MuA zu RHT, 3, 18.2
Select a line for its word-by-word analysis.
अन्यमताभिप्राये प्रकारान्तरम् आहाथवेत्यादि ॥ (१।०)
anyamatābhiprāye prakārāntaram āhāthavetyādi ||
पूर्वोक्तं विधानं कुर्यात् अथवा पक्षान्तरे इदं वक्ष्यमाणं कुर्यात् ॥ (२।०)
pūrvoktaṃ vidhānaṃ kuryāt athavā pakṣāntare idaṃ vakṣyamāṇaṃ kuryāt ||
माक्षिकगगनमिति माक्षिकेन युक्तं गगनम् अभ्रकं समभागं द्वयं तुल्यभागं पुटितं भावितं यत् पटु सैन्धवं लवणं शास्त्रान्तरसाम्याद् अम्लवर्गेण पुटितं तेन युतं मिलितं सत् पक्वं वह्निपुटितं कुर्यात् इति शेषः ॥ (३।०)
mākṣikagaganamiti mākṣikena yuktaṃ gaganam abhrakaṃ samabhāgaṃ dvayaṃ tulyabhāgaṃ puṭitaṃ bhāvitaṃ yat paṭu saindhavaṃ lavaṇaṃ śāstrāntarasāmyād amlavargeṇa puṭitaṃ tena yutaṃ militaṃ sat pakvaṃ vahnipuṭitaṃ kuryāt iti śeṣaḥ ||
किं कृत्वा लोहपात्रे मुण्डादिभाजने प्रक्षिप्य मध्ये स्थाप्य ॥ (४।०)
kiṃ kṛtvā lohapātre muṇḍādibhājane prakṣipya madhye sthāpya ||
एवंविधं कृष्णाभ्रं स्वेदान्तर्वह्नितापमध्ये रसः पारदश् चरति ग्रसति माक्षिकसंयोगात् क्षिप्रम् इति भावः ॥ (५।०)
evaṃvidhaṃ kṛṣṇābhraṃ svedāntarvahnitāpamadhye rasaḥ pāradaś carati grasati mākṣikasaṃyogāt kṣipram iti bhāvaḥ ||
Data courtesy of The Digital Corpus of Sanskrit.