MuA zu RHT, 2, 18.2
Select a line for its word-by-word analysis.
अष्टमोद्दिष्टस्य दीपनसंस्कारस्य विधिं स्पष्टयन्नाह भूखगेत्यादि ॥ (१।०)
aṣṭamoddiṣṭasya dīpanasaṃskārasya vidhiṃ spaṣṭayannāha bhūkhagetyādi ||
असौ पूर्वसंस्कृतरस एतैर् औषधैस् त्रिदिनं निरन्तरं यथा स्यात् तथा स्वेदेन दीपितः क्षुत्पीडितः सन् ग्रासार्थी कवलाभिलाषी जायते ॥ (२।०)
asau pūrvasaṃskṛtarasa etair auṣadhais tridinaṃ nirantaraṃ yathā syāt tathā svedena dīpitaḥ kṣutpīḍitaḥ san grāsārthī kavalābhilāṣī jāyate ||
एतैर् ओषधैः भूखगटङ्कणमरिचैः न केवलम् एतैः पुनर् लवणासुरीशिग्रुकाञ्जिकैः ॥ (३।०)
etair oṣadhaiḥ bhūkhagaṭaṅkaṇamaricaiḥ na kevalam etaiḥ punar lavaṇāsurīśigrukāñjikaiḥ ||
भूः तुवरी खगः कासीसं टङ्कणं सौभाग्यं मरिचम् ऊषणम् एतैः ॥ (४।०)
bhūḥ tuvarī khagaḥ kāsīsaṃ ṭaṅkaṇaṃ saubhāgyaṃ maricam ūṣaṇam etaiḥ ||
पुनः लवणं सैन्धवम् आसुरी राजिका शिग्रुः सौभाञ्जनं वृक्षविशेषः काञ्जिकं पूर्वोक्तम् अम्लीभूतम् एतैश्चेति ॥ (५।०)
punaḥ lavaṇaṃ saindhavam āsurī rājikā śigruḥ saubhāñjanaṃ vṛkṣaviśeṣaḥ kāñjikaṃ pūrvoktam amlībhūtam etaiśceti ||
तस्य मध्ये क्षिपेत्सूतं कलांशक्षारसंयुतं । (७।१)
tasya madhye kṣipetsūtaṃ kalāṃśakṣārasaṃyutaṃ |
द्वारं निरुध्य यत्नेन वस्त्रमध्ये निबन्धयेत् ॥ (७।२)
dvāraṃ nirudhya yatnena vastramadhye nibandhayet ||
त्र्यहं सप्तदिनं वाथ चतुर्दशैकविंशतिम् । (१०।१)
tryahaṃ saptadinaṃ vātha caturdaśaikaviṃśatim |
संस्कारः सूतराजे तु क्रमात् क्रमतरं वरम् ॥ (१०।२)
saṃskāraḥ sūtarāje tu kramāt kramataraṃ varam ||
Data courtesy of The Digital Corpus of Sanskrit.