Devatā देवता

Indra

Ṛṣi ऋषि

Gṛtsamada Bhārgava Śaunaka

Chandas छन्दस्

Atiśakvarī, Aṣṭi, Atiśakvarī Or Aṣṭi

1. Ṛk 1

   त्रिक॑द्रुकेषु महि॒षो यवा॑शिरं तुवि॒शुष्म॑स्तृ॒पत्सोम॑मपिब॒द्विष्णु॑ना सु॒तं यथाव॑शत् ।
   स ईं॑ ममाद॒ महि॒ कर्म॒ कर्त॑वे म॒हामु॒रुं सैनं॑ सश्चद्दे॒वो दे॒वं स॒त्यमिंद्रं॑ स॒त्य इंदुः॑ ॥

   त्रिकद्रुकेषु महिषो यवाशिरं तुविशुष्मस् तृपत् सोमम् अपिबद् विष्णुना सुतं यथावशत् |
   स ईम् ममाद महि कर्म कर्तवे महाम् उरुं सैनं सश्चद् देवो देवं सत्यम् इन्द्रं सत्य इन्दुः ||

   tríkadrukeṣu mahiṣó yávāśiram tuviśúṣmastṛpátsómamapibadvíṣṇunā sutám yáthā́vaśat ǀ
   sá īm mamāda máhi kárma kártave mahā́murúm sáinam saścaddevó devám satyámíndram satyá índuḥ ǁ

   trikadrukeṣu mahiṣo yavāśiraṃ tuviśuṣmas tṛpat somam apibad viṣṇunā sutaṃ yathāvaśat |
   sa īm mamāda mahi karma kartave mahām uruṃ sainaṃ saścad devo devaṃ satyam indraṃ satya induḥ ||

   त्रिऽक॑द्रुकेषु । म॒हि॒षः । यव॑ऽआशिरम् । तु॒वि॒ऽशुष्मः॑ । तृ॒पत् । सोम॑म् । अ॒पि॒ब॒त् । विष्णु॑ना । सु॒तम् । यथा॑ । अव॑शत् ।
   सः । ई॒म् । म॒मा॒द॒ । महि॑ । कर्म॑ । कर्त॑वे । म॒हाम् । उ॒रुम् । सः । ए॒न॒म् । स॒श्च॒त् । दे॒वः । दे॒वम् । स॒त्यम् । इन्द्र॑म् । स॒त्यः । इन्दुः॑ ॥

   त्रिऽकद्रुकेषु । महिषः । यवऽआशिरम् । तुविऽशुष्मः । तृपत् । सोमम् । अपिबत् । विष्णुना । सुतम् । यथा । अवशत् ।
   सः । ईम् । ममाद । महि । कर्म । कर्तवे । महाम् । उरुम् । सः । एनम् । सश्चत् । देवः । देवम् । सत्यम् । इन्द्रम् । सत्यः । इन्दुः ॥

   trí-kadrukeṣu ǀ mahiṣáḥ ǀ yáva-āśiram ǀ tuvi-śúṣmaḥ ǀ tṛpát ǀ sómam ǀ apibat ǀ víṣṇunā ǀ sutám ǀ yáthā ǀ ávaśat ǀ
   sáḥ ǀ īm ǀ mamāda ǀ máhi ǀ kárma ǀ kártave ǀ mahā́m ǀ urúm ǀ sáḥ ǀ enam ǀ saścat ǀ deváḥ ǀ devám ǀ satyám ǀ índram ǀ satyáḥ ǀ índuḥ ǁ

   tri-kadrukeṣu ǀ mahiṣaḥ ǀ yava-āśiram ǀ tuvi-śuṣmaḥ ǀ tṛpat ǀ somam ǀ apibat ǀ viṣṇunā ǀ sutam ǀ yathā ǀ avaśat ǀ
   saḥ ǀ īm ǀ mamāda ǀ mahi ǀ karma ǀ kartave ǀ mahām ǀ urum ǀ saḥ ǀ enam ǀ saścat ǀ devaḥ ǀ devam ǀ satyam ǀ indram ǀ satyaḥ ǀ induḥ ǁ

   2.22.1 Aṣṭaka 2.6.28.1Anuvāka 2.2.102Interpretations

2. Ṛk 2

   अध॒ त्विषी॑माँ अ॒भ्योज॑सा॒ क्रिविं॑ यु॒धाभ॑व॒दा रोद॑सी अपृणदस्य म॒ज्मना॒ प्र वा॑वृधे ।
   अध॑त्ता॒न्यं ज॒ठरे॒ प्रेम॑रिच्यत॒ सैनं॑ सश्चद्दे॒वो दे॒वं स॒त्यमिंद्रं॑ स॒त्य इंदुः॑ ॥

   अध त्विषीमां अभ्य् ओजसा क्रिविं युधाभवद् आ रोदसी अपृणद् अस्य मज्मना प्र वावृधे |
   अधत्तान्यं जठरे प्रेम् अरिच्यत सैनं सश्चद् देवो देवं सत्यम् इन्द्रं सत्य इन्दुः ||

   ádha tvíṣīmām̐ abhyójasā krívim yudhā́bhavadā́ ródasī apṛṇadasya majmánā prá vāvṛdhe ǀ
   ádhattānyám jaṭháre prémaricyata sáinam saścaddevó devám satyámíndram satyá índuḥ ǁ

   adha tviṣīmāṃ abhy ojasā kriviṃ yudhābhavad ā rodasī apṛṇad asya majmanā pra vāvṛdhe |
   adhattānyaṃ jaṭhare prem aricyata sainaṃ saścad devo devaṃ satyam indraṃ satya induḥ ||

   अध॑ । त्विषि॑ऽमान् । अ॒भि । ओज॑सा । क्रिवि॑म् । यु॒धा । अ॒भ॒व॒त् । आ । रोद॑सी॒ इति॑ । अ॒पृ॒ण॒त् । अ॒स्य॒ । म॒ज्मना॑ । प्र । व॒वृ॒धे॒ ।
   अध॑त्त । अ॒न्यम् । ज॒ठरे॑ । प्र । ई॒म् । अ॒रि॒च्य॒त॒ । सः । ए॒न॒म् । स॒श्च॒त् । दे॒वः । दे॒वम् । स॒त्यम् । इन्द्र॑म् । स॒त्यः । इन्दुः॑ ॥

   अध । त्विषिऽमान् । अभि । ओजसा । क्रिविम् । युधा । अभवत् । आ । रोदसी इति । अपृणत् । अस्य । मज्मना । प्र । ववृधे ।
   अधत्त । अन्यम् । जठरे । प्र । ईम् । अरिच्यत । सः । एनम् । सश्चत् । देवः । देवम् । सत्यम् । इन्द्रम् । सत्यः । इन्दुः ॥

   ádha ǀ tvíṣi-mān ǀ abhí ǀ ójasā ǀ krívim ǀ yudhā́ ǀ abhavat ǀ ā́ ǀ ródasī íti ǀ apṛṇat ǀ asya ǀ majmánā ǀ prá ǀ vavṛdhe ǀ
   ádhatta ǀ anyám ǀ jaṭháre ǀ prá ǀ īm ǀ aricyata ǀ sáḥ ǀ enam ǀ saścat ǀ deváḥ ǀ devám ǀ satyám ǀ índram ǀ satyáḥ ǀ índuḥ ǁ

   adha ǀ tviṣi-mān ǀ abhi ǀ ojasā ǀ krivim ǀ yudhā ǀ abhavat ǀ ā ǀ rodasī iti ǀ apṛṇat ǀ asya ǀ majmanā ǀ pra ǀ vavṛdhe ǀ
   adhatta ǀ anyam ǀ jaṭhare ǀ pra ǀ īm ǀ aricyata ǀ saḥ ǀ enam ǀ saścat ǀ devaḥ ǀ devam ǀ satyam ǀ indram ǀ satyaḥ ǀ induḥ ǁ

   2.22.2 Aṣṭaka 2.6.28.2Anuvāka 2.2.103Interpretations

3. Ṛk 3

   सा॒कं जा॒तः क्रतु॑ना सा॒कमोज॑सा ववक्षिथ सा॒कं वृ॒द्धो वी॒र्यैः॑ सास॒हिर्मृधो॒ विच॑र्षणिः ।
   दाता॒ राधः॑ स्तुव॒ते काम्यं॒ वसु॒ सैनं॑ सश्चद्दे॒वो दे॒वं स॒त्यमिंद्रं॑ स॒त्य इंदुः॑ ॥

   साकं जातः क्रतुना साकम् ओजसा ववक्षिथ साकं वृद्धो वीर्यैः सासहिर् मृधो विचर्षणिः |
   दाता राध स्तुवते काम्यं वसु सैनं सश्चद् देवो देवं सत्यम् इन्द्रं सत्य इन्दुः ||

   sākám jātáḥ krátunā sākámójasā vavakṣitha sākám vṛddhó vīryáiḥ sāsahírmṛ́dho vícarṣaṇiḥ ǀ
   dā́tā rā́dhaḥ stuvaté kā́myam vásu sáinam saścaddevó devám satyámíndram satyá índuḥ ǁ

   sākaṃ jātaḥ kratunā sākam ojasā vavakṣitha sākaṃ vṛddho vīryaiḥ sāsahir mṛdho vicarṣaṇiḥ |
   dātā rādha stuvate kāmyaṃ vasu sainaṃ saścad devo devaṃ satyam indraṃ satya induḥ ||

   सा॒कम् । जा॒तः । क्रतु॑ना । सा॒कम् । ओज॑सा । व॒व॒क्षि॒थ॒ । सा॒कम् । वृ॒द्धः । वी॒र्यैः॑ । स॒स॒हिः । मृधः॑ । विऽच॑र्षणिः ।
   दाता॑ । राधः॑ । स्तु॒व॒ते । काम्य॑म् । वसु॑ । सः । ए॒न॒म् । स॒श्च॒त् । दे॒वः । दे॒वम् । स॒त्यम् । इन्द्र॑म् । स॒त्यः । इन्दुः॑ ॥

   साकम् । जातः । क्रतुना । साकम् । ओजसा । ववक्षिथ । साकम् । वृद्धः । वीर्यैः । ससहिः । मृधः । विऽचर्षणिः ।
   दाता । राधः । स्तुवते । काम्यम् । वसु । सः । एनम् । सश्चत् । देवः । देवम् । सत्यम् । इन्द्रम् । सत्यः । इन्दुः ॥

   sākám ǀ jātáḥ ǀ krátunā ǀ sākám ǀ ójasā ǀ vavakṣitha ǀ sākám ǀ vṛddháḥ ǀ vīryáiḥ ǀ sasahíḥ ǀ mṛ́dhaḥ ǀ ví-carṣaṇiḥ ǀ
   dā́tā ǀ rā́dhaḥ ǀ stuvaté ǀ kā́myam ǀ vásu ǀ sáḥ ǀ enam ǀ saścat ǀ deváḥ ǀ devám ǀ satyám ǀ índram ǀ satyáḥ ǀ índuḥ ǁ

   sākam ǀ jātaḥ ǀ kratunā ǀ sākam ǀ ojasā ǀ vavakṣitha ǀ sākam ǀ vṛddhaḥ ǀ vīryaiḥ ǀ sasahiḥ ǀ mṛdhaḥ ǀ vi-carṣaṇiḥ ǀ
   dātā ǀ rādhaḥ ǀ stuvate ǀ kāmyam ǀ vasu ǀ saḥ ǀ enam ǀ saścat ǀ devaḥ ǀ devam ǀ satyam ǀ indram ǀ satyaḥ ǀ induḥ ǁ

   2.22.3 Aṣṭaka 2.6.28.3Anuvāka 2.2.104Interpretations

4. Ṛk 4

   तव॒ त्यन्नर्यं॑ नृ॒तोऽप॑ इंद्र प्रथ॒मं पू॒र्व्यं दि॒वि प्र॒वाच्यं॑ कृ॒तं ।
   यद्दे॒वस्य॒ शव॑सा॒ प्रारि॑णा॒ असुं॑ रि॒णन्न॒पः ।
   भुव॒द्विश्व॑म॒भ्यादे॑व॒मोज॑सा वि॒दादूर्जं॑ श॒तक्र॑तुर्वि॒दादिषं॑ ॥

   तव त्यन् नर्यं नृतो ऽप इन्द्र प्रथमम् पूर्व्यं दिवि प्रवाच्यं कृतम् |
   यद् देवस्य शवसा प्रारिणा असुं रिणन्न् अपः |
   भुवद् विश्वम् अभ्य् आदेवम् ओजसा विदाद् ऊर्जं शतक्रतुर् विदाद् इषम् ||

   táva tyánnáryam nṛtó’pa indra prathamám pūrvyám diví pravā́cyam kṛtám ǀ
   yáddevásya śávasā prā́riṇā ásum riṇánnapáḥ ǀ
   bhúvadvíśvamabhyā́devamójasā vidā́dū́rjam śatákraturvidā́díṣam ǁ

   tava tyan naryaṃ nṛto 'pa indra prathamam pūrvyaṃ divi pravācyaṃ kṛtam |
   yad devasya śavasā prāriṇā asuṃ riṇann apaḥ |
   bhuvad viśvam abhy ādevam ojasā vidād ūrjaṃ śatakratur vidād iṣam ||

   तव॑ । त्यत् । नर्य॑म् । नृ॒तो॒ इति॑ । अपः॑ । इ॒न्द्र॒ । प्र॒थ॒मम् । पू॒र्व्यम् । दि॒वि । प्र॒ऽवाच्य॑म् । कृ॒तम् ।
   यत् । दे॒वस्य॑ । शव॑सा । प्र । अरि॑णाः । असु॑म् । रि॒णन् । अ॒पः ।
   भुव॑त् । विश्व॑म् । अ॒भि । अदे॑वम् । ओज॑सा । वि॒दात् । ऊर्ज॑म् । श॒तऽक्र॑तुः । वि॒दात् । इष॑म् ॥

   तव । त्यत् । नर्यम् । नृतो इति । अपः । इन्द्र । प्रथमम् । पूर्व्यम् । दिवि । प्रऽवाच्यम् । कृतम् ।
   यत् । देवस्य । शवसा । प्र । अरिणाः । असुम् । रिणन् । अपः ।
   भुवत् । विश्वम् । अभि । अदेवम् । ओजसा । विदात् । ऊर्जम् । शतऽक्रतुः । विदात् । इषम् ॥

   táva ǀ tyát ǀ náryam ǀ nṛto íti ǀ ápaḥ ǀ indra ǀ prathamám ǀ pūrvyám ǀ diví ǀ pra-vā́cyam ǀ kṛtám ǀ
   yát ǀ devásya ǀ śávasā ǀ prá ǀ áriṇāḥ ǀ ásum ǀ riṇán ǀ apáḥ ǀ
   bhúvat ǀ víśvam ǀ abhí ǀ ádevam ǀ ójasā ǀ vidā́t ǀ ū́rjam ǀ śatá-kratuḥ ǀ vidā́t ǀ íṣam ǁ

   tava ǀ tyat ǀ naryam ǀ nṛto iti ǀ apaḥ ǀ indra ǀ prathamam ǀ pūrvyam ǀ divi ǀ pra-vācyam ǀ kṛtam ǀ
   yat ǀ devasya ǀ śavasā ǀ pra ǀ ariṇāḥ ǀ asum ǀ riṇan ǀ apaḥ ǀ
   bhuvat ǀ viśvam ǀ abhi ǀ adevam ǀ ojasā ǀ vidāt ǀ ūrjam ǀ śata-kratuḥ ǀ vidāt ǀ iṣam ǁ

   2.22.4 Aṣṭaka 2.6.28.4Anuvāka 2.2.105Interpretations

Text, recitation and interpretations from the Ṛgveda database of theveda.org.in.