MuA zu RHT, 3, 17.2
Select a line for its word-by-word analysis.
एके उक्तविधानेन चारणां कुर्वन्ति अन्ये अपरे रसं पारदं स्वच्छं कृत्वा स्वेदनाद्यष्टसंस्कारोपसंस्कृतं विधाय वा हिङ्गुलोत्थं घनम् अभ्रकं चारयन्ति अभ्रकस्य चारणां कुर्वन्ति ॥ (२।०)
eke uktavidhānena cāraṇāṃ kurvanti anye apare rasaṃ pāradaṃ svacchaṃ kṛtvā svedanādyaṣṭasaṃskāropasaṃskṛtaṃ vidhāya vā hiṅgulotthaṃ ghanam abhrakaṃ cārayanti abhrakasya cāraṇāṃ kurvanti ||
केन शुकपिच्छमुखेन शुकपिच्छं संधानविशेषः मुखं विशेषो येषां संधानानां तेन ॥ (३।०)
kena śukapicchamukhena śukapicchaṃ saṃdhānaviśeṣaḥ mukhaṃ viśeṣo yeṣāṃ saṃdhānānāṃ tena ||
क्व सति चारयन्ति आशितग्रासे सति भुक्तकवले सति पुनश् चार्यम् इत्यर्थः ॥ (४।०)
kva sati cārayanti āśitagrāse sati bhuktakavale sati punaś cāryam ityarthaḥ ||
केन सिद्धोपदेशविधिना सिद्धा रससिद्धा नित्यनाथवीरनाथादयः पूर्वोक्ताः तेषां य उपदेशविधिस् तेन ॥ (५।०)
kena siddhopadeśavidhinā siddhā rasasiddhā nityanāthavīranāthādayaḥ pūrvoktāḥ teṣāṃ ya upadeśavidhis tena ||
न शुष्केण संधानेनार्द्रीभावात् नीरसतां प्राप्तेन पुनश्चारणा न स्यात् ॥ (६।०)
na śuṣkeṇa saṃdhānenārdrībhāvāt nīrasatāṃ prāptena punaścāraṇā na syāt ||
भस्मक्षारान् सुशुष्कांस्तु क्षारांश्च लवणानि च । (७।२)
bhasmakṣārān suśuṣkāṃstu kṣārāṃśca lavaṇāni ca |
आलोड्य ह्य् अम्लवर्गेण शुल्बभाण्डे निधापयेत् ॥ (७।३)
āloḍya hy amlavargeṇa śulbabhāṇḍe nidhāpayet ||
Data courtesy of The Digital Corpus of Sanskrit.