इति मूलविषविशेषाः प्रोक्ताः शृणु जङ्गमस्यातः । (१२३।१)

सविशेषचिकित्सितमेवादौ तत्रोच्यते तु सर्पाणाम् ॥ (१२३।२)

इह दर्वीकरः सर्पो मण्डली राजिमानिति । (१२४।१)

त्रयो यथाक्रमं वातपित्तश्लेष्मप्रकोपणाः ॥ (१२४।२)

दर्वीकरः फणी ज्ञेयो मण्डली मण्डलाफणः । (१२५।१)

बिन्दुलेखविचित्राङ्गः पन्नगः स्यात्तु राजिमान् ॥ (१२५।२)

विशेषाद्रूक्षकटुकमम्लोष्णं स्वादु शीतलम् । (१२६।१)

विषं यथाक्रमं तेषां तस्माद्वातादिकोपनम् ॥ (१२६।२)

दर्वीकरकृतो दंशः सूक्ष्मदंष्ट्रापदो ऽसितः । (१२७।१)

निरुद्धरक्तः कूर्माभो वातव्याधिकरो मतः ॥ (१२७।२)

पृथ्वर्पितः सशोथश्च दंशो मण्डलिना कृतः । (१२८।१)

पीताभः पीतरक्तश्च सर्वपित्तविकारकृत् ॥ (१२८।२)

कृतो राजिमता दंशः पिच्छिलः स्थिरशोफकृत् । (१२९।१)

स्निग्धः पाण्डुश्च सान्द्रासृक् श्लेष्मव्याधिसमीरणः ॥ (१२९।२)

वृत्तभोगो महाकायः श्वसन्नूर्ध्वेक्षणः पुमान् । (१३०।१)

स्थूलमूर्धा समाङ्गश्च स्त्री त्वतः स्याद्विपर्ययात् ॥ (१३०।२)

क्लीबस्त्रसत्यधोदृष्टिः स्वरहीनः प्रकम्पते । (१३१।१)

स्त्रिया दष्टो विपर्यस्तैरेतैः पुंसा नरो मतः ॥ (१३१।२)

व्यामिश्रलिङ्गैरेतैस्तु क्लीबदष्टं नरं वदेत् । (१३२।१)

इत्येतदुक्तं सर्पाणां स्त्रीपुंक्लीबनिदर्शनम् ॥ (१३२।२)

पाण्डुवक्त्रस्तु गर्भिण्या शूनौष्ठो ऽप्यसितेक्षणः । (१३३।१)

जृम्भाक्रोधोपजिह्वार्तः सूतया रक्तमूत्रवान् ॥ (१३३।२)

सर्पो गौधेरको नाम गोधायां स्याच्चतुष्पदः । (१३४।१)

कृष्णसर्पेण तुल्यः स्यान्नाना स्युर्मिश्रजातयः ॥ (१३४।२)

गूढसम्पादितं वृत्तं पीडितं लम्बितार्पितम् । (१३५।१)

सर्पितं च भृशाबाधं दंशा ये ऽन्ये न ते भृशाः ॥ (१३५।२)

तरुणाः कृष्णसर्पास्तु गोनसाः स्थविरास्तथा । (१३६।१)

राजिमन्तो वयोमध्ये भवन्त्याशीविषोपमाः ॥ (१३६।२)

ड़न्ग्स् अन्द् क़ुअन्तित्य् ओड़् वेनोम्सर्पदंष्ट्राश्चतस्रस्तु तासां वामाधरा सिता । (१३७।१)

पीता वामोत्तरा दंष्ट्रा रक्तश्यावाधरोत्तरा ॥ (१३७।२)

यन्मात्रः पतते बिन्दुर् गोवालात् सलिलोद्धृतात् । (१३८।१)

वामाधरायां दंष्ट्रायां तन्मात्रं स्यादहेर्विषम् ॥ (१३८।२)

एकद्वित्रिचतुर्वृद्धविषभागोत्तरोत्तराः । (१३९।१)

सवर्णास्तत्कृता दंशा बहूत्तरविषा भृशाः ॥ (१३९।२)

सर्पाणाम् एव विण्मूत्रात् कीटाः स्युः कीटसंमताः । (१४०।१)

दूषीविषाः प्राणहरा इति संक्षेपतो मताः ॥ (१४०।२)

इन्चुरब्ले बितेस्श्मशानचैत्यवल्मीकयज्ञाश्रमसुरालये । (१५९।१)

पक्षसन्धिषु मध्याह्ने सार्धरात्रे ऽष्टमीषु च ॥ (१५९।२)

न सिध्यन्ति नरा दष्टाः पाषण्डायतनेषु च । (१६०।१)

दृष्टिश्वासमलस्पर्शविषैराशीविषैस् तथा ॥ (१६०।२)

विनश्यन्त्याशु सम्प्राप्ता दष्टाः सर्वेषु मर्मसु । (१६१।१)

येन केनापि सर्पेण संभवः सर्व एव च ॥ (१६१।२)