Devatā देवता

Varuṇa

Ṛṣi ऋषि

Somahūti Bhārgava Śaunaka Or Kūrma Gārtsamada

Chandas छन्दस्

Triṣṭubh

1. Ṛk 1

   इ॒दं क॒वेरा॑दि॒त्यस्य॑ स्व॒राजो॒ विश्वा॑नि॒ सांत्य॒भ्य॑स्तु म॒ह्ना ।
   अति॒ यो मं॒द्रो य॒जथा॑य दे॒वः सु॑की॒र्तिं भि॑क्षे॒ वरु॑णस्य॒ भूरेः॑ ॥

   इदं कवेर् आदित्यस्य स्वराजो विश्वानि सान्त्य् अभ्य् अस्तु मह्ना |
   अति यो मन्द्रो यजथाय देवः सुकीर्तिम् भिक्षे वरुणस्य भूरेः ||

   idám kavérādityásya svarā́jo víśvāni sā́ntyabhyástu mahnā́ ǀ
   áti yó mandró yajáthāya deváḥ sukīrtím bhikṣe váruṇasya bhū́reḥ ǁ

   idaṃ kaver ādityasya svarājo viśvāni sānty abhy astu mahnā |
   ati yo mandro yajathāya devaḥ sukīrtim bhikṣe varuṇasya bhūreḥ ||

   इ॒दम् । क॒वेः । आ॒दि॒त्यस्य॑ । स्व॒ऽराजः॑ । विश्वा॑नि । सन्ति॑ । अ॒भि । अ॒स्तु॒ । म॒ह्ना ।
   अति॑ । यः । म॒न्द्रः । य॒जथा॑य । दे॒वः । सु॒ऽकी॒र्तिम् । भि॒क्षे॒ । वरु॑णस्य । भूरेः॑ ॥

   इदम् । कवेः । आदित्यस्य । स्वऽराजः । विश्वानि । सन्ति । अभि । अस्तु । मह्ना ।
   अति । यः । मन्द्रः । यजथाय । देवः । सुऽकीर्तिम् । भिक्षे । वरुणस्य । भूरेः ॥

   idám ǀ kavéḥ ǀ ādityásya ǀ sva-rā́jaḥ ǀ víśvāni ǀ sánti ǀ abhí ǀ astu ǀ mahnā́ ǀ
   áti ǀ yáḥ ǀ mandráḥ ǀ yajáthāya ǀ deváḥ ǀ su-kīrtím ǀ bhikṣe ǀ váruṇasya ǀ bhū́reḥ ǁ

   idam ǀ kaveḥ ǀ ādityasya ǀ sva-rājaḥ ǀ viśvāni ǀ santi ǀ abhi ǀ astu ǀ mahnā ǀ
   ati ǀ yaḥ ǀ mandraḥ ǀ yajathāya ǀ devaḥ ǀ su-kīrtim ǀ bhikṣe ǀ varuṇasya ǀ bhūreḥ ǁ

   2.28.1 Aṣṭaka 2.7.9.1Anuvāka 2.3.62Interpretations

2. Ṛk 2

   तव॑ व्र॒ते सु॒भगा॑सः स्याम स्वा॒ध्यो॑ वरुण तुष्टु॒वांसः॑ ।
   उ॒पाय॑न उ॒षसां॒ गोम॑तीनाम॒ग्नयो॒ न जर॑माणा॒ अनु॒ द्यून् ॥

   तव व्रते सुभगासः स्याम स्वाध्यो वरुण तुष्टुवांसः |
   उपायन उषसां गोमतीनाम् अग्नयो न जरमाणा अनु द्यून् ||

   táva vraté subhágāsaḥ syāma svādhyó varuṇa tuṣṭuvā́ṃsaḥ ǀ
   upā́yana uṣásām gómatīnāmagnáyo ná járamāṇā ánu dyū́n ǁ

   tava vrate subhagāsaḥ syāma svādhyo varuṇa tuṣṭuvāṃsaḥ |
   upāyana uṣasāṃ gomatīnām agnayo na jaramāṇā anu dyūn ||

   तव॑ । व्र॒ते । सु॒ऽभगा॑सः । स्या॒म॒ । सु॒ऽआ॒ध्यः॑ । व॒रु॒ण॒ । तु॒स्तु॒ऽवांसः॑ ।
   उ॒प॒ऽअय॑ने । उ॒षसा॑म् । गोऽम॑तीनाम् । अ॒ग्नयः॑ । न । जर॑माणाः । अनु॑ । द्यून् ॥

   तव । व्रते । सुऽभगासः । स्याम । सुऽआध्यः । वरुण । तुस्तुऽवांसः ।
   उपऽअयने । उषसाम् । गोऽमतीनाम् । अग्नयः । न । जरमाणाः । अनु । द्यून् ॥

   táva ǀ vraté ǀ su-bhágāsaḥ ǀ syāma ǀ su-ādhyáḥ ǀ varuṇa ǀ tustu-vā́ṃsaḥ ǀ
   upa-áyane ǀ uṣásām ǀ gó-matīnām ǀ agnáyaḥ ǀ ná ǀ járamāṇāḥ ǀ ánu ǀ dyū́n ǁ

   tava ǀ vrate ǀ su-bhagāsaḥ ǀ syāma ǀ su-ādhyaḥ ǀ varuṇa ǀ tustu-vāṃsaḥ ǀ
   upa-ayane ǀ uṣasām ǀ go-matīnām ǀ agnayaḥ ǀ na ǀ jaramāṇāḥ ǀ anu ǀ dyūn ǁ

   2.28.2 Aṣṭaka 2.7.9.2Anuvāka 2.3.63Interpretations

3. Ṛk 3

   तव॑ स्याम पुरु॒वीर॑स्य॒ शर्म॑न्नुरु॒शंस॑स्य वरुण प्रणेतः ।
   यू॒यं नः॑ पुत्रा अदितेरदब्धा अ॒भि क्ष॑मध्वं॒ युज्या॑य देवाः ॥

   तव स्याम पुरुवीरस्य शर्मन्न् उरुशंसस्य वरुण प्रणेतः |
   यूयं नः पुत्रा अदितेर् अदब्धा अभि क्षमध्वं युज्याय देवाः ||

   táva syāma puruvī́rasya śármannuruśáṃsasya varuṇa praṇetaḥ ǀ
   yūyám naḥ putrā aditeradabdhā abhí kṣamadhvam yújyāya devāḥ ǁ

   tava syāma puruvīrasya śarmann uruśaṃsasya varuṇa praṇetaḥ |
   yūyaṃ naḥ putrā aditer adabdhā abhi kṣamadhvaṃ yujyāya devāḥ ||

   अव॑ । स्या॒म॒ । पु॒रु॒ऽवीर॑स्य । शर्म॑न् । उ॒रु॒ऽशंस॑स्य । व॒रु॒ण॒ । प्र॒ने॒त॒रिति॑ प्रऽनेतः ।
   यू॒यम् । नः॒ । पु॒त्राः॒ । अ॒दि॒तेः॒ । अ॒द॒ब्धाः॒ । अ॒भि । क्ष॒म॒ध्व॒म् । युज्या॑य । दे॒वाः॒ ॥

   अव । स्याम । पुरुऽवीरस्य । शर्मन् । उरुऽशंसस्य । वरुण । प्रनेतरिति प्रऽनेतः ।
   यूयम् । नः । पुत्राः । अदितेः । अदब्धाः । अभि । क्षमध्वम् । युज्याय । देवाः ॥

   áva ǀ syāma ǀ puru-vī́rasya ǀ śárman ǀ uru-śáṃsasya ǀ varuṇa ǀ pranetaríti pra-netaḥ ǀ
   yūyám ǀ naḥ ǀ putrāḥ ǀ aditeḥ ǀ adabdhāḥ ǀ abhí ǀ kṣamadhvam ǀ yújyāya ǀ devāḥ ǁ

   ava ǀ syāma ǀ puru-vīrasya ǀ śarman ǀ uru-śaṃsasya ǀ varuṇa ǀ pranetariti pra-netaḥ ǀ
   yūyam ǀ naḥ ǀ putrāḥ ǀ aditeḥ ǀ adabdhāḥ ǀ abhi ǀ kṣamadhvam ǀ yujyāya ǀ devāḥ ǁ

   2.28.3 Aṣṭaka 2.7.9.3Anuvāka 2.3.64Interpretations

4. Ṛk 4

   प्र सी॑मादि॒त्यो अ॑सृजद्विध॒र्ताँ ऋ॒तं सिंध॑वो॒ वरु॑णस्य यंति ।
   न श्रा॑म्यंति॒ न वि मु॑चंत्ये॒ते वयो॒ न प॑प्तू रघु॒या परि॑ज्मन् ॥

   प्र सीम् आदित्यो असृजद् विधर्तां ऋतं सिन्धवो वरुणस्य यन्ति |
   न श्राम्यन्ति न वि मुचन्त्य् एते वयो न पप्तू रघुया परिज्मन् ||

   prá sīmādityó asṛjadvidhartā́m̐ ṛtám síndhavo váruṇasya yanti ǀ
   ná śrāmyanti ná ví mucantyeté váyo ná paptū raghuyā́ párijman ǁ

   pra sīm ādityo asṛjad vidhartāṃ ṛtaṃ sindhavo varuṇasya yanti |
   na śrāmyanti na vi mucanty ete vayo na paptū raghuyā parijman ||

   प्र । सी॒म् । आ॒दि॒त्यः । अ॒सृ॒ज॒त् । वि॒ऽध॒र्ता । ऋ॒तम् । सिन्ध॑वः । वरु॑णस्य । य॒न्ति॒ ।
   न । श्रा॒म्य॒न्ति॒ । न । वि । मु॒च॒न्ति॒ । ए॒ते । वयः॑ । न । प॒प्तुः॒ । र॒घु॒ऽया । परि॑ऽज्मन् ॥

   प्र । सीम् । आदित्यः । असृजत् । विऽधर्ता । ऋतम् । सिन्धवः । वरुणस्य । यन्ति ।
   न । श्राम्यन्ति । न । वि । मुचन्ति । एते । वयः । न । पप्तुः । रघुऽया । परिऽज्मन् ॥

   prá ǀ sīm ǀ ādityáḥ ǀ asṛjat ǀ vi-dhartā́ ǀ ṛtám ǀ síndhavaḥ ǀ váruṇasya ǀ yanti ǀ
   ná ǀ śrāmyanti ǀ ná ǀ ví ǀ mucanti ǀ eté ǀ váyaḥ ǀ ná ǀ paptuḥ ǀ raghu-yā́ ǀ pári-jman ǁ

   pra ǀ sīm ǀ ādityaḥ ǀ asṛjat ǀ vi-dhartā ǀ ṛtam ǀ sindhavaḥ ǀ varuṇasya ǀ yanti ǀ
   na ǀ śrāmyanti ǀ na ǀ vi ǀ mucanti ǀ ete ǀ vayaḥ ǀ na ǀ paptuḥ ǀ raghu-yā ǀ pari-jman ǁ

   2.28.4 Aṣṭaka 2.7.9.4Anuvāka 2.3.65Interpretations

5. Ṛk 5

   वि मच्छ्र॑थाय रश॒नामि॒वाग॑ ऋ॒ध्याम॑ ते वरुण॒ खामृ॒तस्य॑ ।
   मा तंतु॑श्छेदि॒ वय॑तो॒ धियं॑ मे॒ मा मात्रा॑ शार्य॒पसः॑ पु॒र ऋ॒तोः ॥

   वि मच् छ्रथाय रशनाम् इवाग ऋध्याम ते वरुण खाम् ऋतस्य |
   मा तन्तुश् छेदि वयतो धियम् मे मा मात्रा शार्य् अपसः पुर ऋतोः ||

   ví mácchrathāya raśanā́mivā́ga ṛdhyā́ma te varuṇa khā́mṛtásya ǀ
   mā́ tántuśchedi váyato dhíyam me mā́ mā́trā śāryapásaḥ purá ṛtóḥ ǁ

   vi mac chrathāya raśanām ivāga ṛdhyāma te varuṇa khām ṛtasya |
   mā tantuś chedi vayato dhiyam me mā mātrā śāry apasaḥ pura ṛtoḥ ||

   वि । मत् । श्र॒थ॒य॒ । र॒श॒नाम्ऽइ॑व । आगः॑ । ऋ॒ध्याम॑ । ते॒ । व॒रु॒ण॒ । खाम् । ऋ॒तस्य॑ ।
   मा । तन्तुः॑ । छे॒दि॒ । वय॑तः । धिय॑म् । मे॒ । मा । मात्रा॑ । शा॒रि॒ । अ॒पसः॑ । पु॒रा । ऋ॒तोः ॥

   वि । मत् । श्रथय । रशनाम्ऽइव । आगः । ऋध्याम । ते । वरुण । खाम् । ऋतस्य ।
   मा । तन्तुः । छेदि । वयतः । धियम् । मे । मा । मात्रा । शारि । अपसः । पुरा । ऋतोः ॥

   ví ǀ mát ǀ śrathaya ǀ raśanā́m-iva ǀ ā́gaḥ ǀ ṛdhyā́ma ǀ te ǀ varuṇa ǀ khā́m ǀ ṛtásya ǀ
   mā́ ǀ tántuḥ ǀ chedi ǀ váyataḥ ǀ dhíyam ǀ me ǀ mā́ ǀ mā́trā ǀ śāri ǀ apásaḥ ǀ purā́ ǀ ṛtóḥ ǁ

   vi ǀ mat ǀ śrathaya ǀ raśanām-iva ǀ āgaḥ ǀ ṛdhyāma ǀ te ǀ varuṇa ǀ khām ǀ ṛtasya ǀ
   mā ǀ tantuḥ ǀ chedi ǀ vayataḥ ǀ dhiyam ǀ me ǀ mā ǀ mātrā ǀ śāri ǀ apasaḥ ǀ purā ǀ ṛtoḥ ǁ

   2.28.5 Aṣṭaka 2.7.9.5Anuvāka 2.3.66Interpretations

6. Ṛk 6

   अपो॒ सु म्य॑क्ष वरुण भि॒यसं॒ मत्सम्रा॒ळृता॒वोऽनु॑ मा गृभाय ।
   दामे॑व व॒त्साद्वि मु॑मु॒ग्ध्यंहो॑ न॒हि त्वदा॒रे नि॒मिष॑श्च॒नेशे॑ ॥

   अपो सु म्यक्ष वरुण भियसम् मत् सम्राऌ ऋतावो ऽनु मा गृभाय |
   दामेव वत्साद् वि मुमुग्ध्य् अंहो नहि त्वद् आरे निमिषश् चनेशे ||

   ápo sú myakṣa varuṇa bhiyásam mátsámrāḷṛ́tāvó’nu mā gṛbhāya ǀ
   dā́meva vatsā́dví mumugdhyáṃho nahí tvádāré nimíṣaścanéśe ǁ

   apo su myakṣa varuṇa bhiyasam mat samrāḷ ṛtāvo 'nu mā gṛbhāya |
   dāmeva vatsād vi mumugdhy aṃho nahi tvad āre nimiṣaś caneśe ||

   अपो॒ इति॑ । सु । म्य॒क्ष॒ । व॒रु॒ण॒ । भि॒यस॑म् । मत् । सम्ऽरा॑ट् । ऋत॑ऽवः । अनु॑ । मा॒ । गृ॒भा॒य॒ ।
   दाम॑ऽइव । व॒त्सात् । वि । मु॒मु॒ग्धि॒ । अंहः॑ । न॒हि । त्वत् । आ॒रे । नि॒ऽमिषः॑ । च॒न । ईशे॑ ॥

   अपो इति । सु । म्यक्ष । वरुण । भियसम् । मत् । सम्ऽराट् । ऋतऽवः । अनु । मा । गृभाय ।
   दामऽइव । वत्सात् । वि । मुमुग्धि । अंहः । नहि । त्वत् । आरे । निऽमिषः । चन । ईशे ॥

   ápo íti ǀ sú ǀ myakṣa ǀ varuṇa ǀ bhiyásam ǀ mát ǀ sám-rāṭ ǀ ṛ́ta-vaḥ ǀ ánu ǀ mā ǀ gṛbhāya ǀ
   dā́ma-iva ǀ vatsā́t ǀ ví ǀ mumugdhi ǀ áṃhaḥ ǀ nahí ǀ tvát ǀ āré ǀ ni-míṣaḥ ǀ caná ǀ ī́śe ǁ

   apo iti ǀ su ǀ myakṣa ǀ varuṇa ǀ bhiyasam ǀ mat ǀ sam-rāṭ ǀ ṛta-vaḥ ǀ anu ǀ mā ǀ gṛbhāya ǀ
   dāma-iva ǀ vatsāt ǀ vi ǀ mumugdhi ǀ aṃhaḥ ǀ nahi ǀ tvat ǀ āre ǀ ni-miṣaḥ ǀ cana ǀ īśe ǁ

   2.28.6 Aṣṭaka 2.7.10.1Anuvāka 2.3.67Interpretations

7. Ṛk 7

   मा नो॑ व॒धैर्व॑रुण॒ ये त॑ इ॒ष्टावेनः॑ कृ॒ण्वंत॑मसुर भ्री॒णंति॑ ।
   मा ज्योति॑षः प्रवस॒थानि॑ गन्म॒ वि षू मृधः॑ शिश्रथो जी॒वसे॑ नः ॥

   मा नो वधैर् वरुण ये त इष्टाव् एनः कृण्वन्तम् असुर भ्रीणन्ति |
   मा ज्योतिषः प्रवसथानि गन्म वि षू मृधः शिश्रथो जीवसे नः ||

   mā́ no vadháirvaruṇa yé ta iṣṭā́vénaḥ kṛṇvántamasura bhrīṇánti ǀ
   mā́ jyótiṣaḥ pravasathā́ni ganma ví ṣū́ mṛ́dhaḥ śiśratho jīváse naḥ ǁ

   mā no vadhair varuṇa ye ta iṣṭāv enaḥ kṛṇvantam asura bhrīṇanti |
   mā jyotiṣaḥ pravasathāni ganma vi ṣū mṛdhaḥ śiśratho jīvase naḥ ||

   मा । नः॒ । व॒धैः । व॒रु॒ण॒ । ये । ते॒ । इ॒ष्टौ । एनः॑ । कृ॒ण्वन्त॑म् । अ॒सु॒र॒ । भ्री॒णन्ति॑ ।
   मा । ज्योति॑षः । प्र॒ऽव॒स॒थानि॑ । ग॒न्म॒ । वि । सु । मृधः॑ । शि॒श्र॒थः॒ । जी॒वसे॑ । नः॒ ॥

   मा । नः । वधैः । वरुण । ये । ते । इष्टौ । एनः । कृण्वन्तम् । असुर । भ्रीणन्ति ।
   मा । ज्योतिषः । प्रऽवसथानि । गन्म । वि । सु । मृधः । शिश्रथः । जीवसे । नः ॥

   mā́ ǀ naḥ ǀ vadháiḥ ǀ varuṇa ǀ yé ǀ te ǀ iṣṭáu ǀ énaḥ ǀ kṛṇvántam ǀ asura ǀ bhrīṇánti ǀ
   mā́ ǀ jyótiṣaḥ ǀ pra-vasathā́ni ǀ ganma ǀ ví ǀ sú ǀ mṛ́dhaḥ ǀ śiśrathaḥ ǀ jīváse ǀ naḥ ǁ

   mā ǀ naḥ ǀ vadhaiḥ ǀ varuṇa ǀ ye ǀ te ǀ iṣṭau ǀ enaḥ ǀ kṛṇvantam ǀ asura ǀ bhrīṇanti ǀ
   mā ǀ jyotiṣaḥ ǀ pra-vasathāni ǀ ganma ǀ vi ǀ su ǀ mṛdhaḥ ǀ śiśrathaḥ ǀ jīvase ǀ naḥ ǁ

   2.28.7 Aṣṭaka 2.7.10.2Anuvāka 2.3.68Interpretations

8. Ṛk 8

   नमः॑ पु॒रा ते॑ वरुणो॒त नू॒नमु॒ताप॒रं तु॑विजात ब्रवाम ।
   त्वे हि कं॒ पर्व॑ते॒ न श्रि॒तान्यप्र॑च्युतानि दूळभ व्र॒तानि॑ ॥

   नमः पुरा ते वरुणोत नूनम् उतापरं तुविजात ब्रवाम |
   त्वे हि कम् पर्वते न श्रितान्य् अप्रच्युतानि दूऌअभ व्रतानि ||

   námaḥ purā́ te varuṇotá nūnámutā́parám tuvijāta bravāma ǀ
   tvé hí kam párvate ná śritā́nyápracyutāni dūḷabha vratā́ni ǁ

   namaḥ purā te varuṇota nūnam utāparaṃ tuvijāta bravāma |
   tve hi kam parvate na śritāny apracyutāni dūḷabha vratāni ||

   नमः॑ । पु॒रा । ते॒ । व॒रु॒ण॒ । उ॒त । नू॒नम् । उ॒त । अ॒प॒रम् । तु॒वि॒ऽजा॒त॒ । ब्र॒वा॒म॒ ।
   त्वे इति॑ । हि । क॒म् । पर्व॑ते । न । श्रि॒तानि॑ । अप्र॑ऽच्युतानि । दुः॒ऽद॒भ॒ । व्र॒तानि॑ ॥

   नमः । पुरा । ते । वरुण । उत । नूनम् । उत । अपरम् । तुविऽजात । ब्रवाम ।
   त्वे इति । हि । कम् । पर्वते । न । श्रितानि । अप्रऽच्युतानि । दुःऽदभ । व्रतानि ॥

   námaḥ ǀ purā́ ǀ te ǀ varuṇa ǀ utá ǀ nūnám ǀ utá ǀ aparám ǀ tuvi-jāta ǀ bravāma ǀ
   tvé íti ǀ hí ǀ kam ǀ párvate ǀ ná ǀ śritā́ni ǀ ápra-cyutāni ǀ duḥ-dabha ǀ vratā́ni ǁ

   namaḥ ǀ purā ǀ te ǀ varuṇa ǀ uta ǀ nūnam ǀ uta ǀ aparam ǀ tuvi-jāta ǀ bravāma ǀ
   tve iti ǀ hi ǀ kam ǀ parvate ǀ na ǀ śritāni ǀ apra-cyutāni ǀ duḥ-dabha ǀ vratāni ǁ

   2.28.8 Aṣṭaka 2.7.10.3Anuvāka 2.3.69Interpretations

9. Ṛk 9

   पर॑ ऋ॒णा सा॑वी॒रध॒ मत्कृ॑तानि॒ माहं रा॑जन्न॒न्यकृ॑तेन भोजं ।
   अव्यु॑ष्टा॒ इन्नु भूय॑सीरु॒षास॒ आ नो॑ जी॒वान्व॑रुण॒ तासु॑ शाधि ॥

   पर ऋणा सावीर् अध मत्कृतानि माहं राजन्न् अन्यकृतेन भोजम् |
   अव्युष्टा इन् नु भूयसीर् उषास आ नो जीवान् वरुण तासु शाधि ||

   pára ṛṇā́ sāvīrádha mátkṛtāni mā́hám rājannanyákṛtena bhojam ǀ
   ávyuṣṭā ínnú bhū́yasīruṣā́sa ā́ no jīvā́nvaruṇa tā́su śādhi ǁ

   para ṛṇā sāvīr adha matkṛtāni māhaṃ rājann anyakṛtena bhojam |
   avyuṣṭā in nu bhūyasīr uṣāsa ā no jīvān varuṇa tāsu śādhi ||

   परा॑ । ऋ॒णा । सा॒वीः॒ । अध॑ । मत्ऽकृ॑तानि । मा । अ॒हम् । रा॒ज॒न् । अ॒न्यऽकृ॑तेन । भो॒ज॒म् ।
   अवि॑ऽउष्टाः । इत् । नु । भूय॑सीः । उ॒षसः॑ । आ । नः॒ । जी॒वान् । व॒रु॒ण॒ । तासु॑ । शा॒धि॒ ॥

   परा । ऋणा । सावीः । अध । मत्ऽकृतानि । मा । अहम् । राजन् । अन्यऽकृतेन । भोजम् ।
   अविऽउष्टाः । इत् । नु । भूयसीः । उषसः । आ । नः । जीवान् । वरुण । तासु । शाधि ॥

   párā ǀ ṛṇā́ ǀ sāvīḥ ǀ ádha ǀ mát-kṛtāni ǀ mā́ ǀ ahám ǀ rājan ǀ anyá-kṛtena ǀ bhojam ǀ
   ávi-uṣṭāḥ ǀ ít ǀ nú ǀ bhū́yasīḥ ǀ uṣásaḥ ǀ ā́ ǀ naḥ ǀ jīvā́n ǀ varuṇa ǀ tā́su ǀ śādhi ǁ

   parā ǀ ṛṇā ǀ sāvīḥ ǀ adha ǀ mat-kṛtāni ǀ mā ǀ aham ǀ rājan ǀ anya-kṛtena ǀ bhojam ǀ
   avi-uṣṭāḥ ǀ it ǀ nu ǀ bhūyasīḥ ǀ uṣasaḥ ǀ ā ǀ naḥ ǀ jīvān ǀ varuṇa ǀ tāsu ǀ śādhi ǁ

   2.28.9 Aṣṭaka 2.7.10.4Anuvāka 2.3.70Interpretations

10. Ṛk 10

    यो मे॑ राज॒न्युज्यो॑ वा॒ सखा॑ वा॒ स्वप्ने॑ भ॒यं भी॒रवे॒ मह्य॒माह॑ ।
    स्ते॒नो वा॒ यो दिप्स॑ति नो॒ वृको॑ वा॒ त्वं तस्मा॑द्वरुण पाह्य॒स्मान् ॥

    यो मे राजन् युज्यो वा सखा वा स्वप्ने भयम् भीरवे मह्यम् आह |
    स्तेनो वा यो दिप्सति नो वृको वा त्वं तस्माद् वरुण पाह्य् अस्मान् ||

    yó me rājanyújyo vā sákhā vā svápne bhayám bhīráve máhyamā́ha ǀ
    stenó vā yó dípsati no vṛ́ko vā tvám tásmādvaruṇa pāhyasmā́n ǁ

    yo me rājan yujyo vā sakhā vā svapne bhayam bhīrave mahyam āha |
    steno vā yo dipsati no vṛko vā tvaṃ tasmād varuṇa pāhy asmān ||

    यः । मे॒ । रा॒ज॒न् । युज्यः॑ । वा॒ । सखा॑ । वा॒ । स्वप्ने॑ । भ॒यम् । भी॒रवे॑ । मह्य॑म् । आह॑ ।
    स्ते॒नः । वा॒ । यः । दिप्स॑ति । नः॒ । वृकः॑ । वा॒ । त्वम् । तस्मा॑त् । व॒रु॒ण॒ । पा॒हि॒ । अ॒स्मान् ॥

    यः । मे । राजन् । युज्यः । वा । सखा । वा । स्वप्ने । भयम् । भीरवे । मह्यम् । आह ।
    स्तेनः । वा । यः । दिप्सति । नः । वृकः । वा । त्वम् । तस्मात् । वरुण । पाहि । अस्मान् ॥

    yáḥ ǀ me ǀ rājan ǀ yújyaḥ ǀ vā ǀ sákhā ǀ vā ǀ svápne ǀ bhayám ǀ bhīráve ǀ máhyam ǀ ā́ha ǀ
    stenáḥ ǀ vā ǀ yáḥ ǀ dípsati ǀ naḥ ǀ vṛ́kaḥ ǀ vā ǀ tvám ǀ tásmāt ǀ varuṇa ǀ pāhi ǀ asmā́n ǁ

    yaḥ ǀ me ǀ rājan ǀ yujyaḥ ǀ vā ǀ sakhā ǀ vā ǀ svapne ǀ bhayam ǀ bhīrave ǀ mahyam ǀ āha ǀ
    stenaḥ ǀ vā ǀ yaḥ ǀ dipsati ǀ naḥ ǀ vṛkaḥ ǀ vā ǀ tvam ǀ tasmāt ǀ varuṇa ǀ pāhi ǀ asmān ǁ

    2.28.10 Aṣṭaka 2.7.10.5Anuvāka 2.3.71Interpretations

11. Ṛk 11

    माहं म॒घोनो॑ वरुण प्रि॒यस्य॑ भूरि॒दाव्न॒ आ वि॑दं॒ शून॑मा॒पेः ।
    मा रा॒यो रा॑जन्त्सु॒यमा॒दव॑ स्थां बृ॒हद्व॑देम वि॒दथे॑ सु॒वीराः॑ ॥

    माहम् मघोनो वरुण प्रियस्य भूरिदाव्न आ विदं शूनम् आपेः |
    मा रायो राजन् सुयमाद् अव स्थाम् बृहद् वदेम विदथे सुवीराः ||

    mā́hám maghóno varuṇa priyásya bhūridā́vna ā́ vidam śū́namāpéḥ ǀ
    mā́ rāyó rājantsuyámādáva sthām bṛhádvadema vidáthe suvī́rāḥ ǁ

    māham maghono varuṇa priyasya bhūridāvna ā vidaṃ śūnam āpeḥ |
    mā rāyo rājan suyamād ava sthām bṛhad vadema vidathe suvīrāḥ ||

    मा । अ॒हम् । म॒घोनः॑ । व॒रु॒ण॒ । प्रि॒यस्य॑ । भू॒रि॒ऽदाव्नः॑ । आ । वि॒द॒म् । शून॑म् । आ॒पेः ।
    मा । रा॒यः । रा॒ज॒न् । सु॒ऽयमा॑त् । अव॑ । स्था॒म् । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥

    मा । अहम् । मघोनः । वरुण । प्रियस्य । भूरिऽदाव्नः । आ । विदम् । शूनम् । आपेः ।
    मा । रायः । राजन् । सुऽयमात् । अव । स्थाम् । बृहत् । वदेम । विदथे । सुऽवीराः ॥

    mā́ ǀ ahám ǀ maghónaḥ ǀ varuṇa ǀ priyásya ǀ bhūri-dā́vnaḥ ǀ ā́ ǀ vidam ǀ śū́nam ǀ āpéḥ ǀ
    mā́ ǀ rāyáḥ ǀ rājan ǀ su-yámāt ǀ áva ǀ sthām ǀ bṛhát ǀ vadema ǀ vidáthe ǀ su-vī́rāḥ ǁ

    mā ǀ aham ǀ maghonaḥ ǀ varuṇa ǀ priyasya ǀ bhūri-dāvnaḥ ǀ ā ǀ vidam ǀ śūnam ǀ āpeḥ ǀ
    mā ǀ rāyaḥ ǀ rājan ǀ su-yamāt ǀ ava ǀ sthām ǀ bṛhat ǀ vadema ǀ vidathe ǀ su-vīrāḥ ǁ

    2.28.11 Aṣṭaka 2.7.10.6Anuvāka 2.3.72Interpretations

Text, recitation and interpretations from the Ṛgveda database of theveda.org.in.