Devatā देवता

1: Indra, Savitṛ; 2, 3, 5, 7, 10: Indra; 4: Indra, Bṛhaspati; 6: Indra, Soma; 8: Sarasvatī (A), Indra (B); 9: Bṛhaspati; 11: Maruts

Ṛṣi ऋषि

Gṛtsamada Bhārgava Śaunaka

Chandas छन्दस्

Triṣṭubh, Jagatī

1. Ṛk 1

   ऋ॒तं दे॒वाय॑ कृण्व॒ते स॑वि॒त्र इंद्रा॑याहि॒घ्ने न र॑मंत॒ आपः॑ ।
   अह॑रहर्यात्य॒क्तुर॒पां किया॒त्या प्र॑थ॒मः सर्ग॑ आसां ॥

   ऋतं देवाय कृण्वते सवित्र इन्द्रायाहिघ्ने न रमन्त आपः |
   अहर्-अहर् यात्य् अक्तुर् अपां कियात्य् आ प्रथमः सर्ग आसाम् ||

   ṛtám devā́ya kṛṇvaté savitrá índrāyāhighné ná ramanta ā́paḥ ǀ
   áharaharyātyaktúrapā́m kíyātyā́ prathamáḥ sárga āsām ǁ

   ṛtaṃ devāya kṛṇvate savitra indrāyāhighne na ramanta āpaḥ |
   ahar-ahar yāty aktur apāṃ kiyāty ā prathamaḥ sarga āsām ||

   ऋ॒तम् । दे॒वाय॑ । कृ॒ण्व॒ते । स॒वि॒त्रे । इन्द्रा॑य । अ॒हि॒ऽघ्ने । न । र॒म॒न्ते॒ । आपः॑ ।
   अहः॑ऽअहः । या॒ति॒ । अ॒क्तुः । अ॒पाम् । किय॑ति । आ । प्र॒थ॒मः । सर्गः॑ । आ॒सा॒म् ॥

   ऋतम् । देवाय । कृण्वते । सवित्रे । इन्द्राय । अहिऽघ्ने । न । रमन्ते । आपः ।
   अहःऽअहः । याति । अक्तुः । अपाम् । कियति । आ । प्रथमः । सर्गः । आसाम् ॥

   ṛtám ǀ devā́ya ǀ kṛṇvaté ǀ savitré ǀ índrāya ǀ ahi-ghné ǀ ná ǀ ramante ǀ ā́paḥ ǀ
   áhaḥ-ahaḥ ǀ yāti ǀ aktúḥ ǀ apā́m ǀ kíyati ǀ ā́ ǀ prathamáḥ ǀ sárgaḥ ǀ āsām ǁ

   ṛtam ǀ devāya ǀ kṛṇvate ǀ savitre ǀ indrāya ǀ ahi-ghne ǀ na ǀ ramante ǀ āpaḥ ǀ
   ahaḥ-ahaḥ ǀ yāti ǀ aktuḥ ǀ apām ǀ kiyati ǀ ā ǀ prathamaḥ ǀ sargaḥ ǀ āsām ǁ

   2.30.1 Aṣṭaka 2.7.12.1Anuvāka 2.3.80Interpretations

2. Ṛk 2

   यो वृ॒त्राय॒ सिन॒मत्राभ॑रिष्य॒त्प्र तं जनि॑त्री वि॒दुष॑ उवाच ।
   प॒थो रदं॑ती॒रनु॒ जोष॑मस्मै दि॒वेदि॑वे॒ धुन॑यो यं॒त्यर्थं॑ ॥

   यो वृत्राय सिनम् अत्राभरिष्यत् प्र तं जनित्री विदुष उवाच |
   पथो रदन्तीर् अनु जोषम् अस्मै दिवे-दिवे धुनयो यन्त्य् अर्थम् ||

   yó vṛtrā́ya sínamátrā́bhariṣyatprá tám jánitrī vidúṣa uvāca ǀ
   pathó rádantīránu jóṣamasmai divédive dhúnayo yantyártham ǁ

   yo vṛtrāya sinam atrābhariṣyat pra taṃ janitrī viduṣa uvāca |
   patho radantīr anu joṣam asmai dive-dive dhunayo yanty artham ||

   यः । वृ॒त्राय॑ । सिन॑म् । अत्र॑ । अभ॑रिष्यत् । प्र । तम् । जनि॑त्री । वि॒दुषे॑ । उ॒वा॒च॒ ।
   प॒थः । रद॑न्तीः । अनु॑ । जोष॑म् । अ॒स्मै॒ । दि॒वेऽदि॑वे । धुन॑यः । य॒न्ति॒ । अर्थ॑म् ॥

   यः । वृत्राय । सिनम् । अत्र । अभरिष्यत् । प्र । तम् । जनित्री । विदुषे । उवाच ।
   पथः । रदन्तीः । अनु । जोषम् । अस्मै । दिवेऽदिवे । धुनयः । यन्ति । अर्थम् ॥

   yáḥ ǀ vṛtrā́ya ǀ sínam ǀ átra ǀ ábhariṣyat ǀ prá ǀ tám ǀ jánitrī ǀ vidúṣe ǀ uvāca ǀ
   patháḥ ǀ rádantīḥ ǀ ánu ǀ jóṣam ǀ asmai ǀ divé-dive ǀ dhúnayaḥ ǀ yanti ǀ ártham ǁ

   yaḥ ǀ vṛtrāya ǀ sinam ǀ atra ǀ abhariṣyat ǀ pra ǀ tam ǀ janitrī ǀ viduṣe ǀ uvāca ǀ
   pathaḥ ǀ radantīḥ ǀ anu ǀ joṣam ǀ asmai ǀ dive-dive ǀ dhunayaḥ ǀ yanti ǀ artham ǁ

   2.30.2 Aṣṭaka 2.7.12.2Anuvāka 2.3.81Interpretations

3. Ṛk 3

   ऊ॒र्ध्वो ह्यस्था॒दध्यं॒तरि॒क्षेऽधा॑ वृ॒त्राय॒ प्र व॒धं ज॑भार ।
   मिहं॒ वसा॑न॒ उप॒ हीमदु॑द्रोत्ति॒ग्मायु॑धो अजय॒च्छत्रु॒मिंद्रः॑ ॥

   ऊर्ध्वो ह्य् अस्थाद् अध्य् अन्तरिक्षे ऽधा वृत्राय प्र वधं जभार |
   मिहं वसान उप हीम् अदुद्रोत् तिग्मायुधो अजयच् छत्रुम् इन्द्रः ||

   ūrdhvó hyásthādádhyantárikṣé’dhā vṛtrā́ya prá vadhám jabhāra ǀ
   míham vásāna úpa hī́mádudrottigmā́yudho ajayacchátrumíndraḥ ǁ

   ūrdhvo hy asthād adhy antarikṣe 'dhā vṛtrāya pra vadhaṃ jabhāra |
   mihaṃ vasāna upa hīm adudrot tigmāyudho ajayac chatrum indraḥ ||

   ऊ॒र्ध्वः । हि । अस्था॑त् । अधि॑ । अ॒न्तरि॑क्षे । अध॑ । वृ॒त्राय॑ । प्र । व॒धम् । ज॒भा॒र॒ ।
   मिह॑म् । वसा॑नः । उप॑ । हि । ई॒म् । अदु॑द्रोत् । ति॒ग्मऽआ॑युधः । अ॒ज॒य॒त् । शत्रु॑म् । इन्द्रः॑ ॥

   ऊर्ध्वः । हि । अस्थात् । अधि । अन्तरिक्षे । अध । वृत्राय । प्र । वधम् । जभार ।
   मिहम् । वसानः । उप । हि । ईम् । अदुद्रोत् । तिग्मऽआयुधः । अजयत् । शत्रुम् । इन्द्रः ॥

   ūrdhváḥ ǀ hí ǀ ásthāt ǀ ádhi ǀ antárikṣe ǀ ádha ǀ vṛtrā́ya ǀ prá ǀ vadhám ǀ jabhāra ǀ
   míham ǀ vásānaḥ ǀ úpa ǀ hí ǀ īm ǀ ádudrot ǀ tigmá-āyudhaḥ ǀ ajayat ǀ śátrum ǀ índraḥ ǁ

   ūrdhvaḥ ǀ hi ǀ asthāt ǀ adhi ǀ antarikṣe ǀ adha ǀ vṛtrāya ǀ pra ǀ vadham ǀ jabhāra ǀ
   miham ǀ vasānaḥ ǀ upa ǀ hi ǀ īm ǀ adudrot ǀ tigma-āyudhaḥ ǀ ajayat ǀ śatrum ǀ indraḥ ǁ

   2.30.3 Aṣṭaka 2.7.12.3Anuvāka 2.3.82Interpretations

4. Ṛk 4

   बृह॑स्पते॒ तपु॒षाश्ने॑व विध्य॒ वृक॑द्वरसो॒ असु॑रस्य वी॒रान् ।
   यथा॑ ज॒घंथ॑ धृष॒ता पु॒रा चि॑दे॒वा ज॑हि॒ शत्रु॑म॒स्माक॑मिंद्र ॥

   बृहस्पते तपुषाश्नेव विध्य वृकद्वरसो असुरस्य वीरान् |
   यथा जघन्थ धृषता पुरा चिद् एवा जहि शत्रुम् अस्माकम् इन्द्र ||

   bṛ́haspate tápuṣā́śneva vidhya vṛ́kadvaraso ásurasya vīrā́n ǀ
   yáthā jaghántha dhṛṣatā́ purā́ cidevā́ jahi śátrumasmā́kamindra ǁ

   bṛhaspate tapuṣāśneva vidhya vṛkadvaraso asurasya vīrān |
   yathā jaghantha dhṛṣatā purā cid evā jahi śatrum asmākam indra ||

   बृह॑स्पते । तपु॑षा । अश्ना॑ऽइव । वि॒ध्य॒ । वृक॑ऽद्वरसः । असु॑रस्य । वी॒रान् ।
   यथा॑ । ज॒घन्थ॑ । धृ॒ष॒ता । पु॒रा । चि॒त् । ए॒व । ज॒हि॒ । शत्रु॑म् । अ॒स्माक॑म् । इ॒न्द्र॒ ॥

   बृहस्पते । तपुषा । अश्नाऽइव । विध्य । वृकऽद्वरसः । असुरस्य । वीरान् ।
   यथा । जघन्थ । धृषता । पुरा । चित् । एव । जहि । शत्रुम् । अस्माकम् । इन्द्र ॥

   bṛ́haspate ǀ tápuṣā ǀ áśnā-iva ǀ vidhya ǀ vṛ́ka-dvarasaḥ ǀ ásurasya ǀ vīrā́n ǀ
   yáthā ǀ jaghántha ǀ dhṛṣatā́ ǀ purā́ ǀ cit ǀ evá ǀ jahi ǀ śátrum ǀ asmā́kam ǀ indra ǁ

   bṛhaspate ǀ tapuṣā ǀ aśnā-iva ǀ vidhya ǀ vṛka-dvarasaḥ ǀ asurasya ǀ vīrān ǀ
   yathā ǀ jaghantha ǀ dhṛṣatā ǀ purā ǀ cit ǀ eva ǀ jahi ǀ śatrum ǀ asmākam ǀ indra ǁ

   2.30.4 Aṣṭaka 2.7.12.4Anuvāka 2.3.83Interpretations

5. Ṛk 5

   अव॑ क्षिप दि॒वो अश्मा॑नमु॒च्चा येन॒ शत्रुं॑ मंदसा॒नो नि॒जूर्वाः॑ ।
   तो॒कस्य॑ सा॒तौ तन॑यस्य॒ भूरे॑र॒स्माँ अ॒र्धं कृ॑णुतादिंद्र॒ गोनां॑ ॥

   अव क्षिप दिवो अश्मानम् उच्चा येन शत्रुम् मन्दसानो निजूर्वाः |
   तोकस्य सातौ तनयस्य भूरेर् अस्मां अर्धं कृणुताद् इन्द्र गोनाम् ||

   áva kṣipa divó áśmānamuccā́ yéna śátrum mandasānó nijū́rvāḥ ǀ
   tokásya sātáu tánayasya bhū́rerasmā́m̐ ardhám kṛṇutādindra gónām ǁ

   ava kṣipa divo aśmānam uccā yena śatrum mandasāno nijūrvāḥ |
   tokasya sātau tanayasya bhūrer asmāṃ ardhaṃ kṛṇutād indra gonām ||

   अव॑ । क्षि॒प॒ । दि॒वः । अश्मा॑नम् । उ॒च्चा । येन॑ । शत्रु॑म् । म॒न्द॒सा॒नः । नि॒ऽजूर्वाः॑ ।
   तो॒कस्य॑ । सा॒तौ । तन॑यस्य । भूरेः॑ । अ॒स्मान् । अ॒र्धम् । कृ॒णु॒ता॒त् । इ॒न्द्र॒ । गोना॑म् ॥

   अव । क्षिप । दिवः । अश्मानम् । उच्चा । येन । शत्रुम् । मन्दसानः । निऽजूर्वाः ।
   तोकस्य । सातौ । तनयस्य । भूरेः । अस्मान् । अर्धम् । कृणुतात् । इन्द्र । गोनाम् ॥

   áva ǀ kṣipa ǀ diváḥ ǀ áśmānam ǀ uccā́ ǀ yéna ǀ śátrum ǀ mandasānáḥ ǀ ni-jū́rvāḥ ǀ
   tokásya ǀ sātáu ǀ tánayasya ǀ bhū́reḥ ǀ asmā́n ǀ ardhám ǀ kṛṇutāt ǀ indra ǀ gónām ǁ

   ava ǀ kṣipa ǀ divaḥ ǀ aśmānam ǀ uccā ǀ yena ǀ śatrum ǀ mandasānaḥ ǀ ni-jūrvāḥ ǀ
   tokasya ǀ sātau ǀ tanayasya ǀ bhūreḥ ǀ asmān ǀ ardham ǀ kṛṇutāt ǀ indra ǀ gonām ǁ

   2.30.5 Aṣṭaka 2.7.12.5Anuvāka 2.3.84Interpretations

6. Ṛk 6

   प्र हि क्रतुं॑ वृ॒हथो॒ यं व॑नु॒थो र॒ध्रस्य॑ स्थो॒ यज॑मानस्य चो॒दौ ।
   इंद्रा॑सोमा यु॒वम॒स्माँ अ॑विष्टम॒स्मिन्भ॒यस्थे॑ कृणुतमु लो॒कं ॥

   प्र हि क्रतुं वृहथो यं वनुथो रध्रस्य स्थो यजमानस्य चोदौ |
   इन्द्रासोमा युवम् अस्मां अविष्टम् अस्मिन् भयस्थे कृणुतम् उ लोकम् ||

   prá hí krátum vṛhátho yám vanuthó radhrásya stho yájamānasya codáu ǀ
   índrāsomā yuvámasmā́m̐ aviṣṭamasmínbhayásthe kṛṇutamu lokám ǁ

   pra hi kratuṃ vṛhatho yaṃ vanutho radhrasya stho yajamānasya codau |
   indrāsomā yuvam asmāṃ aviṣṭam asmin bhayasthe kṛṇutam u lokam ||

   प्र । हि । क्रतु॑म् । वृ॒हथः॑ । यम् । व॒नु॒थः । र॒ध्रस्य॑ । स्थः॒ । यज॑मानस्य । चो॒दौ ।
   इन्द्रा॑सोमा । यु॒वम् । अ॒स्मान् । अ॒वि॒ष्ट॒म् । अ॒स्मिन् । भ॒यऽस्थे॑ । कृ॒णु॒त॒म् । ऊं॒ इति॑ । लो॒कम् ॥

   प्र । हि । क्रतुम् । वृहथः । यम् । वनुथः । रध्रस्य । स्थः । यजमानस्य । चोदौ ।
   इन्द्रासोमा । युवम् । अस्मान् । अविष्टम् । अस्मिन् । भयऽस्थे । कृणुतम् । ऊं इति । लोकम् ॥

   prá ǀ hí ǀ krátum ǀ vṛháthaḥ ǀ yám ǀ vanutháḥ ǀ radhrásya ǀ sthaḥ ǀ yájamānasya ǀ codáu ǀ
   índrāsomā ǀ yuvám ǀ asmā́n ǀ aviṣṭam ǀ asmín ǀ bhayá-sthe ǀ kṛṇutam ǀ ūṃ íti ǀ lokám ǁ

   pra ǀ hi ǀ kratum ǀ vṛhathaḥ ǀ yam ǀ vanuthaḥ ǀ radhrasya ǀ sthaḥ ǀ yajamānasya ǀ codau ǀ
   indrāsomā ǀ yuvam ǀ asmān ǀ aviṣṭam ǀ asmin ǀ bhaya-sthe ǀ kṛṇutam ǀ ūṃ iti ǀ lokam ǁ

   2.30.6 Aṣṭaka 2.7.13.1Anuvāka 2.3.85Interpretations

7. Ṛk 7

   न मा॑ तम॒न्न श्र॑म॒न्नोत तं॑द्र॒न्न वो॑चाम॒ मा सु॑नो॒तेति॒ सोमं॑ ।
   यो मे॑ पृ॒णाद्यो दद॒द्यो नि॒बोधा॒द्यो मा॑ सु॒न्वंत॒मुप॒ गोभि॒राय॑त् ॥

   न मा तमन् न श्रमन् नोत तन्द्रन् न वोचाम मा सुनोतेति सोमम् |
   यो मे पृणाद् यो ददद् यो निबोधाद् यो मा सुन्वन्तम् उप गोभिर् आयत् ||

   ná mā tamanná śramannótá tandranná vocāma mā́ sunotéti sómam ǀ
   yó me pṛṇā́dyó dádadyó nibódhādyó mā sunvántamúpa góbhirā́yat ǁ

   na mā taman na śraman nota tandran na vocāma mā sunoteti somam |
   yo me pṛṇād yo dadad yo nibodhād yo mā sunvantam upa gobhir āyat ||

   न । मा॒ । त॒म॒त् । न । श्र॒म॒त् । न । उ॒त । त॒न्द्र॒त् । न । वो॒चा॒म॒ । मा । सु॒नो॒त॒ । इति॑ । सोम॑म् ।
   यः । मे॒ । पृ॒णात् । यः । दद॑त् । यः । नि॒ऽबोधा॑त् । यः । मा॒ । सु॒न्वन्त॑म् । उप॑ । गोभिः॑ । आ । अय॑त् ॥

   न । मा । तमत् । न । श्रमत् । न । उत । तन्द्रत् । न । वोचाम । मा । सुनोत । इति । सोमम् ।
   यः । मे । पृणात् । यः । ददत् । यः । निऽबोधात् । यः । मा । सुन्वन्तम् । उप । गोभिः । आ । अयत् ॥

   ná ǀ mā ǀ tamat ǀ ná ǀ śramat ǀ ná ǀ utá ǀ tandrat ǀ ná ǀ vocāma ǀ mā́ ǀ sunota ǀ íti ǀ sómam ǀ
   yáḥ ǀ me ǀ pṛṇā́t ǀ yáḥ ǀ dádat ǀ yáḥ ǀ ni-bódhāt ǀ yáḥ ǀ mā ǀ sunvántam ǀ úpa ǀ góbhiḥ ǀ ā́ ǀ áyat ǁ

   na ǀ mā ǀ tamat ǀ na ǀ śramat ǀ na ǀ uta ǀ tandrat ǀ na ǀ vocāma ǀ mā ǀ sunota ǀ iti ǀ somam ǀ
   yaḥ ǀ me ǀ pṛṇāt ǀ yaḥ ǀ dadat ǀ yaḥ ǀ ni-bodhāt ǀ yaḥ ǀ mā ǀ sunvantam ǀ upa ǀ gobhiḥ ǀ ā ǀ ayat ǁ

   2.30.7 Aṣṭaka 2.7.13.2Anuvāka 2.3.86Interpretations

8. Ṛk 8

   सर॑स्वति॒ त्वम॒स्माँ अ॑विड्ढि म॒रुत्व॑ती धृष॒ती जे॑षि॒ शत्रू॑न् ।
   त्यं चि॒च्छर्धं॑तं तविषी॒यमा॑ण॒मिंद्रो॑ हंति वृष॒भं शंडि॑कानां ॥

   सरस्वति त्वम् अस्मां अविड्ढि मरुत्वती धृषती जेषि शत्रून् |
   त्यं चिच् छर्धन्तं तविषीयमाणम् इन्द्रो हन्ति वृषभं शण्डिकानाम् ||

   sárasvati tvámasmā́m̐ aviḍḍhi marútvatī dhṛṣatī́ jeṣi śátrūn ǀ
   tyám cicchárdhantam taviṣīyámāṇamíndro hanti vṛṣabhám śáṇḍikānām ǁ

   sarasvati tvam asmāṃ aviḍḍhi marutvatī dhṛṣatī jeṣi śatrūn |
   tyaṃ cic chardhantaṃ taviṣīyamāṇam indro hanti vṛṣabhaṃ śaṇḍikānām ||

   सर॑स्वति । त्वम् । अ॒स्मान् । अ॒वि॒ड्ढि॒ । म॒रुत्व॑ती । धृ॒ष॒ती । जे॒षि॒ । शत्रू॑न् ।
   त्यम् । चि॒त् । शर्ध॑न्तम् । त॒वि॒षी॒ऽयमा॑णम् । इन्द्रः॑ । ह॒न्ति॒ । वृ॒ष॒भम् । शण्डि॑कानाम् ॥

   सरस्वति । त्वम् । अस्मान् । अविड्ढि । मरुत्वती । धृषती । जेषि । शत्रून् ।
   त्यम् । चित् । शर्धन्तम् । तविषीऽयमाणम् । इन्द्रः । हन्ति । वृषभम् । शण्डिकानाम् ॥

   sárasvati ǀ tvám ǀ asmā́n ǀ aviḍḍhi ǀ marútvatī ǀ dhṛṣatī́ ǀ jeṣi ǀ śátrūn ǀ
   tyám ǀ cit ǀ śárdhantam ǀ taviṣī-yámāṇam ǀ índraḥ ǀ hanti ǀ vṛṣabhám ǀ śáṇḍikānām ǁ

   sarasvati ǀ tvam ǀ asmān ǀ aviḍḍhi ǀ marutvatī ǀ dhṛṣatī ǀ jeṣi ǀ śatrūn ǀ
   tyam ǀ cit ǀ śardhantam ǀ taviṣī-yamāṇam ǀ indraḥ ǀ hanti ǀ vṛṣabham ǀ śaṇḍikānām ǁ

   2.30.8 Aṣṭaka 2.7.13.3Anuvāka 2.3.87Interpretations

9. Ṛk 9

   यो नः॒ सनु॑त्य उ॒त वा॑ जिघ॒त्नुर॑भि॒ख्याय॒ तं ति॑गि॒तेन॑ विध्य ।
   बृह॑स्पत॒ आयु॑धैर्जेषि॒ शत्रूं॑द्रु॒हे रीषं॑तं॒ परि॑ धेहि राजन् ॥

   यो नः सनुत्य उत वा जिघत्नुर् अभिख्याय तं तिगितेन विध्य |
   बृहस्पत आयुधैर् जेषि शत्रून् द्रुहे रीषन्तम् परि धेहि राजन् ||

   yó naḥ sánutya utá vā jighatnúrabhikhyā́ya tám tigiténa vidhya ǀ
   bṛ́haspata ā́yudhairjeṣi śátrūndruhé rī́ṣantam pári dhehi rājan ǁ

   yo naḥ sanutya uta vā jighatnur abhikhyāya taṃ tigitena vidhya |
   bṛhaspata āyudhair jeṣi śatrūn druhe rīṣantam pari dhehi rājan ||

   यः । नः॒ । सनु॑त्यः । उ॒त । वा॒ । जि॒घ॒त्नुः । अ॒भि॒ऽख्याय॑ । तम् । ति॒गि॒तेन॑ । वि॒ध्य॒ ।
   बृह॑स्पते । आयु॑धैः । जे॒षि॒ । शत्रू॑न् । द्रु॒हे । रिष॑न्तम् । परि॑ । धे॒हि॒ । रा॒ज॒न् ॥

   यः । नः । सनुत्यः । उत । वा । जिघत्नुः । अभिऽख्याय । तम् । तिगितेन । विध्य ।
   बृहस्पते । आयुधैः । जेषि । शत्रून् । द्रुहे । रिषन्तम् । परि । धेहि । राजन् ॥

   yáḥ ǀ naḥ ǀ sánutyaḥ ǀ utá ǀ vā ǀ jighatnúḥ ǀ abhi-khyā́ya ǀ tám ǀ tigiténa ǀ vidhya ǀ
   bṛ́haspate ǀ ā́yudhaiḥ ǀ jeṣi ǀ śátrūn ǀ druhé ǀ ríṣantam ǀ pári ǀ dhehi ǀ rājan ǁ

   yaḥ ǀ naḥ ǀ sanutyaḥ ǀ uta ǀ vā ǀ jighatnuḥ ǀ abhi-khyāya ǀ tam ǀ tigitena ǀ vidhya ǀ
   bṛhaspate ǀ āyudhaiḥ ǀ jeṣi ǀ śatrūn ǀ druhe ǀ riṣantam ǀ pari ǀ dhehi ǀ rājan ǁ

   2.30.9 Aṣṭaka 2.7.13.4Anuvāka 2.3.88Interpretations

10. Ṛk 10

    अ॒स्माके॑भिः॒ सत्व॑भिः शूर॒ शूरै॑र्वी॒र्या॑ कृधि॒ यानि॑ ते॒ कर्त्वा॑नि ।
    ज्योग॑भूव॒न्ननु॑धूपितासो ह॒त्वी तेषा॒मा भ॑रा नो॒ वसू॑नि ॥

    अस्माकेभिः सत्वभिः शूर शूरैर् वीर्या कृधि यानि ते कर्त्वानि |
    ज्योग् अभूवन्न् अनुधूपितासो हत्वी तेषाम् आ भरा नो वसूनि ||

    asmā́kebhiḥ sátvabhiḥ śūra śū́rairvīryā́ kṛdhi yā́ni te kártvāni ǀ
    jyógabhūvannánudhūpitāso hatvī́ téṣāmā́ bharā no vásūni ǁ

    asmākebhiḥ satvabhiḥ śūra śūrair vīryā kṛdhi yāni te kartvāni |
    jyog abhūvann anudhūpitāso hatvī teṣām ā bharā no vasūni ||

    अ॒स्माके॑भिः । सत्व॑ऽभिः । शू॒र॒ । शूरैः॑ । वी॒र्या॑ । कृ॒धि॒ । यानि॑ । ते॒ । कर्त्वा॑नि ।
    ज्योक् । अ॒भू॒व॒न् । अनु॑ऽधूपितासः । ह॒त्वी । तेषा॑म् । आ । भ॒र॒ । नः॒ । वसू॑नि ॥

    अस्माकेभिः । सत्वऽभिः । शूर । शूरैः । वीर्या । कृधि । यानि । ते । कर्त्वानि ।
    ज्योक् । अभूवन् । अनुऽधूपितासः । हत्वी । तेषाम् । आ । भर । नः । वसूनि ॥

    asmā́kebhiḥ ǀ sátva-bhiḥ ǀ śūra ǀ śū́raiḥ ǀ vīryā́ ǀ kṛdhi ǀ yā́ni ǀ te ǀ kártvāni ǀ
    jyók ǀ abhūvan ǀ ánu-dhūpitāsaḥ ǀ hatvī́ ǀ téṣām ǀ ā́ ǀ bhara ǀ naḥ ǀ vásūni ǁ

    asmākebhiḥ ǀ satva-bhiḥ ǀ śūra ǀ śūraiḥ ǀ vīryā ǀ kṛdhi ǀ yāni ǀ te ǀ kartvāni ǀ
    jyok ǀ abhūvan ǀ anu-dhūpitāsaḥ ǀ hatvī ǀ teṣām ǀ ā ǀ bhara ǀ naḥ ǀ vasūni ǁ

    2.30.10 Aṣṭaka 2.7.13.5Anuvāka 2.3.89Interpretations

11. Ṛk 11

    तं वः॒ शर्धं॒ मारु॑तं सुम्न॒युर्गि॒रोप॑ ब्रुवे॒ नम॑सा॒ दैव्यं॒ जनं॑ ।
    यथा॑ र॒यिं सर्व॑वीरं॒ नशा॑महा अपत्य॒साचं॒ श्रुत्यं॑ दि॒वेदि॑वे ॥

    तं वः शर्धम् मारुतं सुम्नयुर् गिरोप ब्रुवे नमसा दैव्यं जनम् |
    यथा रयिं सर्ववीरं नशामहा अपत्यसाचं श्रुत्यं दिवे-दिवे ||

    tám vaḥ śárdham mā́rutam sumnayúrgirópa bruve námasā dáivyam jánam ǀ
    yáthā rayím sárvavīram náśāmahā apatyasā́cam śrútyam divédive ǁ

    taṃ vaḥ śardham mārutaṃ sumnayur giropa bruve namasā daivyaṃ janam |
    yathā rayiṃ sarvavīraṃ naśāmahā apatyasācaṃ śrutyaṃ dive-dive ||

    तम् । वः॒ । शर्ध॑म् । मारु॑तम् । सु॒म्न॒ऽयुः । गि॒रा । उप॑ । ब्रु॒वे॒ । नम॑सा । दैव्य॑म् । जन॑म् ।
    यथा॑ । र॒यिम् । सर्व॑ऽवीरम् । नशा॑महै । अ॒प॒त्य॒ऽसाच॑म् । श्रुत्य॑म् । दि॒वेऽदि॑वे ॥

    तम् । वः । शर्धम् । मारुतम् । सुम्नऽयुः । गिरा । उप । ब्रुवे । नमसा । दैव्यम् । जनम् ।
    यथा । रयिम् । सर्वऽवीरम् । नशामहै । अपत्यऽसाचम् । श्रुत्यम् । दिवेऽदिवे ॥

    tám ǀ vaḥ ǀ śárdham ǀ mā́rutam ǀ sumna-yúḥ ǀ girā́ ǀ úpa ǀ bruve ǀ námasā ǀ dáivyam ǀ jánam ǀ
    yáthā ǀ rayím ǀ sárva-vīram ǀ náśāmahai ǀ apatya-sā́cam ǀ śrútyam ǀ divé-dive ǁ

    tam ǀ vaḥ ǀ śardham ǀ mārutam ǀ sumna-yuḥ ǀ girā ǀ upa ǀ bruve ǀ namasā ǀ daivyam ǀ janam ǀ
    yathā ǀ rayim ǀ sarva-vīram ǀ naśāmahai ǀ apatya-sācam ǀ śrutyam ǀ dive-dive ǁ

    2.30.11 Aṣṭaka 2.7.13.6Anuvāka 2.3.90Interpretations

Text, recitation and interpretations from the Ṛgveda database of theveda.org.in.