शार्ङ्गधरसंहितादीपिकाŚārṅgadharasaṃhitādīpikā
ŚSDīp zu ŚdhSaṃh, 2, 12, 207.2
Select a line for its word-by-word analysis.
भस्मसूतं पारदभस्म मृतं कान्तमिति मृतकान्तलोहचूर्णं कान्तलोहं लोहमारणे पूर्वं दर्शितम् ॥ (२।०)
bhasmasūtaṃ pāradabhasma mṛtaṃ kāntamiti mṛtakāntalohacūrṇaṃ kāntalohaṃ lohamāraṇe pūrvaṃ darśitam ||
एतदपि पूर्वं कथितमेव एके मुण्डमिति किट्टविशेषं मन्यन्ते तन्न सर्वमतम् ॥ (४।०)
etadapi pūrvaṃ kathitameva eke muṇḍamiti kiṭṭaviśeṣaṃ manyante tanna sarvamatam ||
ताप्यं सुवर्णमाक्षिकं शिला मनःशिला व्योम अभ्रकम् एके व्योमस्थाने व्योषम् इति पठन्ति व्याख्यानयन्ति च तथा ॥ (८।०)
tāpyaṃ suvarṇamākṣikaṃ śilā manaḥśilā vyoma abhrakam eke vyomasthāne vyoṣam iti paṭhanti vyākhyānayanti ca tathā ||
तत्र व्योषं त्रिकटुकम् त्रिफला हरीतक्यादिकं कङ्कोलबीजं प्रसिद्धं कपित्थं कपित्थफलं रजनी हरिद्रा भृङ्गराजो मार्कवशब्दवाच्यः एतत् सकलं द्रव्यं सममानं ग्राह्यमिति सम्प्रदायः ॥ (९।०)
tatra vyoṣaṃ trikaṭukam triphalā harītakyādikaṃ kaṅkolabījaṃ prasiddhaṃ kapitthaṃ kapitthaphalaṃ rajanī haridrā bhṛṅgarājo mārkavaśabdavācyaḥ etat sakalaṃ dravyaṃ samamānaṃ grāhyamiti sampradāyaḥ ||
एके भृङ्गराजेन भावयेद् इत्यस्य स्थाने समं भाव्यं च भृङ्गिनाम् इति पठन्ति ॥ (१०।०)
eke bhṛṅgarājena bhāvayed ityasya sthāne samaṃ bhāvyaṃ ca bhṛṅginām iti paṭhanti ||
चतुर्माषकः अनुपाने तु महानिम्बो वकाइनसंज्ञकः । (१२।१)
caturmāṣakaḥ anupāne tu mahānimbo vakāinasaṃjñakaḥ |
तस्य बीजानि फलानि तानि च षट्संख्यानि ग्राह्याणि तण्डुलतोयं पलप्रमाणम् ॥ (१२।२)
tasya bījāni phalāni tāni ca ṣaṭsaṃkhyāni grāhyāṇi taṇḍulatoyaṃ palapramāṇam ||
Data courtesy of The Digital Corpus of Sanskrit.