MuA zu RHT, 2, 19.2
Select a line for its word-by-word analysis.
कृताष्टसंस्कारस्य पारदस्य संस्कारान्तरसिद्धां परीक्षाम् आह इतीत्यादि ॥ (१।०)
kṛtāṣṭasaṃskārasya pāradasya saṃskārāntarasiddhāṃ parīkṣām āha itītyādi ||
इति पूर्वोक्तप्रकारेण रसराजो दीपितः सन् क्षुदुत्पीडितः सन् विशुद्धो भवति ॥ (२।०)
iti pūrvoktaprakāreṇa rasarājo dīpitaḥ san kṣudutpīḍitaḥ san viśuddho bhavati ||
यदीदृशो भवति रसराजस्तदा चार्यः चारणकर्म कार्यम् ॥ (३।०)
yadīdṛśo bhavati rasarājastadā cāryaḥ cāraṇakarma kāryam ||
कीदृक् प्रचलितविद्युल्लतासहस्राभः प्रकर्षेण चलत्यश् चलनशीला या विद्युतस्तासां सहस्रस्येव भा दीप्तिर् यस्य स तथोक्तः ॥ (४।०)
kīdṛk pracalitavidyullatāsahasrābhaḥ prakarṣeṇa calatyaś calanaśīlā yā vidyutastāsāṃ sahasrasyeva bhā dīptir yasya sa tathoktaḥ ||
किं कृत्वा चार्यः इदमग्रे वक्ष्यमाणं किंचित् धातूपरसमहारसरत्नसंज्ञकं द्वितीयं रसराजसम्बन्धिनं दत्त्वा संयोज्येत्यर्थः ॥ (५।०)
kiṃ kṛtvā cāryaḥ idamagre vakṣyamāṇaṃ kiṃcit dhātūparasamahārasaratnasaṃjñakaṃ dvitīyaṃ rasarājasambandhinaṃ dattvā saṃyojyetyarthaḥ ||
Data courtesy of The Digital Corpus of Sanskrit.