एस्तब्लिस्हिन्ग् (थे नेचेस्सित्य् ओड़्) थे वेदिच् लोरेसामऋग्यजुर्वेदास् त्रयस् त्रयी ॥ (१।१)

अथर्ववेदेतिहासवेदौ च वेदाः ॥ (२।१)

शिक्षा कल्पो व्याकरणं निरुक्तं छन्दोविचितिर् ज्योतिषम् इति चाङ्गानि ॥ (३।१)

एष त्रयीधर्मश्चतुर्णां वर्णानाम् आश्रमाणां च स्वधर्मस्थापनाद् औपकारिकः ॥ (४।१)

स्वधर्म ओड़् थे ड़ोउर् चस्तेस्स्वधर्मो ब्राह्मणस्य अध्ययनम् अध्यापनं यजनं याजनं दानं प्रतिग्रहश्च ॥ (५।१)

क्षत्रियस्याध्ययनं यजनं दानं शस्त्राजीवो भूतरक्षणं च ॥ (६।१)

वैश्यस्याध्ययनं यजनं दानं कृषिपाशुपाल्ये वणिज्या च ॥ (७।१)

शूद्रस्य द्विजातिशुश्रूषा वार्त्ता कारुकुशीलवकर्म च ॥ (८।१)

स्वधर्म ओड़् थे ड़ोउर् आश्रमस्गृहस्थस्य स्वधर्माजीवस्तुल्यैर् असमानर्षिभिर् वैवाह्यम् ऋतुगामित्वं देवपित्रतिथिपूजा भृत्येषु त्यागः शेषभोजनं च ॥ (९।१)

ब्रह्मचारिणः स्वाध्यायो ऽग्निकार्याभिषेकौ भैक्षव्रतित्वम् आचार्ये प्राणान्तिकी वृत्तिस्तदभावे गुरुपुत्रे सब्रह्मचारिणि वा ॥ (१०।१)

वानप्रस्थस्य ब्रह्मचर्यं भूमौ शय्या जटाजिनधारणम् अग्निहोत्राभिषेकौ देवतापित्रतिथिपूजा वन्यश्चाहारः ॥ (११।१)

परिव्राजकस्य जितेन्द्रियत्वम् अनारम्भो निष्किंचनत्वं सङ्गत्यागो भैक्षव्रतम् अनेकत्रारण्ये च वासो बाह्याभ्यन्तरं च शौचम् ॥ (१२।१)

सर्वेषाम् अहिंसा सत्यं शौचम् अनसूयानृशंस्यं क्षमा च ॥ (१३।१)

स्वधर्मः स्वर्गायानन्त्याय च ॥ (१४।१)

तस्यातिक्रमे लोकः संकराद् उच्छिद्येत ॥ (१५।१)

तस्मात् स्वधर्मं भूतानां राजा न व्यभिचारयेत् । (१६।१)

स्वधर्मं संदधानो हि प्रेत्य चेह च नन्दति ॥ (१६।२)

व्यवस्थितार्यमर्यादः कृतवर्णाश्रमस्थितिः । (१७।१)

त्रय्याभिरक्षितो लोकः प्रसीदति न सीदति ॥ (१७।२)