रसेन्द्रेति ॥ (१।०)

रसेन्द्रेत्यादिरसान्तानि पारदस्य नामानि रसकर्मसु ज्ञेयानि ॥ (२।०)

कैः बुधैः ॥ (३।०)

तस्येति रसस्य इति ग्रहणेन संक्षेपनामान्यभिहितानि ॥ (४।०)

अन्यान्यपि सन्ति विस्तरेण ॥ (५।०)

तथा हि । (६।१)

रसो महारसः सूतस् त्रिनेत्रश्च त्रिलोचनः । (६।२)

हरबीजश्चलश्चैव बीजेन्द्रोऽथ रसायनः । (६।३)

पारदश्च सुवर्णाख्यो महावह्निस् तथैव च ॥ (६।४)

लोकेशः खेचरो दिव्यः सौभाग्यः परमामृतः । (७।१)

शशिहेमनिधिश्चैव अनन्तो ज्ञानमेव च ॥ (७।२)

सूक्ष्मः शान्तः प्रभुश्चैव कलिकान्तकरः स्मृतः । (८।१)

एतानि रसनामानि तथान्यानि शिवे यथा । (८।२)

इति ॥ (८।३)