शार्ङ्गधरसंहितादीपिकाŚārṅgadharasaṃhitādīpikā
ŚSDīp zu ŚdhSaṃh, 2, 11, 4.2
Select a line for its word-by-word analysis.
सुवर्णादीनां चतुर्णां पत्राणि कृत्वा तानि चाग्नौ पुनः संतप्तानि कृत्वा वक्ष्यमाणद्रव्येषु त्रिधा त्रिवेलं यथा स्यान्निषिञ्चयेत् प्रत्येकमिति शेषः ॥ (२।०)
suvarṇādīnāṃ caturṇāṃ patrāṇi kṛtvā tāni cāgnau punaḥ saṃtaptāni kṛtvā vakṣyamāṇadravyeṣu tridhā trivelaṃ yathā syānniṣiñcayet pratyekamiti śeṣaḥ ||
एवं सुवर्णादीनां चतुर्णां विशुद्धिर्भवति स्वर्णादिलोहानामिति ग्रहणेन तीक्ष्णादीनामपि शुद्धिरेवं बोद्धव्या ॥ (३।०)
evaṃ suvarṇādīnāṃ caturṇāṃ viśuddhirbhavati svarṇādilohānāmiti grahaṇena tīkṣṇādīnāmapi śuddhirevaṃ boddhavyā ||
अत्र तैलं तिलसंभवं च तक्रं त्रिभागभिन्नं काञ्जिकं प्रसिद्धम् कुलत्थोऽन्नविशेषः ॥ (४।०)
atra tailaṃ tilasaṃbhavaṃ ca takraṃ tribhāgabhinnaṃ kāñjikaṃ prasiddham kulattho'nnaviśeṣaḥ ||
अथ नागवङ्गयोर्विशेषशुद्धिं दर्शयन्नाह नागेति ॥ (५।०)
atha nāgavaṅgayorviśeṣaśuddhiṃ darśayannāha nāgeti ||
प्रतप्तावित्यग्नौ संतापितौ अत एव गालिताविति द्रवीभूतौ कृत्वा तैर्निषिञ्चयेदिति तैः पूर्वोक्ततैलतक्रादिद्रवैः त्रिधा त्रिधेति प्रत्येकं तैलादिभिर्निषिञ्चयेद् इत्यभिप्रायः ॥ (६।०)
prataptāvityagnau saṃtāpitau ata eva gālitāviti dravībhūtau kṛtvā tairniṣiñcayediti taiḥ pūrvoktatailatakrādidravaiḥ tridhā tridheti pratyekaṃ tailādibhirniṣiñcayed ityabhiprāyaḥ ||
विशेषमपि न केवलं पूर्वोक्तद्रव्यैर् निषिञ्चयेत् किंतु रविदुग्धेनार्कक्षीरेणापि त्रिधा कृत्वा शोधयेदिति पूर्वशोधनादयमेव विशेषः ॥ (७।०)
viśeṣamapi na kevalaṃ pūrvoktadravyair niṣiñcayet kiṃtu ravidugdhenārkakṣīreṇāpi tridhā kṛtvā śodhayediti pūrvaśodhanādayameva viśeṣaḥ ||
Data courtesy of The Digital Corpus of Sanskrit.