YSBhā zu YS, 2, 27.1
Select a line for its word-by-word analysis.
सप्तधेत्यशुद्ध्यावरणमलापगमाच् चित्तस्य प्रत्ययान्तरानुत्पादे सति सप्तप्रकारैव प्रज्ञा विवेकिनो भवति ॥ (२।१)
saptadhetyaśuddhyāvaraṇamalāpagamāc cittasya pratyayāntarānutpāde sati saptaprakāraiva prajñā vivekino bhavati ||
परिज्ञातं हेयं नास्य पुनः परिज्ञेयम् अस्ति ॥ (४।१)
parijñātaṃ heyaṃ nāsya punaḥ parijñeyam asti ||
क्षीणा हेयहेतवो न पुनर् एतेषां क्षेतव्यम् अस्ति ॥ (५।१)
kṣīṇā heyahetavo na punar eteṣāṃ kṣetavyam asti ||
गुणा गिरिशिखरकूटच्युता इव ग्रावाणो निरवस्थानाः स्वकारणे प्रलयाभिमुखाः सह तेनास्तं गच्छन्ति ॥ (११।१)
guṇā giriśikharakūṭacyutā iva grāvāṇo niravasthānāḥ svakāraṇe pralayābhimukhāḥ saha tenāstaṃ gacchanti ||
न चैषां प्रविलीनानां पुनर् अस्त्युत्पादः प्रयोजनाभावाद् इति ॥ (१२।१)
na caiṣāṃ pravilīnānāṃ punar astyutpādaḥ prayojanābhāvād iti ||
एतस्याम् अवस्थायां गुणसंबन्धातीतः स्वरूपमात्रज्योतिर् अमलः केवली पुरुष इति ॥ (१३।१)
etasyām avasthāyāṃ guṇasaṃbandhātītaḥ svarūpamātrajyotir amalaḥ kevalī puruṣa iti ||
एतां सप्तविधां प्रान्तभूमिप्रज्ञाम् अनुपश्यन् पुरुषः कुशल इत्य् आख्यायते ॥ (१४।१)
etāṃ saptavidhāṃ prāntabhūmiprajñām anupaśyan puruṣaḥ kuśala ity ākhyāyate ||
प्रतिप्रसवे ऽपि चित्तस्य मुक्तः कुशल इत्य् एव भवति गुणातीतत्वाद् इति ॥ (१५।१)
pratiprasave 'pi cittasya muktaḥ kuśala ity eva bhavati guṇātītatvād iti ||
न च सिद्धिर् अन्तरेण साधनम् इत्येतद् आरभ्यते ॥ (१७।१)
na ca siddhir antareṇa sādhanam ityetad ārabhyate ||
Data courtesy of The Digital Corpus of Sanskrit.