Devatā देवता

Agni

Ṛṣi ऋषि

Somahūti Bhārgava

Chandas छन्दस्

Triṣṭubh

1. Ṛk 1

   हु॒वे वः॑ सु॒द्योत्मा॑नं सुवृ॒क्तिं वि॒शाम॒ग्निमति॑थिं सुप्र॒यसं॑ ।
   मि॒त्र इ॑व॒ यो दि॑धि॒षाय्यो॒ भूद्दे॒व आदे॑वे॒ जने॑ जा॒तवे॑दाः ॥

   हुवे वः सुद्योत्मानं सुवृक्तिं विशाम् अग्निम् अतिथिं सुप्रयसम् |
   मित्र इव यो दिधिषाय्यो भूद् देव आदेवे जने जातवेदाः ||

   huvé vaḥ sudyótmānam suvṛktím viśā́magnímátithim suprayásam ǀ
   mitrá iva yó didhiṣā́yyo bhū́ddevá ā́deve jáne jātávedāḥ ǁ

   huve vaḥ sudyotmānaṃ suvṛktiṃ viśām agnim atithiṃ suprayasam |
   mitra iva yo didhiṣāyyo bhūd deva ādeve jane jātavedāḥ ||

   हु॒वे । वः॒ । सु॒ऽद्योत्मा॑नम् । सु॒ऽवृ॒क्तिम् । वि॒शाम् । अ॒ग्निम् । अति॑थिम् । सु॒ऽप्र॒यस॑म् ।
   मि॒त्रःऽइ॑व । यः । दि॒धि॒षाय्यः॑ । भूत् । दे॒वः । आऽदे॑वे । जने॑ । जा॒तऽवे॑दाः ॥

   हुवे । वः । सुऽद्योत्मानम् । सुऽवृक्तिम् । विशाम् । अग्निम् । अतिथिम् । सुऽप्रयसम् ।
   मित्रःऽइव । यः । दिधिषाय्यः । भूत् । देवः । आऽदेवे । जने । जातऽवेदाः ॥

   huvé ǀ vaḥ ǀ su-dyótmānam ǀ su-vṛktím ǀ viśā́m ǀ agním ǀ átithim ǀ su-prayásam ǀ
   mitráḥ-iva ǀ yáḥ ǀ didhiṣā́yyaḥ ǀ bhū́t ǀ deváḥ ǀ ā́-deve ǀ jáne ǀ jātá-vedāḥ ǁ

   huve ǀ vaḥ ǀ su-dyotmānam ǀ su-vṛktim ǀ viśām ǀ agnim ǀ atithim ǀ su-prayasam ǀ
   mitraḥ-iva ǀ yaḥ ǀ didhiṣāyyaḥ ǀ bhūt ǀ devaḥ ǀ ā-deve ǀ jane ǀ jāta-vedāḥ ǁ

   2.4.1 Aṣṭaka 2.5.24.1Anuvāka 2.1.41Interpretations

2. Ṛk 2

   इ॒मं वि॒धंतो॑ अ॒पां स॒धस्थे॑ द्वि॒ताद॑धु॒र्भृग॑वो वि॒क्ष्वा॒३॒॑योः ।
   ए॒ष विश्वा॑न्य॒भ्य॑स्तु॒ भूमा॑ दे॒वाना॑म॒ग्निर॑र॒तिर्जी॒राश्वः॑ ॥

   इमं विधन्तो अपां सधस्थे द्वितादधुर् भृगवो विक्ष्व् आयोः |
   एष विश्वान्य् अभ्य् अस्तु भूमा देवानाम् अग्निर् अरतिर् जीराश्वः ||

   imám vidhánto apā́m sadhásthe dvitā́dadhurbhṛ́gavo vikṣvā́yóḥ ǀ
   eṣá víśvānyabhyástu bhū́mā devā́nāmagníraratírjīrā́śvaḥ ǁ

   imaṃ vidhanto apāṃ sadhasthe dvitādadhur bhṛgavo vikṣv āyoḥ |
   eṣa viśvāny abhy astu bhūmā devānām agnir aratir jīrāśvaḥ ||

   इ॒मम् । वि॒धन्तः॑ । अ॒पाम् । स॒धऽस्थे॑ । द्वि॒ता । अ॒द॒धुः॒ । भृग॑वः । वि॒क्षु । आ॒योः ।
   ए॒षः । विश्वा॑नि । अ॒भि । अ॒स्तु॒ । भूम॑ । दे॒वाना॑म् । अ॒ग्निः । अ॒र॒तिः । जी॒रऽअ॑श्वः ॥

   इमम् । विधन्तः । अपाम् । सधऽस्थे । द्विता । अदधुः । भृगवः । विक्षु । आयोः ।
   एषः । विश्वानि । अभि । अस्तु । भूम । देवानाम् । अग्निः । अरतिः । जीरऽअश्वः ॥

   imám ǀ vidhántaḥ ǀ apā́m ǀ sadhá-sthe ǀ dvitā́ ǀ adadhuḥ ǀ bhṛ́gavaḥ ǀ vikṣú ǀ āyóḥ ǀ
   eṣáḥ ǀ víśvāni ǀ abhí ǀ astu ǀ bhū́ma ǀ devā́nām ǀ agníḥ ǀ aratíḥ ǀ jīrá-aśvaḥ ǁ

   imam ǀ vidhantaḥ ǀ apām ǀ sadha-sthe ǀ dvitā ǀ adadhuḥ ǀ bhṛgavaḥ ǀ vikṣu ǀ āyoḥ ǀ
   eṣaḥ ǀ viśvāni ǀ abhi ǀ astu ǀ bhūma ǀ devānām ǀ agniḥ ǀ aratiḥ ǀ jīra-aśvaḥ ǁ

   2.4.2 Aṣṭaka 2.5.24.2Anuvāka 2.1.42Interpretations

3. Ṛk 3

   अ॒ग्निं दे॒वासो॒ मानु॑षीषु वि॒क्षु प्रि॒यं धुः॑ क्षे॒ष्यंतो॒ न मि॒त्रं ।
   स दी॑दयदुश॒तीरूर्म्या॒ आ द॒क्षाय्यो॒ यो दास्व॑ते॒ दम॒ आ ॥

   अग्निं देवासो मानुषीषु विक्षु प्रियं धुः क्षेष्यन्तो न मित्रम् |
   स दीदयद् उशतीर् ऊर्म्या आ दक्षाय्यो यो दास्वते दम आ ||

   agním devā́so mā́nuṣīṣu vikṣú priyám dhuḥ kṣeṣyánto ná mitrám ǀ
   sá dīdayaduśatī́rū́rmyā ā́ dakṣā́yyo yó dā́svate dáma ā́ ǁ

   agniṃ devāso mānuṣīṣu vikṣu priyaṃ dhuḥ kṣeṣyanto na mitram |
   sa dīdayad uśatīr ūrmyā ā dakṣāyyo yo dāsvate dama ā ||

   अ॒ग्निम् । दे॒वासः॑ । मानु॑षीषु । वि॒क्षु । प्रि॒यम् । धुः॒ । क्षे॒ष्यन्तः॑ । न । मि॒त्रम् ।
   सः । दी॒द॒य॒त् । उ॒श॒तीः । ऊर्म्याः॑ । आ । द॒क्षाय्यः॑ । यः । दास्व॑ते । दमे॑ । आ ॥

   अग्निम् । देवासः । मानुषीषु । विक्षु । प्रियम् । धुः । क्षेष्यन्तः । न । मित्रम् ।
   सः । दीदयत् । उशतीः । ऊर्म्याः । आ । दक्षाय्यः । यः । दास्वते । दमे । आ ॥

   agním ǀ devā́saḥ ǀ mā́nuṣīṣu ǀ vikṣú ǀ priyám ǀ dhuḥ ǀ kṣeṣyántaḥ ǀ ná ǀ mitrám ǀ
   sáḥ ǀ dīdayat ǀ uśatī́ḥ ǀ ū́rmyāḥ ǀ ā́ ǀ dakṣā́yyaḥ ǀ yáḥ ǀ dā́svate ǀ dáme ǀ ā́ ǁ

   agnim ǀ devāsaḥ ǀ mānuṣīṣu ǀ vikṣu ǀ priyam ǀ dhuḥ ǀ kṣeṣyantaḥ ǀ na ǀ mitram ǀ
   saḥ ǀ dīdayat ǀ uśatīḥ ǀ ūrmyāḥ ǀ ā ǀ dakṣāyyaḥ ǀ yaḥ ǀ dāsvate ǀ dame ǀ ā ǁ

   2.4.3 Aṣṭaka 2.5.24.3Anuvāka 2.1.43Interpretations

4. Ṛk 4

   अ॒स्य र॒ण्वा स्वस्ये॑व पु॒ष्टिः संदृ॑ष्टिरस्य हिया॒नस्य॒ दक्षोः॑ ।
   वि यो भरि॑भ्र॒दोष॑धीषु जि॒ह्वामत्यो॒ न रथ्यो॑ दोधवीति॒ वारा॑न् ॥

   अस्य रण्वा स्वस्येव पुष्टिः संदृष्टिर् अस्य हियानस्य दक्षोः |
   वि यो भरिभ्रद् ओषधीषु जिह्वाम् अत्यो न रथ्यो दोधवीति वारान् ||

   asyá raṇvā́ svásyeva puṣṭíḥ sáṃdṛṣṭirasya hiyānásya dákṣoḥ ǀ
   ví yó bháribhradóṣadhīṣu jihvā́mátyo ná ráthyo dodhavīti vā́rān ǁ

   asya raṇvā svasyeva puṣṭiḥ saṃdṛṣṭir asya hiyānasya dakṣoḥ |
   vi yo bharibhrad oṣadhīṣu jihvām atyo na rathyo dodhavīti vārān ||

   अ॒स्य । र॒ण्वा । स्वस्य॑ऽइव । पु॒ष्टिः । सम्ऽदृ॑ष्टिः । अ॒स्य॒ । हि॒या॒नस्य॑ । धक्षोः॑ ।
   वि । यः । भरि॑भ्रत् । ओष॑धीषु । जि॒ह्वाम् । अत्यः॑ । न । रथ्यः॑ । दो॒ध॒वी॒ति॒ । वारा॑न् ॥

   अस्य । रण्वा । स्वस्यऽइव । पुष्टिः । सम्ऽदृष्टिः । अस्य । हियानस्य । धक्षोः ।
   वि । यः । भरिभ्रत् । ओषधीषु । जिह्वाम् । अत्यः । न । रथ्यः । दोधवीति । वारान् ॥

   asyá ǀ raṇvā́ ǀ svásya-iva ǀ puṣṭíḥ ǀ sám-dṛṣṭiḥ ǀ asya ǀ hiyānásya ǀ dhákṣoḥ ǀ
   ví ǀ yáḥ ǀ bháribhrat ǀ óṣadhīṣu ǀ jihvā́m ǀ átyaḥ ǀ ná ǀ ráthyaḥ ǀ dodhavīti ǀ vā́rān ǁ

   asya ǀ raṇvā ǀ svasya-iva ǀ puṣṭiḥ ǀ sam-dṛṣṭiḥ ǀ asya ǀ hiyānasya ǀ dhakṣoḥ ǀ
   vi ǀ yaḥ ǀ bharibhrat ǀ oṣadhīṣu ǀ jihvām ǀ atyaḥ ǀ na ǀ rathyaḥ ǀ dodhavīti ǀ vārān ǁ

   2.4.4 Aṣṭaka 2.5.24.4Anuvāka 2.1.44Interpretations

5. Ṛk 5

   आ यन्मे॒ अभ्वं॑ व॒नदः॒ पनं॑तो॒शिग्भ्यो॒ नामि॑मीत॒ वर्णं॑ ।
   स चि॒त्रेण॑ चिकिते॒ रंसु॑ भा॒सा जु॑जु॒र्वाँ यो मुहु॒रा युवा॒ भूत् ॥

   आ यन् मे अभ्वं वनदः पनन्तोशिग्भ्यो नामिमीत वर्णम् |
   स चित्रेण चिकिते रंसु भासा जुजुर्वां यो मुहुर् आ युवा भूत् ||

   ā́ yánme ábhvam vanádaḥ pánantośígbhyo nā́mimīta várṇam ǀ
   sá citréṇa cikite ráṃsu bhāsā́ jujurvā́m̐ yó múhurā́ yúvā bhū́t ǁ

   ā yan me abhvaṃ vanadaḥ panantośigbhyo nāmimīta varṇam |
   sa citreṇa cikite raṃsu bhāsā jujurvāṃ yo muhur ā yuvā bhūt ||

   आ । यत् । मे॒ । अभ्व॑म् । व॒नदः॑ । पन॑न्त । उ॒शिक्ऽभ्यः॑ । न । अ॒मि॒मी॒त॒ । वर्ण॑म् ।
   सः । चि॒त्रेण॑ । चि॒कि॒ते॒ । रम्ऽसु॑ । भा॒सा । जु॒जु॒र्वान् । यः । मुहुः॑ । आ । युवा॑ । भूत् ॥

   आ । यत् । मे । अभ्वम् । वनदः । पनन्त । उशिक्ऽभ्यः । न । अमिमीत । वर्णम् ।
   सः । चित्रेण । चिकिते । रम्ऽसु । भासा । जुजुर्वान् । यः । मुहुः । आ । युवा । भूत् ॥

   ā́ ǀ yát ǀ me ǀ ábhvam ǀ vanádaḥ ǀ pánanta ǀ uśík-bhyaḥ ǀ ná ǀ amimīta ǀ várṇam ǀ
   sáḥ ǀ citréṇa ǀ cikite ǀ rám-su ǀ bhāsā́ ǀ jujurvā́n ǀ yáḥ ǀ múhuḥ ǀ ā́ ǀ yúvā ǀ bhū́t ǁ

   ā ǀ yat ǀ me ǀ abhvam ǀ vanadaḥ ǀ pananta ǀ uśik-bhyaḥ ǀ na ǀ amimīta ǀ varṇam ǀ
   saḥ ǀ citreṇa ǀ cikite ǀ ram-su ǀ bhāsā ǀ jujurvān ǀ yaḥ ǀ muhuḥ ǀ ā ǀ yuvā ǀ bhūt ǁ

   2.4.5 Aṣṭaka 2.5.24.5Anuvāka 2.1.45Interpretations

6. Ṛk 6

   आ यो वना॑ तातृषा॒णो न भाति॒ वार्ण प॒था रथ्ये॑व स्वानीत् ।
   कृ॒ष्णाध्वा॒ तपू॑ र॒ण्वश्चि॑केत॒ द्यौरि॑व॒ स्मय॑मानो॒ नभो॑भिः ॥

   आ यो वना तातृषाणो न भाति वार् ण पथा रथ्येव स्वानीत् |
   कृष्णाध्वा तपू रण्वश् चिकेत द्यौर् इव स्मयमानो नभोभिः ||

   ā́ yó vánā tātṛṣāṇó ná bhā́ti vā́rṇá pathā́ ráthyeva svānīt ǀ
   kṛṣṇā́dhvā tápū raṇváściketa dyáuriva smáyamāno nábhobhiḥ ǁ

   ā yo vanā tātṛṣāṇo na bhāti vār ṇa pathā rathyeva svānīt |
   kṛṣṇādhvā tapū raṇvaś ciketa dyaur iva smayamāno nabhobhiḥ ||

   आ । यः । वना॑ । त॒तृ॒षा॒णः । न । भाति॑ । वाः । न । प॒था । रथ्या॑ऽइव । स्वा॒नी॒त् ।
   कृ॒ष्णऽअ॑ध्वा । तपुः॑ । र॒ण्वः । चि॒के॒त॒ । द्यौःऽइ॑व । स्मय॑मानः । नभः॑ऽभिः ॥

   आ । यः । वना । ततृषाणः । न । भाति । वाः । न । पथा । रथ्याऽइव । स्वानीत् ।
   कृष्णऽअध्वा । तपुः । रण्वः । चिकेत । द्यौःऽइव । स्मयमानः । नभःऽभिः ॥

   ā́ ǀ yáḥ ǀ vánā ǀ tatṛṣāṇáḥ ǀ ná ǀ bhā́ti ǀ vā́ḥ ǀ ná ǀ pathā́ ǀ ráthyā-iva ǀ svānīt ǀ
   kṛṣṇá-adhvā ǀ tápuḥ ǀ raṇváḥ ǀ ciketa ǀ dyáuḥ-iva ǀ smáyamānaḥ ǀ nábhaḥ-bhiḥ ǁ

   ā ǀ yaḥ ǀ vanā ǀ tatṛṣāṇaḥ ǀ na ǀ bhāti ǀ vāḥ ǀ na ǀ pathā ǀ rathyā-iva ǀ svānīt ǀ
   kṛṣṇa-adhvā ǀ tapuḥ ǀ raṇvaḥ ǀ ciketa ǀ dyauḥ-iva ǀ smayamānaḥ ǀ nabhaḥ-bhiḥ ǁ

   2.4.6 Aṣṭaka 2.5.25.1Anuvāka 2.1.46Interpretations

7. Ṛk 7

   स यो व्यस्था॑द॒भि दक्ष॑दु॒र्वीं प॒शुर्नैति॑ स्व॒युरगो॑पाः ।
   अ॒ग्निः शो॒चिष्माँ॑ अत॒सान्यु॒ष्णन्कृ॒ष्णव्य॑थिरस्वदय॒न्न भूम॑ ॥

   स यो व्य् अस्थाद् अभि दक्षद् उर्वीम् पशुर् नैति स्वयुर् अगोपाः |
   अग्निः शोचिष्मां अतसान्य् उष्णन् कृष्णव्यथिर् अस्वदयन् न भूम ||

   sá yó vyásthādabhí dákṣadurvī́m paśúrnáiti svayúrágopāḥ ǀ
   agníḥ śocíṣmām̐ atasā́nyuṣṇánkṛṣṇávyathirasvadayanná bhūma ǁ

   sa yo vy asthād abhi dakṣad urvīm paśur naiti svayur agopāḥ |
   agniḥ śociṣmāṃ atasāny uṣṇan kṛṣṇavyathir asvadayan na bhūma ||

   सः । यः । वि । अस्था॑त् । अ॒भि । धक्ष॑त् । उ॒र्वीम् । प॒शुः । न । ए॒ति॒ । स्व॒ऽयुः । अगो॑पाः ।
   अ॒ग्निः । शो॒चिष्मा॑न् । अ॒त॒सानि॑ । उ॒ष्णन् । कृ॒ष्णऽव्य॑थिः । अ॒स्व॒द॒य॒त् । न । भूम॑ ॥

   सः । यः । वि । अस्थात् । अभि । धक्षत् । उर्वीम् । पशुः । न । एति । स्वऽयुः । अगोपाः ।
   अग्निः । शोचिष्मान् । अतसानि । उष्णन् । कृष्णऽव्यथिः । अस्वदयत् । न । भूम ॥

   sáḥ ǀ yáḥ ǀ ví ǀ ásthāt ǀ abhí ǀ dhákṣat ǀ urvī́m ǀ paśúḥ ǀ ná ǀ eti ǀ sva-yúḥ ǀ ágopāḥ ǀ
   agníḥ ǀ śocíṣmān ǀ atasā́ni ǀ uṣṇán ǀ kṛṣṇá-vyathiḥ ǀ asvadayat ǀ ná ǀ bhū́ma ǁ

   saḥ ǀ yaḥ ǀ vi ǀ asthāt ǀ abhi ǀ dhakṣat ǀ urvīm ǀ paśuḥ ǀ na ǀ eti ǀ sva-yuḥ ǀ agopāḥ ǀ
   agniḥ ǀ śociṣmān ǀ atasāni ǀ uṣṇan ǀ kṛṣṇa-vyathiḥ ǀ asvadayat ǀ na ǀ bhūma ǁ

   2.4.7 Aṣṭaka 2.5.25.2Anuvāka 2.1.47Interpretations

8. Ṛk 8

   नू ते॒ पूर्व॒स्याव॑सो॒ अधी॑तौ तृ॒तीये॑ वि॒दथे॒ मन्म॑ शंसि ।
   अ॒स्मे अ॑ग्ने सं॒यद्वी॑रं बृ॒हंतं॑ क्षु॒मंतं॒ वाजं॑ स्वप॒त्यं र॒यिं दाः॑ ॥

   नू ते पूर्वस्यावसो अधीतौ तृतीये विदथे मन्म शंसि |
   अस्मे अग्ने संयद्वीरम् बृहन्तं क्षुमन्तं वाजं स्वपत्यं रयिं दाः ||

   nū́ te pū́rvasyā́vaso ádhītau tṛtī́ye vidáthe mánma śaṃsi ǀ
   asmé agne saṃyádvīram bṛhántam kṣumántam vā́jam svapatyám rayím dāḥ ǁ

   nū te pūrvasyāvaso adhītau tṛtīye vidathe manma śaṃsi |
   asme agne saṃyadvīram bṛhantaṃ kṣumantaṃ vājaṃ svapatyaṃ rayiṃ dāḥ ||

   नु । ते॒ । पूर्व॑स्य । अव॑सः । अधि॑ऽइतौ । तृ॒तीये॑ । वि॒दथे॑ । मन्म॑ । शं॒सि॒ ।
   अ॒स्मे इति॑ । अ॒ग्ने॒ । सं॒यत्ऽवी॑रम् । बृ॒हन्त॑म् । क्षु॒ऽमन्त॑म् । वाज॑म् । सु॒ऽअ॒प॒त्यम् । र॒यिम् । दाः॒ ॥

   नु । ते । पूर्वस्य । अवसः । अधिऽइतौ । तृतीये । विदथे । मन्म । शंसि ।
   अस्मे इति । अग्ने । संयत्ऽवीरम् । बृहन्तम् । क्षुऽमन्तम् । वाजम् । सुऽअपत्यम् । रयिम् । दाः ॥

   nú ǀ te ǀ pū́rvasya ǀ ávasaḥ ǀ ádhi-itau ǀ tṛtī́ye ǀ vidáthe ǀ mánma ǀ śaṃsi ǀ
   asmé íti ǀ agne ǀ saṃyát-vīram ǀ bṛhántam ǀ kṣu-mántam ǀ vā́jam ǀ su-apatyám ǀ rayím ǀ dāḥ ǁ

   nu ǀ te ǀ pūrvasya ǀ avasaḥ ǀ adhi-itau ǀ tṛtīye ǀ vidathe ǀ manma ǀ śaṃsi ǀ
   asme iti ǀ agne ǀ saṃyat-vīram ǀ bṛhantam ǀ kṣu-mantam ǀ vājam ǀ su-apatyam ǀ rayim ǀ dāḥ ǁ

   2.4.8 Aṣṭaka 2.5.25.3Anuvāka 2.1.48Interpretations

9. Ṛk 9

   त्वया॒ यथा॑ गृत्सम॒दासो॑ अग्ने॒ गुहा॑ व॒न्वंत॒ उप॑राँ अ॒भि ष्युः ।
   सु॒वीरा॑सो अभिमाति॒षाहः॒ स्मत्सू॒रिभ्यो॑ गृण॒ते तद्वयो॑ धाः ॥

   त्वया यथा गृत्समदासो अग्ने गुहा वन्वन्त उपरां अभि ष्युः |
   सुवीरासो अभिमातिषाहः स्मत् सूरिभ्यो गृणते तद् वयो धाः ||

   tváyā yáthā gṛtsamadā́so agne gúhā vanvánta úparām̐ abhí ṣyúḥ ǀ
   suvī́rāso abhimātiṣā́haḥ smátsūríbhyo gṛṇaté tádváyo dhāḥ ǁ

   tvayā yathā gṛtsamadāso agne guhā vanvanta uparāṃ abhi ṣyuḥ |
   suvīrāso abhimātiṣāhaḥ smat sūribhyo gṛṇate tad vayo dhāḥ ||

   त्वया॑ । यथा॑ । गृ॒त्स॒ऽम॒दासः॑ । अ॒ग्ने॒ । गुहा॑ । व॒न्वन्तः॑ । उप॑रान् । अ॒भि । स्युरिति॒ स्युः ।
   सु॒ऽवीरा॑सः । अ॒भि॒मा॒ति॒ऽसहः॑ । स्मत् । सू॒रिऽभ्यः॑ । गृ॒ण॒ते । तत् । वयः॑ । धाः॒ ॥

   त्वया । यथा । गृत्सऽमदासः । अग्ने । गुहा । वन्वन्तः । उपरान् । अभि । स्युरिति स्युः ।
   सुऽवीरासः । अभिमातिऽसहः । स्मत् । सूरिऽभ्यः । गृणते । तत् । वयः । धाः ॥

   tváyā ǀ yáthā ǀ gṛtsa-madā́saḥ ǀ agne ǀ gúhā ǀ vanvántaḥ ǀ úparān ǀ abhí ǀ syúríti syúḥ ǀ
   su-vī́rāsaḥ ǀ abhimāti-sáhaḥ ǀ smát ǀ sūrí-bhyaḥ ǀ gṛṇaté ǀ tát ǀ váyaḥ ǀ dhāḥ ǁ

   tvayā ǀ yathā ǀ gṛtsa-madāsaḥ ǀ agne ǀ guhā ǀ vanvantaḥ ǀ uparān ǀ abhi ǀ syuriti syuḥ ǀ
   su-vīrāsaḥ ǀ abhimāti-sahaḥ ǀ smat ǀ sūri-bhyaḥ ǀ gṛṇate ǀ tat ǀ vayaḥ ǀ dhāḥ ǁ

   2.4.9 Aṣṭaka 2.5.25.4Anuvāka 2.1.49Interpretations

Text, recitation and interpretations from the Ṛgveda database of theveda.org.in.