MuA zu RHT, 6, 9.2
Select a line for its word-by-word analysis.
ग्रासजारणायां यन्त्रादिकरणमाह दोलायामित्यादि ॥ (१।०)
grāsajāraṇāyāṃ yantrādikaraṇamāha dolāyāmityādi ||
यथाक्रमेणैव चतुःषष्ट्यादिनैव चत्वारो ग्रासा दोलायां जार्याः शेषा ग्रासाश्चत्वारः असंख्या वा कच्छपयन्त्रे जलयन्त्रे च जार्याः ॥ (२।०)
yathākrameṇaiva catuḥṣaṣṭyādinaiva catvāro grāsā dolāyāṃ jāryāḥ śeṣā grāsāścatvāraḥ asaṃkhyā vā kacchapayantre jalayantre ca jāryāḥ ||
शेषाश्चत्वारः कुतः यतो ऽन्यशास्त्रेषु अष्टैव ग्रासाः ॥ (३।०)
śeṣāścatvāraḥ kutaḥ yato 'nyaśāstreṣu aṣṭaiva grāsāḥ ||
जारणे किमवधिः यावद्द्विगुणादिकं जरति पारदाद्द्विगुणितं आदिशब्देन द्विगुणान्न्यूनं न कार्यं अधिकमधिकं च भवतु ॥ (४।०)
jāraṇe kimavadhiḥ yāvaddviguṇādikaṃ jarati pāradāddviguṇitaṃ ādiśabdena dviguṇānnyūnaṃ na kāryaṃ adhikamadhikaṃ ca bhavatu ||
शक्त्यवतरेऽष्टौ बृहच्छास्त्रे क्वचिद् अष्टौ ग्रासा उक्ताः क्वचिद्विंशतिग्रासा इति ॥ (५।०)
śaktyavatare'ṣṭau bṛhacchāstre kvacid aṣṭau grāsā uktāḥ kvacidviṃśatigrāsā iti ||
Data courtesy of The Digital Corpus of Sanskrit.