शार्ङ्गधरसंहितादीपिकाŚārṅgadharasaṃhitādīpikā
ŚSDīp zu ŚdhSaṃh, 2, 12, 212.2
Select a line for its word-by-word analysis.
सूतस्य पारदस्य चत्वारो भागाः गन्धकस्य चाष्टौ भागाः ॥ (२।०)
sūtasya pāradasya catvāro bhāgāḥ gandhakasya cāṣṭau bhāgāḥ ||
रजनीप्रभृतिपञ्चद्रव्याणि पृथग्द्विभागयुतानि भवन्ति ॥ (३।०)
rajanīprabhṛtipañcadravyāṇi pṛthagdvibhāgayutāni bhavanti ||
रजनी हरिद्रा त्रिफला हरीतक्यादिकं शिवा हरीतकी अनेन हरीतकीद्विरुक्तेन भागात् सैव द्विगुणा कार्या ॥ (४।०)
rajanī haridrā triphalā harītakyādikaṃ śivā harītakī anena harītakīdviruktena bhāgāt saiva dviguṇā kāryā ||
केचिच्छिवास्थाने शिला इति पठन्ति व्याख्यानयन्ति च ॥ (५।०)
kecicchivāsthāne śilā iti paṭhanti vyākhyānayanti ca ||
तत्र शिला मनःशिला त्रिवृज्जैपालचित्रकं प्रत्येकं त्रिभागयुतं ग्राह्यम् ॥ (६।०)
tatra śilā manaḥśilā trivṛjjaipālacitrakaṃ pratyekaṃ tribhāgayutaṃ grāhyam ||
जैपालं दन्तिबीजं चित्रकं चित्रकजटात्वक् त्र्यूषणं दन्ती च जीरकमपि प्रत्येकमष्टभागं ज्ञेयम् ॥ (८।०)
jaipālaṃ dantibījaṃ citrakaṃ citrakajaṭātvak tryūṣaṇaṃ dantī ca jīrakamapi pratyekamaṣṭabhāgaṃ jñeyam ||
त्र्यूषं त्र्यूषणं तच्च शुण्ठीमरिचपिप्पलीसंज्ञम् ॥ (९।०)
tryūṣaṃ tryūṣaṇaṃ tacca śuṇṭhīmaricapippalīsaṃjñam ||
अथ भावनार्थं द्रव्याण्याह जयन्तीत्यादि ॥ (११।०)
atha bhāvanārthaṃ dravyāṇyāha jayantītyādi ||
जयन्ती शाकभेदः जीवन्तीत्यपरे स्नुक्पयः सेहुण्डक्षीरं भृङ्गं मार्कवं तच्च घमराशब्दवाच्यम् नतु भृङ्गमत्र गुडत्वक् वह्निश्चित्रकः वातारितैलमेरण्डतैलम् ॥ (१२।०)
jayantī śākabhedaḥ jīvantītyapare snukpayaḥ sehuṇḍakṣīraṃ bhṛṅgaṃ mārkavaṃ tacca ghamarāśabdavācyam natu bhṛṅgamatra guḍatvak vahniścitrakaḥ vātāritailameraṇḍatailam ||
Data courtesy of The Digital Corpus of Sanskrit.