YSBhā zu YS, 2, 22.1
Select a line for its word-by-word analysis.
कृतार्थम् एकं पुरुषं प्रति दृश्यं नष्टम् अपि नाशं प्राप्तम् अप्य् अनष्टं तद् अन्यपुरुषसाधारणत्वात् ॥ (१।१)
kṛtārtham ekaṃ puruṣaṃ prati dṛśyaṃ naṣṭam api nāśaṃ prāptam apy anaṣṭaṃ tad anyapuruṣasādhāraṇatvāt ||
कुशलं पुरुषं प्रति नाशं प्राप्तम् अप्य् अकुशलान् पुरुषान् प्रति न कृतार्थम् इति तेषां दृशेः कर्मविषयताम् आपन्नं लभते एव पररूपेणात्मरूपम् इति ॥ (२।१)
kuśalaṃ puruṣaṃ prati nāśaṃ prāptam apy akuśalān puruṣān prati na kṛtārtham iti teṣāṃ dṛśeḥ karmaviṣayatām āpannaṃ labhate eva pararūpeṇātmarūpam iti ||
अतश्च दृग्दर्शनशक्त्योर् नित्यत्वाद् अनादिः संयोगो व्याख्यात इति ॥ (३।१)
ataśca dṛgdarśanaśaktyor nityatvād anādiḥ saṃyogo vyākhyāta iti ||
धर्मिणाम् अनादिसंयोगाद् धर्ममात्राणाम् अप्य् अनादिः संयोग इति ॥ (४।२)
dharmiṇām anādisaṃyogād dharmamātrāṇām apy anādiḥ saṃyoga iti ||
संयोगस्वरूपाभिधित्सयेदं सूत्रं प्रववृते ॥ (५।१)
saṃyogasvarūpābhidhitsayedaṃ sūtraṃ pravavṛte ||
Data courtesy of The Digital Corpus of Sanskrit.