां विद्यात्वम् ॥ (९।१)

सांख्यं योगो लोकायतं चेत्यान्वीक्षिकी ॥ (१०।१)

धर्माधर्मौ त्रय्याम् अर्थानर्थौ वार्त्तायां नयानयौ दण्डनीत्यां बलाबले च एतासां हेतुभिर् अन्वीक्षमाणा लोकस्य उपकरोति व्यसने ऽभ्युदये च बुद्धिम् अवस्थापयति प्रज्ञावाक्यक्रियावैशारद्यं च करोति ॥ (११।१)

प्रदीपः सर्वविद्यानाम् उपायः सर्वकर्मणाम् । (१२।१)

आश्रयः सर्वधर्माणां शश्वद् आन्वीक्षिकी मता ॥ (१२।२)