उपायप्रत्ययो योगिनां भवति । (१।१)

श्रद्धा चेतसः संप्रसादः । (१।२)

सा हि जननीव कल्याणी योगिनं पाति । (१।३)

तस्य हि श्रद्दधानस्य विवेकार्थिनो वीर्यम् उपजायते । (१।४)

समुपजातवीर्यस्य स्मृतिर् उपतिष्ठते । (१।५)

स्मृत्युपस्थाने च चित्तम् अनाकुलं समाधीयते । (१।६)

समाहितचित्तस्य प्रज्ञाविवेक उपावर्तते येन यथार्थं वस्तु जानाति । (१।७)

तदभ्यासात् तद्विषयाच् च वैराग्याद् असंप्रज्ञातः समाधिर् भवति ॥ (१।८)

ते खलु नव योगिनो मृदुमध्याधिमात्रोपाया भवन्ति । (२।१)

तद्यथा मृदूपायो मध्योपायो ऽधिमात्रोपाय इति । (२।२)

तत्र मृदूपायो ऽपि त्रिविधः । (२।३)

मृदुसंवेगो मध्यसंवेगस् तीव्रसंवेग इति । (२।४)

तथा मध्योपायस् तथाधिमात्रोपाय इति । (२।५)

तत्राधिमात्रोपायानां ॥ (२।६)