MuA zu RHT, 1, 28.2
Select a line for its word-by-word analysis.
आत्मनो ऽवेक्षया सूते सुगमत्वं सूचयन्नाह प्रमाणत इत्यादि ॥ (१।०)
ātmano 'vekṣayā sūte sugamatvaṃ sūcayannāha pramāṇata ityādi ||
यः पुरुषः सूतकं रसेन्द्रं न जानाति कुतः प्रमाणतः प्रमाकरणं प्रमाणं प्रमितिसाधनं वा ततः किम्भूतात् प्रमाणतः प्रत्यक्षाच् चक्षुरिन्द्रियग्राह्यरूपात् स पुमान् चिन्मयम् अतिसूक्ष्मम् आत्मानं कथं ज्ञास्यति न कथम् अपीत्यर्थः इन्द्रियागोचरत्वात् ॥ (२।०)
yaḥ puruṣaḥ sūtakaṃ rasendraṃ na jānāti kutaḥ pramāṇataḥ pramākaraṇaṃ pramāṇaṃ pramitisādhanaṃ vā tataḥ kimbhūtāt pramāṇataḥ pratyakṣāc cakṣurindriyagrāhyarūpāt sa pumān cinmayam atisūkṣmam ātmānaṃ kathaṃ jñāsyati na katham apītyarthaḥ indriyāgocaratvāt ||
किंविशिष्टम् अनादिविग्रहम् आदिश्च विग्रहं च आदिविग्रहे ते न विद्येते यत्र सः तं उत्पत्तिशरीरयोरभावात् स्थूलज्ञानाभाव इति तात्पर्यार्थः ॥ (३।०)
kiṃviśiṣṭam anādivigraham ādiśca vigrahaṃ ca ādivigrahe te na vidyete yatra saḥ taṃ utpattiśarīrayorabhāvāt sthūlajñānābhāva iti tātparyārthaḥ ||
Data courtesy of The Digital Corpus of Sanskrit.