MuA zu RHT, 2, 21.1
Select a line for its word-by-word analysis.
किं द्वितीयमित्याशङ्क्य तं स्पष्टयन्नाह पीतेत्यादि ॥ (१।०)
kiṃ dvitīyamityāśaṅkya taṃ spaṣṭayannāha pītetyādi ||
आदौ प्रथमं मुखं विधेयम् इत्यध्याहारः पारदस्य मुखं कार्यमित्यर्थः ॥ (२।०)
ādau prathamaṃ mukhaṃ vidheyam ityadhyāhāraḥ pāradasya mukhaṃ kāryamityarthaḥ ||
ततश्चेत्पीतक्रिया भवन्ति स्वर्णसम्बन्धीनि कार्याणि भवन्ति तदा पीतं स्वर्णं देयम् ॥ (३।०)
tataścetpītakriyā bhavanti svarṇasambandhīni kāryāṇi bhavanti tadā pītaṃ svarṇaṃ deyam ||
श्वेतक्रियासु श्वेतं देयं श्वेतं तारम् इत्यर्थः ॥ (४।०)
śvetakriyāsu śvetaṃ deyaṃ śvetaṃ tāram ityarthaḥ ||
स्वर्णतारादिकं खल्वे दत्तं कृतमुखो रसश्चरति ॥ (५।०)
svarṇatārādikaṃ khalve dattaṃ kṛtamukho rasaścarati ||
पुनर्निर्मुखो रसः अकृतमुखो रसः खल्वे घृष्टो घर्षितः सन् पूर्वोक्तं चरति भक्षयति ॥ (६।०)
punarnirmukho rasaḥ akṛtamukho rasaḥ khalve ghṛṣṭo gharṣitaḥ san pūrvoktaṃ carati bhakṣayati ||
काभिः सह दिव्यौषधीभिर् वक्ष्यमाणाभिः सह ॥ (७।०)
kābhiḥ saha divyauṣadhībhir vakṣyamāṇābhiḥ saha ||
सास्यो रसः स्यात्पटुशिग्रुतुत्थैः सराजिकैर् व्योषणकैस् त्रिरात्रम् । (८।२)
sāsyo rasaḥ syātpaṭuśigrututthaiḥ sarājikair vyoṣaṇakais trirātram |
पिष्टस्ततः स्विन्नतनुः सुवर्णमुखानयं खादति सर्वधातून् ॥ (८।३)
piṣṭastataḥ svinnatanuḥ suvarṇamukhānayaṃ khādati sarvadhātūn ||
निर्मुखश्च अम्लवर्गेण संयुक्तं यथालाभेन मर्दयेत् । (१०।१)
nirmukhaśca amlavargeṇa saṃyuktaṃ yathālābhena mardayet |
इयन्मानस्य सूतस्य भोज्यद्रव्यात्मिका मितिः । (११।१)
iyanmānasya sūtasya bhojyadravyātmikā mitiḥ |
इति श्रीमत्कुरलकुलपयोधिसुधाकरमिश्रमहेशात्मजचतुर्भुजमिश्रविरचितायां मुग्धावबोधिन्यां रसहृदयटीकायां रसशोधनात्मको द्वितीयोऽवबोधः ॥ (१३।०)
iti śrīmatkuralakulapayodhisudhākaramiśramaheśātmajacaturbhujamiśraviracitāyāṃ mugdhāvabodhinyāṃ rasahṛdayaṭīkāyāṃ rasaśodhanātmako dvitīyo'vabodhaḥ ||
Data courtesy of The Digital Corpus of Sanskrit.