YSBhā zu YS, 4, 30.1
Select a line for its word-by-word analysis.
सर्वैः क्लेशकर्मावरणैर् विमुक्तस्य ज्ञानस्यानन्त्यं भवति ॥ (१।१)
sarvaiḥ kleśakarmāvaraṇair vimuktasya jñānasyānantyaṃ bhavati ||
आवरकेण तमसाभिभूतम् आवृतम् अनन्तं ज्ञानसत्त्वं क्वचिद् एव रजसा प्रवर्तितम् उद्घाटितं ग्रहणसमर्थं भवति ॥ (२।१)
āvarakeṇa tamasābhibhūtam āvṛtam anantaṃ jñānasattvaṃ kvacid eva rajasā pravartitam udghāṭitaṃ grahaṇasamarthaṃ bhavati ||
तत्र यदा सर्वैर् आवरणमलैर् अपगतं भवति तदा भवत्य् अस्यानन्त्यम् ॥ (३।१)
tatra yadā sarvair āvaraṇamalair apagataṃ bhavati tadā bhavaty asyānantyam ||
ज्ञानस्यानन्त्याज्ज्ञेयम् अल्पं सम्पद्यते यथा यत्रेदम् उक्तम् । (४।१)
jñānasyānantyājjñeyam alpaṃ sampadyate yathā yatredam uktam |
अग्रीवस् तं प्रत्यमुञ्चत् तम् अजिह्वो ऽभ्यपूजयत् ॥ (४।३)
agrīvas taṃ pratyamuñcat tam ajihvo 'bhyapūjayat ||
Data courtesy of The Digital Corpus of Sanskrit.