प्र॒द॒क्षि॒णिद॒भि गृ॑णंति का॒रवो॒ वयो॒ वदं॑त ऋतु॒था श॒कुंत॑यः ।
उ॒भे वाचौ॑ वदति साम॒गा इ॑व गाय॒त्रं च॒ त्रैष्टु॑भं॒ चानु॑ राजति ॥

प्रदक्षिणिद् अभि गृणन्ति कारवो वयो वदन्त ऋतुथा शकुन्तयः |
उभे वाचौ वदति सामगा इव गायत्रं च त्रैष्टुभं चानु राजति ||

pradakṣiṇídabhí gṛṇanti kārávo váyo vádanta ṛtuthā́ śakúntayaḥ ǀ
ubhé vā́cau vadati sāmagā́ iva gāyatrám ca tráiṣṭubham cā́nu rājati ǁ

pradakṣiṇid abhi gṛṇanti kāravo vayo vadanta ṛtuthā śakuntayaḥ |
ubhe vācau vadati sāmagā iva gāyatraṃ ca traiṣṭubhaṃ cānu rājati ||

प्र॒ऽद॒क्षि॒णित् । अ॒भि । गृ॒ण॒न्ति॒ । का॒रवः॑ । वयः॑ । वद॑न्तः । ऋ॒तु॒ऽथा । श॒कुन्त॑यः ।
उ॒भे इति॑ । वाचौ॑ । व॒द॒ति॒ । सा॒म॒गाःऽइ॑व । गा॒य॒त्रम् । च॒ । त्रैस्तु॑भम् । च॒ । अनु॑ । रा॒ज॒ति॒ ॥

प्रऽदक्षिणित् । अभि । गृणन्ति । कारवः । वयः । वदन्तः । ऋतुऽथा । शकुन्तयः ।
उभे इति । वाचौ । वदति । सामगाःऽइव । गायत्रम् । च । त्रैस्तुभम् । च । अनु । राजति ॥

pra-dakṣiṇít ǀ abhí ǀ gṛṇanti ǀ kārávaḥ ǀ váyaḥ ǀ vádantaḥ ǀ ṛtu-thā́ ǀ śakúntayaḥ ǀ
ubhé íti ǀ vā́cau ǀ vadati ǀ sāmagā́ḥ-iva ǀ gāyatrám ǀ ca ǀ tráistubham ǀ ca ǀ ánu ǀ rājati ǁ

pra-dakṣiṇit ǀ abhi ǀ gṛṇanti ǀ kāravaḥ ǀ vayaḥ ǀ vadantaḥ ǀ ṛtu-thā ǀ śakuntayaḥ ǀ
ubhe iti ǀ vācau ǀ vadati ǀ sāmagāḥ-iva ǀ gāyatram ǀ ca ǀ traistubham ǀ ca ǀ anu ǀ rājati ǁ