Devatā देवता

1: Ādityās, Mitra, Varuṇa, Viśvedevās; 2, 4-6: Viśvedevās; 3: Aditi, Indra, Maruts, Mitra, Varuṇa, Viśvedevās; 7: Varuṇa, Viśvedevās

Ṛṣi ऋषि

Somahūti Bhārgava Śaunaka Or Kūrma Gārtsamada

Chandas छन्दस्

Triṣṭubh

1. Ṛk 1

   धृत॑व्रता॒ आदि॑त्या॒ इषि॑रा आ॒रे मत्क॑र्त रह॒सूरि॒वागः॑ ।
   शृ॒ण्व॒तो वो॒ वरु॑ण॒ मित्र॒ देवा॑ भ॒द्रस्य॑ वि॒द्वाँ अव॑से हुवे वः ॥

   धृतव्रता आदित्या इषिरा आरे मत् कर्त रहसूर् इवागः |
   शृण्वतो वो वरुण मित्र देवा भद्रस्य विद्वां अवसे हुवे वः ||

   dhṛ́tavratā ā́dityā íṣirā āré mátkarta rahasū́rivā́gaḥ ǀ
   śṛṇvató vo váruṇa mítra dévā bhadrásya vidvā́m̐ ávase huve vaḥ ǁ

   dhṛtavratā ādityā iṣirā āre mat karta rahasūr ivāgaḥ |
   śṛṇvato vo varuṇa mitra devā bhadrasya vidvāṃ avase huve vaḥ ||

   धृत॑ऽव्रताः । आदि॑त्याः । इषि॑राः । आ॒रे । मत् । क॒र्त॒ । र॒ह॒सूःऽइ॑व । आगः॑ ।
   शृ॒ण्व॒तः । वः॒ । वरु॑ण । मित्र॑ । देवाः॑ । भ॒द्रस्य॑ । वि॒द्वान् । अव॑से । हु॒वे॒ । वः॒ ॥

   धृतऽव्रताः । आदित्याः । इषिराः । आरे । मत् । कर्त । रहसूःऽइव । आगः ।
   शृण्वतः । वः । वरुण । मित्र । देवाः । भद्रस्य । विद्वान् । अवसे । हुवे । वः ॥

   dhṛ́ta-vratāḥ ǀ ā́dityāḥ ǀ íṣirāḥ ǀ āré ǀ mát ǀ karta ǀ rahasū́ḥ-iva ǀ ā́gaḥ ǀ
   śṛṇvatáḥ ǀ vaḥ ǀ váruṇa ǀ mítra ǀ dévāḥ ǀ bhadrásya ǀ vidvā́n ǀ ávase ǀ huve ǀ vaḥ ǁ

   dhṛta-vratāḥ ǀ ādityāḥ ǀ iṣirāḥ ǀ āre ǀ mat ǀ karta ǀ rahasūḥ-iva ǀ āgaḥ ǀ
   śṛṇvataḥ ǀ vaḥ ǀ varuṇa ǀ mitra ǀ devāḥ ǀ bhadrasya ǀ vidvān ǀ avase ǀ huve ǀ vaḥ ǁ

   2.29.1 Aṣṭaka 2.7.11.1Anuvāka 2.3.73Interpretations

2. Ṛk 2

   यू॒यं दे॑वाः॒ प्रम॑तिर्यू॒यमोजो॑ यू॒यं द्वेषां॑सि सनु॒तर्यु॑योत ।
   अ॒भि॒क्ष॒त्तारो॑ अ॒भि च॒ क्षम॑ध्वम॒द्या च॑ नो मृ॒ळय॑ताप॒रं च॑ ॥

   यूयं देवाः प्रमतिर् यूयम् ओजो यूयं द्वेषांसि सनुतर् युयोत |
   अभिक्षत्तारो अभि च क्षमध्वम् अद्या च नो मृऌअयतापरं च ||

   yūyám devāḥ prámatiryūyámójo yūyám dvéṣāṃsi sanutáryuyota ǀ
   abhikṣattā́ro abhí ca kṣámadhvamadyā́ ca no mṛḷáyatāparám ca ǁ

   yūyaṃ devāḥ pramatir yūyam ojo yūyaṃ dveṣāṃsi sanutar yuyota |
   abhikṣattāro abhi ca kṣamadhvam adyā ca no mṛḷayatāparaṃ ca ||

   यू॒यम् । दे॒वाः॒ । प्रऽम॑तिः । यू॒यम् । ओजः॑ । यू॒यम् । द्वेषां॑सि । स॒नु॒तः । यु॒यो॒त॒ ।
   अ॒भि॒ऽक्ष॒त्तारः॑ । अ॒भि । च॒ । क्षम॑ध्वम् । अ॒द्य । च॒ । नः॒ । मृ॒ळय॑त । अ॒प॒रम् । च॒ ॥

   यूयम् । देवाः । प्रऽमतिः । यूयम् । ओजः । यूयम् । द्वेषांसि । सनुतः । युयोत ।
   अभिऽक्षत्तारः । अभि । च । क्षमध्वम् । अद्य । च । नः । मृळयत । अपरम् । च ॥

   yūyám ǀ devāḥ ǀ prá-matiḥ ǀ yūyám ǀ ójaḥ ǀ yūyám ǀ dvéṣāṃsi ǀ sanutáḥ ǀ yuyota ǀ
   abhi-kṣattā́raḥ ǀ abhí ǀ ca ǀ kṣámadhvam ǀ adyá ǀ ca ǀ naḥ ǀ mṛḷáyata ǀ aparám ǀ ca ǁ

   yūyam ǀ devāḥ ǀ pra-matiḥ ǀ yūyam ǀ ojaḥ ǀ yūyam ǀ dveṣāṃsi ǀ sanutaḥ ǀ yuyota ǀ
   abhi-kṣattāraḥ ǀ abhi ǀ ca ǀ kṣamadhvam ǀ adya ǀ ca ǀ naḥ ǀ mṛḷayata ǀ aparam ǀ ca ǁ

   2.29.2 Aṣṭaka 2.7.11.2Anuvāka 2.3.74Interpretations

3. Ṛk 3

   किमू॒ नु वः॑ कृणवा॒माप॑रेण॒ किं सने॑न वसव॒ आप्ये॑न ।
   यू॒यं नो॑ मित्रावरुणादिते च स्व॒स्तिमिं॑द्रामरुतो दधात ॥

   किम् ऊ नु वः कृणवामापरेण किं सनेन वसव आप्येन |
   यूयं नो मित्रावरुणादिते च स्वस्तिम् इन्द्रामरुतो दधात ||

   kímū nú vaḥ kṛṇavāmā́pareṇa kím sánena vasava ā́pyena ǀ
   yūyám no mitrāvaruṇādite ca svastímindrāmaruto dadhāta ǁ

   kim ū nu vaḥ kṛṇavāmāpareṇa kiṃ sanena vasava āpyena |
   yūyaṃ no mitrāvaruṇādite ca svastim indrāmaruto dadhāta ||

   किम् । ऊं॒ इति॑ । नु । वः॒ । कृ॒ण॒वा॒म॒ । अप॑रेण । किम् । सने॑न । व॒स॒वः॒ । आप्ये॑न ।
   यू॒यम् । नः॒ । मि॒त्रा॒व॒रु॒णा॒ । अ॒दि॒ते॒ । च॒ । स्व॒स्तिम् । इ॒न्द्रा॒म॒रु॒तः॒ । द॒धा॒त॒ ॥

   किम् । ऊं इति । नु । वः । कृणवाम । अपरेण । किम् । सनेन । वसवः । आप्येन ।
   यूयम् । नः । मित्रावरुणा । अदिते । च । स्वस्तिम् । इन्द्रामरुतः । दधात ॥

   kím ǀ ūṃ íti ǀ nú ǀ vaḥ ǀ kṛṇavāma ǀ ápareṇa ǀ kím ǀ sánena ǀ vasavaḥ ǀ ā́pyena ǀ
   yūyám ǀ naḥ ǀ mitrāvaruṇā ǀ adite ǀ ca ǀ svastím ǀ indrāmarutaḥ ǀ dadhāta ǁ

   kim ǀ ūṃ iti ǀ nu ǀ vaḥ ǀ kṛṇavāma ǀ apareṇa ǀ kim ǀ sanena ǀ vasavaḥ ǀ āpyena ǀ
   yūyam ǀ naḥ ǀ mitrāvaruṇā ǀ adite ǀ ca ǀ svastim ǀ indrāmarutaḥ ǀ dadhāta ǁ

   2.29.3 Aṣṭaka 2.7.11.3Anuvāka 2.3.75Interpretations

4. Ṛk 4

   ह॒ये दे॑वा यू॒यमिदा॒पयः॑ स्थ॒ ते मृ॑ळत॒ नाध॑मानाय॒ मह्यं॑ ।
   मा वो॒ रथो॑ मध्यम॒वाळृ॒ते भू॒न्मा यु॒ष्माव॑त्स्वा॒पिषु॑ श्रमिष्म ॥

   हये देवा यूयम् इद् आपय स्थ ते मृऌअत नाधमानाय मह्यम् |
   मा वो रथो मध्यमवाऌ ऋते भून् मा युष्मावत्स्व् आपिषु श्रमिष्म ||

   hayé devā yūyámídāpáyaḥ stha té mṛḷata nā́dhamānāya máhyam ǀ
   mā́ vo rátho madhyamavā́ḷṛté bhūnmā́ yuṣmā́vatsvāpíṣu śramiṣma ǁ

   haye devā yūyam id āpaya stha te mṛḷata nādhamānāya mahyam |
   mā vo ratho madhyamavāḷ ṛte bhūn mā yuṣmāvatsv āpiṣu śramiṣma ||

   ह॒ये । दे॒वाः॒ । यू॒यम् । इत् । आ॒पयः॑ । स्थ॒ । ते । मृ॒ळ॒त॒ । नाध॑मानाय । मह्य॑म् ।
   मा । वः॒ । रथः॑ । म॒ध्य॒म॒ऽवाट् । ऋ॒ते । भू॒त् । मा । यु॒ष्माव॑त्ऽसु । आ॒पिषु॑ । श्र॒मि॒ष्म॒ ॥

   हये । देवाः । यूयम् । इत् । आपयः । स्थ । ते । मृळत । नाधमानाय । मह्यम् ।
   मा । वः । रथः । मध्यमऽवाट् । ऋते । भूत् । मा । युष्मावत्ऽसु । आपिषु । श्रमिष्म ॥

   hayé ǀ devāḥ ǀ yūyám ǀ ít ǀ āpáyaḥ ǀ stha ǀ té ǀ mṛḷata ǀ nā́dhamānāya ǀ máhyam ǀ
   mā́ ǀ vaḥ ǀ ráthaḥ ǀ madhyama-vā́ṭ ǀ ṛté ǀ bhūt ǀ mā́ ǀ yuṣmā́vat-su ǀ āpíṣu ǀ śramiṣma ǁ

   haye ǀ devāḥ ǀ yūyam ǀ it ǀ āpayaḥ ǀ stha ǀ te ǀ mṛḷata ǀ nādhamānāya ǀ mahyam ǀ
   mā ǀ vaḥ ǀ rathaḥ ǀ madhyama-vāṭ ǀ ṛte ǀ bhūt ǀ mā ǀ yuṣmāvat-su ǀ āpiṣu ǀ śramiṣma ǁ

   2.29.4 Aṣṭaka 2.7.11.4Anuvāka 2.3.76Interpretations

5. Ṛk 5

   प्र व॒ एको॑ मिमय॒ भूर्यागो॒ यन्मा॑ पि॒तेव॑ कित॒वं श॑शा॒स ।
   आ॒रे पाशा॑ आ॒रे अ॒घानि॑ देवा॒ मा माधि॑ पु॒त्रे विमि॑व ग्रभीष्ट ॥

   प्र व एको मिमय भूर्य् आगो यन् मा पितेव कितवं शशास |
   आरे पाशा आरे अघानि देवा मा माधि पुत्रे विम् इव ग्रभीष्ट ||

   prá va éko mimaya bhū́ryā́go yánmā pitéva kitavám śaśāsá ǀ
   āré pā́śā āré aghā́ni devā mā́ mā́dhi putré vímiva grabhīṣṭa ǁ

   pra va eko mimaya bhūry āgo yan mā piteva kitavaṃ śaśāsa |
   āre pāśā āre aghāni devā mā mādhi putre vim iva grabhīṣṭa ||

   प्र । वः॒ । एकः॑ । मि॒म॒य॒ । भूरि॑ । आगः॑ । यत् । मा॒ । पि॒ताऽइ॑व । कि॒त॒वम् । श॒शा॒स ।
   आ॒रे । पाशाः॑ । आ॒रे । अ॒घानि॑ । दे॒वाः॒ । मा । मा॒ । अधि॑ । पु॒त्रे । विम्ऽइ॑व । ग्र॒भी॒ष्ट॒ ॥

   प्र । वः । एकः । मिमय । भूरि । आगः । यत् । मा । पिताऽइव । कितवम् । शशास ।
   आरे । पाशाः । आरे । अघानि । देवाः । मा । मा । अधि । पुत्रे । विम्ऽइव । ग्रभीष्ट ॥

   prá ǀ vaḥ ǀ ékaḥ ǀ mimaya ǀ bhū́ri ǀ ā́gaḥ ǀ yát ǀ mā ǀ pitā́-iva ǀ kitavám ǀ śaśāsá ǀ
   āré ǀ pā́śāḥ ǀ āré ǀ aghā́ni ǀ devāḥ ǀ mā́ ǀ mā ǀ ádhi ǀ putré ǀ vím-iva ǀ grabhīṣṭa ǁ

   pra ǀ vaḥ ǀ ekaḥ ǀ mimaya ǀ bhūri ǀ āgaḥ ǀ yat ǀ mā ǀ pitā-iva ǀ kitavam ǀ śaśāsa ǀ
   āre ǀ pāśāḥ ǀ āre ǀ aghāni ǀ devāḥ ǀ mā ǀ mā ǀ adhi ǀ putre ǀ vim-iva ǀ grabhīṣṭa ǁ

   2.29.5 Aṣṭaka 2.7.11.5Anuvāka 2.3.77Interpretations

6. Ṛk 6

   अ॒र्वांचो॑ अ॒द्या भ॑वता यजत्रा॒ आ वो॒ हार्दि॒ भय॑मानो व्ययेयं ।
   त्राध्वं॑ नो देवा नि॒जुरो॒ वृक॑स्य॒ त्राध्वं॑ क॒र्ताद॑व॒पदो॑ यजत्राः ॥

   अर्वाञ्चो अद्या भवता यजत्रा आ वो हार्दि भयमानो व्ययेयम् |
   त्राध्वं नो देवा निजुरो वृकस्य त्राध्वं कर्ताद् अवपदो यजत्राः ||

   arvā́ñco adyā́ bhavatā yajatrā ā́ vo hā́rdi bháyamāno vyayeyam ǀ
   trā́dhvam no devā nijúro vṛ́kasya trā́dhvam kartā́davapádo yajatrāḥ ǁ

   arvāñco adyā bhavatā yajatrā ā vo hārdi bhayamāno vyayeyam |
   trādhvaṃ no devā nijuro vṛkasya trādhvaṃ kartād avapado yajatrāḥ ||

   अ॒र्वाञ्चः॑ । अ॒द्य । भ॒व॒त॒ । य॒ज॒त्राः॒ । आ । वः॒ । हार्दि॑ । भय॑मानः । व्य॒ये॒य॒म् ।
   त्राध्व॑म् । नः॒ । दे॒वाः॒ । नि॒ऽजुरः॑ । वृक॑स्य । त्राध्व॑म् । क॒र्तात् । अ॒व॒ऽपदः॑ । य॒ज॒त्राः॒ ॥

   अर्वाञ्चः । अद्य । भवत । यजत्राः । आ । वः । हार्दि । भयमानः । व्ययेयम् ।
   त्राध्वम् । नः । देवाः । निऽजुरः । वृकस्य । त्राध्वम् । कर्तात् । अवऽपदः । यजत्राः ॥

   arvā́ñcaḥ ǀ adyá ǀ bhavata ǀ yajatrāḥ ǀ ā́ ǀ vaḥ ǀ hā́rdi ǀ bháyamānaḥ ǀ vyayeyam ǀ
   trā́dhvam ǀ naḥ ǀ devāḥ ǀ ni-júraḥ ǀ vṛ́kasya ǀ trā́dhvam ǀ kartā́t ǀ ava-pádaḥ ǀ yajatrāḥ ǁ

   arvāñcaḥ ǀ adya ǀ bhavata ǀ yajatrāḥ ǀ ā ǀ vaḥ ǀ hārdi ǀ bhayamānaḥ ǀ vyayeyam ǀ
   trādhvam ǀ naḥ ǀ devāḥ ǀ ni-juraḥ ǀ vṛkasya ǀ trādhvam ǀ kartāt ǀ ava-padaḥ ǀ yajatrāḥ ǁ

   2.29.6 Aṣṭaka 2.7.11.6Anuvāka 2.3.78Interpretations

7. Ṛk 7

   माहं म॒घोनो॑ वरुण प्रि॒यस्य॑ भूरि॒दाव्न॒ आ वि॑दं॒ शून॑मा॒पेः ।
   मा रा॒यो रा॑जन्त्सु॒यमा॒दव॑ स्थां बृ॒हद्व॑देम वि॒दथे॑ सु॒वीराः॑ ॥

   माहम् मघोनो वरुण प्रियस्य भूरिदाव्न आ विदं शूनम् आपेः |
   मा रायो राजन् सुयमाद् अव स्थाम् बृहद् वदेम विदथे सुवीराः ||

   mā́hám maghóno varuṇa priyásya bhūridā́vna ā́ vidam śū́namāpéḥ ǀ
   mā́ rāyó rājantsuyámādáva sthām bṛhádvadema vidáthe suvī́rāḥ ǁ

   māham maghono varuṇa priyasya bhūridāvna ā vidaṃ śūnam āpeḥ |
   mā rāyo rājan suyamād ava sthām bṛhad vadema vidathe suvīrāḥ ||

   मा । अ॒हम् । म॒घोनः॑ । व॒रु॒ण॒ । प्रि॒यस्य॑ । भू॒रि॒ऽदाव्नः॑ । आ । वि॒द॒म् । शून॑म् । आ॒पेः ।
   मा । रा॒यः । रा॒ज॒न् । सु॒ऽयमा॑त् । अव॑ । स्था॒म् । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥

   मा । अहम् । मघोनः । वरुण । प्रियस्य । भूरिऽदाव्नः । आ । विदम् । शूनम् । आपेः ।
   मा । रायः । राजन् । सुऽयमात् । अव । स्थाम् । बृहत् । वदेम । विदथे । सुऽवीराः ॥

   mā́ ǀ ahám ǀ maghónaḥ ǀ varuṇa ǀ priyásya ǀ bhūri-dā́vnaḥ ǀ ā́ ǀ vidam ǀ śū́nam ǀ āpéḥ ǀ
   mā́ ǀ rāyáḥ ǀ rājan ǀ su-yámāt ǀ áva ǀ sthām ǀ bṛhát ǀ vadema ǀ vidáthe ǀ su-vī́rāḥ ǁ

   mā ǀ aham ǀ maghonaḥ ǀ varuṇa ǀ priyasya ǀ bhūri-dāvnaḥ ǀ ā ǀ vidam ǀ śūnam ǀ āpeḥ ǀ
   mā ǀ rāyaḥ ǀ rājan ǀ su-yamāt ǀ ava ǀ sthām ǀ bṛhat ǀ vadema ǀ vidathe ǀ su-vīrāḥ ǁ

   2.29.7 Aṣṭaka 2.7.11.7Anuvāka 2.3.79Interpretations

Text, recitation and interpretations from the Ṛgveda database of theveda.org.in.