MuA zu RHT, 1, 21.2
Select a line for its word-by-word analysis.
आत्मसंवित्तेर् विरलत्वं सूचयन्न् आह भ्रूयुगेत्यादि ॥ (१।०)
ātmasaṃvitter viralatvaṃ sūcayann āha bhrūyugetyādi ||
यत् भ्रूयुगमध्यगतं भ्रूद्वयान्तर्गतं सत् प्रकाशते तत्र दृष्टिं निधाय योगिनः पश्यन्ति खेचर्या मुद्रया हठप्रदीपिकायां पद्यम् । (२।१)
yat bhrūyugamadhyagataṃ bhrūdvayāntargataṃ sat prakāśate tatra dṛṣṭiṃ nidhāya yoginaḥ paśyanti khecaryā mudrayā haṭhapradīpikāyāṃ padyam |
भ्रुवोर् अन्तर्गता दृष्टिर्मुद्रा भवति खेचरी ॥ (२।३)
bhruvor antargatā dṛṣṭirmudrā bhavati khecarī ||
पुनः शिखिविद्युत्सु वह्निसौदामिनीषु निर्मलं सत् यत्प्रकाशते पुनर्यत् जगद्भासि जगत् संसारं प्रकाशते तत् चिन्मयं प्रकाशप्रचुरं ज्योतिः केषांचित् पुण्यकृतां सुविहितकर्मकर्तॄणाम् उन्मीलति प्रादुर्भवति न तु सर्वेषां यतो निर्मलं प्रकाशं ध्यात्वा विपुलपुण्येन निर्मलत्वाय जायते अतः प्रकाशो युक्तः ॥ (४।०)
punaḥ śikhividyutsu vahnisaudāminīṣu nirmalaṃ sat yatprakāśate punaryat jagadbhāsi jagat saṃsāraṃ prakāśate tat cinmayaṃ prakāśapracuraṃ jyotiḥ keṣāṃcit puṇyakṛtāṃ suvihitakarmakartṝṇām unmīlati prādurbhavati na tu sarveṣāṃ yato nirmalaṃ prakāśaṃ dhyātvā vipulapuṇyena nirmalatvāya jāyate ataḥ prakāśo yuktaḥ ||
Data courtesy of The Digital Corpus of Sanskrit.