विध्यन्तरमाह रसेत्यादि ॥ (१।०)

रसोपरसस्य वैक्रान्तगन्धकादेर्मध्ये शुद्धमाक्षिकं निर्दोषं ताप्यं हेम्नो द्विगुणं कनकाद्द्विगुणितं दत्त्वा द्विगुणमाक्षिकयुतं हेम दत्त्वेत्यर्थः ॥ (२।०)

एतद्रसोपरसादिकं काकमाच्या वायस्याः स्वरसेन मृद्नीयात् मर्दनं कुर्यात् ॥ (३।०)

रम्भाकन्देन च कदलीकन्देनापीत्यर्थः ॥ (४।०)

एतत्पूर्वौषधं पिण्डं गोलाकारं कुर्यात् ॥ (५।०)

इतिविधानेन हेमाभ्रं मिलति हेमताप्यं चेति ॥ (६।०)

क्व वज्रमूषायाम् ॥ (७।०)

तथाह । (८।१)

मृदस्त्रिभागाः शणलद्दिभागौ भागश्च निर्दग्धतुषोपलादेः । (८।२)

किट्टार्धभागं परिखण्ड्य वज्रमूषां विदध्यात्खलु सत्वपाते । (८।३)

इति ॥ (८।४)