शार्ङ्गधरसंहितादीपिकाŚārṅgadharasaṃhitādīpikā
ŚSDīp zu ŚdhSaṃh, 2, 12, 267.1
Select a line for its word-by-word analysis.
तारं रौप्यं वज्रं हीरकं तदभावे वैक्रान्तं ग्राह्यमिति व्यवहारात् ॥ (२।०)
tāraṃ raupyaṃ vajraṃ hīrakaṃ tadabhāve vaikrāntaṃ grāhyamiti vyavahārāt ||
अत्र क्रमवृद्धिस्तु पूर्वद्रव्यादुत्तरवृद्धिर्बोद्धव्या अस्मत्सम्प्रदाये तु रजतादीनि द्रव्याणि अत्र मृतानि देयानीति व्यवहारोऽपि दृश्यते ॥ (४।०)
atra kramavṛddhistu pūrvadravyāduttaravṛddhirboddhavyā asmatsampradāye tu rajatādīni dravyāṇi atra mṛtāni deyānīti vyavahāro'pi dṛśyate ||
सिद्धरसस्य भावनार्थं द्रव्याण्याह अर्कदुग्धम् अर्कभवं क्षीरं काकोली प्रसिद्धा वानरी कपिकच्छूः मुशली कन्दविशेषः इक्षुकः कोकिलाक्षः तालमूली पद्मकन्दः कमलकन्दः कसेरुकोऽपि विख्यातः काशतृणसंज्ञः प्रसिद्धः ॥ (८।०)
siddharasasya bhāvanārthaṃ dravyāṇyāha arkadugdham arkabhavaṃ kṣīraṃ kākolī prasiddhā vānarī kapikacchūḥ muśalī kandaviśeṣaḥ ikṣukaḥ kokilākṣaḥ tālamūlī padmakandaḥ kamalakandaḥ kaseruko'pi vikhyātaḥ kāśatṛṇasaṃjñaḥ prasiddhaḥ ||
पश्चाच्चूर्णार्थं द्रव्याण्याह कस्तूरीत्यादि ॥ (९।०)
paścāccūrṇārthaṃ dravyāṇyāha kastūrītyādi ||
कस्तूरी मृगनाभिजा व्योषं त्रिकटुकं पूर्वचूर्णाद्भावनाभिः प्रतिपादितद्रव्यादष्टमांशं दद्यात् ॥ (१०।०)
kastūrī mṛganābhijā vyoṣaṃ trikaṭukaṃ pūrvacūrṇādbhāvanābhiḥ pratipāditadravyādaṣṭamāṃśaṃ dadyāt ||
तेन पूर्वचूर्णं सप्तभागं कस्तूरीप्रमुखं चैकभागमिति ॥ (११।०)
tena pūrvacūrṇaṃ saptabhāgaṃ kastūrīpramukhaṃ caikabhāgamiti ||
Data courtesy of The Digital Corpus of Sanskrit.