MuA zu RHT, 19, 66.2
Select a line for its word-by-word analysis.
अमरसुन्दरीगुटिकाविधानं गुणांश्चाह कान्तेत्यादि ॥ (१।०)
amarasundarīguṭikāvidhānaṃ guṇāṃścāha kāntetyādi ||
अभ्रकसत्त्वं प्रतीतं हेम कनकं तारं च तत् एकवद्भावो द्वन्द्वत्वात् पुनरर्कः ताम्रम् एषां कान्तादीनां संख्या गणना समांशतः समभागतो ज्ञेया ॥ (३।०)
abhrakasattvaṃ pratītaṃ hema kanakaṃ tāraṃ ca tat ekavadbhāvo dvandvatvāt punararkaḥ tāmram eṣāṃ kāntādīnāṃ saṃkhyā gaṇanā samāṃśataḥ samabhāgato jñeyā ||
पुनः सूतसमांशं पारदेन तुल्यभागं ध्मातं कुर्यात् अन्धमूषायां इति शेषः ॥ (४।०)
punaḥ sūtasamāṃśaṃ pāradena tulyabhāgaṃ dhmātaṃ kuryāt andhamūṣāyāṃ iti śeṣaḥ ||
किंकृतं सत् बाह्ये बद्धगोलोपरि रसेन मारणायाम् उक्तद्रवेण लिप्तं सत् ध्मातं कुर्यात् ॥ (५।०)
kiṃkṛtaṃ sat bāhye baddhagolopari rasena māraṇāyām uktadraveṇa liptaṃ sat dhmātaṃ kuryāt ||
इत्थं कृतं खोटं पिष्टिस्तम्भः गोलाकारं भवति ॥ (६।०)
itthaṃ kṛtaṃ khoṭaṃ piṣṭistambhaḥ golākāraṃ bhavati ||
तत् वदनगतं मुखान्तःस्थितं शस्त्रवारकं स्यात् अस्मिंश्च वदनं गते सति शरीरे खड्गादीनां प्रहारो न लगति ॥ (७।०)
tat vadanagataṃ mukhāntaḥsthitaṃ śastravārakaṃ syāt asmiṃśca vadanaṃ gate sati śarīre khaḍgādīnāṃ prahāro na lagati ||
गुटिर् इयं नाम्ना अभिधानेन अमरसुन्दरीगुटिका ज्ञेया ॥ (८।०)
guṭir iyaṃ nāmnā abhidhānena amarasundarīguṭikā jñeyā ||
इयं शरीरस्था मुखे अन्यस्थले वा स्थिता सती शरीरस्थान् रोगान् हन्ति विनाशयति ॥ (९।०)
iyaṃ śarīrasthā mukhe anyasthale vā sthitā satī śarīrasthān rogān hanti vināśayati ||
अनुक्तमपि मानं पञ्चनिष्कप्रमाणं ज्ञेयमित्यर्थः ॥ (१०।०)
anuktamapi mānaṃ pañcaniṣkapramāṇaṃ jñeyamityarthaḥ ||
हेम्ना वा रजतेन वापि सहितो ध्मातो व्रजत्येकतामक्षीणो निविडो गुडश्च गुटिकाः करोति दीर्घोज्ज्वलाः ॥ (१२।०)
hemnā vā rajatena vāpi sahito dhmāto vrajatyekatāmakṣīṇo niviḍo guḍaśca guṭikāḥ karoti dīrghojjvalāḥ ||
चूर्णं तत्पटुवत्प्रयाति विहितघृष्टो न मुञ्चेन्मलं निर्गन्धो द्रवति क्षणात्स हि मतो बद्धाभिधानो रसः । (१३।१)
cūrṇaṃ tatpaṭuvatprayāti vihitaghṛṣṭo na muñcenmalaṃ nirgandho dravati kṣaṇātsa hi mato baddhābhidhāno rasaḥ |
Data courtesy of The Digital Corpus of Sanskrit.