शार्ङ्गधरसंहितादीपिकाŚārṅgadharasaṃhitādīpikā
ŚSDīp zu ŚdhSaṃh, 2, 12, 153.1
Select a line for its word-by-word analysis.
अत्र मृतपारदस्य त्रयो भागाः मृतस्वर्णस्य भागैकं मृतताम्रस्य च भागैकम् ॥ (२।०)
atra mṛtapāradasya trayo bhāgāḥ mṛtasvarṇasya bhāgaikaṃ mṛtatāmrasya ca bhāgaikam ||
शिलागन्धकं तालकमिति शिला मनःशिला गन्धकं प्रतीतं तालकं हरितालं शुद्धानामेतेषां च भागद्वयं प्रत्येकम् ॥ (५।०)
śilāgandhakaṃ tālakamiti śilā manaḥśilā gandhakaṃ pratītaṃ tālakaṃ haritālaṃ śuddhānāmeteṣāṃ ca bhāgadvayaṃ pratyekam ||
वराटीलक्षणं च पूर्वोक्तलोकनाथरसे द्रष्टव्यम् ॥ (६।०)
varāṭīlakṣaṇaṃ ca pūrvoktalokanātharase draṣṭavyam ||
तेन पूर्वोक्तसकलद्रव्यचूर्णेन टङ्कणं सौभाग्यक्षारं मृद्भाण्डे मृत्कर्पटनिर्मिते पात्रे गजपुटोपलक्षणत्वात् षोडशाङ्गुलगर्ते पचेदिति सम्प्रदायः ॥ (७।०)
tena pūrvoktasakaladravyacūrṇena ṭaṅkaṇaṃ saubhāgyakṣāraṃ mṛdbhāṇḍe mṛtkarpaṭanirmite pātre gajapuṭopalakṣaṇatvāt ṣoḍaśāṅgulagarte pacediti sampradāyaḥ ||
अन्यथा बहुतरज्वलनसम्पर्काद् दग्धेन त्वनर्थकरो भवति अनुपानं दोषापेक्षया पृथगेव तेन दशपिप्पलिकाक्षौद्रैः सहावलेहो रसस्य ज्ञातव्यः ॥ (८।०)
anyathā bahutarajvalanasamparkād dagdhena tvanarthakaro bhavati anupānaṃ doṣāpekṣayā pṛthageva tena daśapippalikākṣaudraiḥ sahāvaleho rasasya jñātavyaḥ ||
एकोनत्रिंशदूषणैरिति अथवा एकहीनत्रिंशत्संख्याकमरिचैः सक्षौद्रैश्चावलेहो बोद्धव्यः ॥ (९।०)
ekonatriṃśadūṣaṇairiti athavā ekahīnatriṃśatsaṃkhyākamaricaiḥ sakṣaudraiścāvaleho boddhavyaḥ ||
एके साज्येन त्रिंशदूषणैरिति पठन्ति तत्र घृतमरिचैः सह प्रचारः साधुः ॥ (१०।०)
eke sājyena triṃśadūṣaṇairiti paṭhanti tatra ghṛtamaricaiḥ saha pracāraḥ sādhuḥ ||
तथाच भिन्नं मृगाङ्कं तन्त्रान्तरे दृष्ट्वा प्रतिपादितम् ॥ (१२।०)
tathāca bhinnaṃ mṛgāṅkaṃ tantrāntare dṛṣṭvā pratipāditam ||
सर्पिषा मधुना वापि दद्याद्दोषाद्यपेक्षया । (१३।४)
sarpiṣā madhunā vāpi dadyāddoṣādyapekṣayā |
Data courtesy of The Digital Corpus of Sanskrit.