तत्र शौचं मृज्जलादिजनितं मेध्याभ्यवहरणादि च बाह्यम् ॥ (१।१)

आभ्यन्तरं चित्तमलानाम् आक्षालनम् ॥ (२।१)

संतोषः संनिहितसाधनाद् अधिकस्यानुपादित्सा ॥ (३।१)

तपो द्वन्द्वसहनम् ॥ (४।१)

द्वन्द्वश्च जिघत्सापिपासे शीतोष्णे स्थानासने काष्ठमौनाकारमौने च ॥ (५।१)

व्रतानि चैषां यथायोगं कृच्छ्रचान्द्रायणसांतपनादीनि ॥ (६।१)

स्वाध्यायो मोक्षशास्त्राणाम् अध्ययनं प्रणवजपो वा ॥ (७।१)

ईश्वरप्रणिधानं तस्मिन् परमगुरौ सर्वकर्मार्पणम् ॥ (८।१)

शय्यासनस्थो ऽथ पथि व्रजन् वा ॥ (९।१)

स्वस्थः परिक्षीणवितर्कजालः ॥ (१०।१)

संसारबीजक्षयम् ईक्षमाणः ॥ (११।१)

स्यान्नित्यमुक्तो ऽमृतभोगभागी ॥ (१२।१)

यत्रेदम् उक्तम् ॥ (१३।१)

ततः प्रत्यक्चेतनाधिगमो ऽप्यन्तरायाभावश्च इति ॥ (१४।१)

एतेषां यमनियमानाम् ॥ (१५।१)