MuA zu RHT, 5, 2.2
Select a line for its word-by-word analysis.
गर्भद्रुतेराधिक्यं दर्शयन्नाह गर्भेत्यादि ॥ (१।०)
garbhadruterādhikyaṃ darśayannāha garbhetyādi ||
चीर्णो ऽपि ग्रासः चारणतां प्राप्तो ऽपि कवलः यदि गर्भद्रुत्या रहितो भवेत् रसस्योदरे रसरूपकरणवर्जितो भवेत् तदा एकतां न याति रसरूपो न भवति ॥ (२।०)
cīrṇo 'pi grāsaḥ cāraṇatāṃ prāpto 'pi kavalaḥ yadi garbhadrutyā rahito bhavet rasasyodare rasarūpakaraṇavarjito bhavet tadā ekatāṃ na yāti rasarūpo na bhavati ||
पुनरेकीभावेन विना ग्रासो न जीर्यते जारणत्वं नाप्नोति ॥ (३।०)
punarekībhāvena vinā grāso na jīryate jāraṇatvaṃ nāpnoti ||
तेन हेतुना गर्भद्रुतिपूर्विका जारणा कार्या रसबन्धे जारणं हेतुरिति भावः ॥ (४।०)
tena hetunā garbhadrutipūrvikā jāraṇā kāryā rasabandhe jāraṇaṃ heturiti bhāvaḥ ||
Data courtesy of The Digital Corpus of Sanskrit.