शार्ङ्गधरसंहितादीपिकाŚārṅgadharasaṃhitādīpikā
ŚSDīp zu ŚdhSaṃh, 2, 12, 169.2
Select a line for its word-by-word analysis.
अथ स्वच्छन्दभैरवरसम् आह शुद्धं सूतमिति ॥ (१।०)
atha svacchandabhairavarasam āha śuddhaṃ sūtamiti ||
ताप्यं स्वर्णमाक्षिकम् एतदपि शोधितं ग्राह्यम् ॥ (३।०)
tāpyaṃ svarṇamākṣikam etadapi śodhitaṃ grāhyam ||
तालकं हरितालं पथ्या हरीतकी अग्निमन्थोऽरणिभेदः त्र्यूषणं त्रिकटुकं टङ्कणं सौभाग्यक्षारं तच्चात्र भर्जितं ग्राह्यं विषमपि एकद्रव्यभागसाम्यं सकलद्रव्यमपि सममात्रम् ॥ (५।०)
tālakaṃ haritālaṃ pathyā harītakī agnimantho'raṇibhedaḥ tryūṣaṇaṃ trikaṭukaṃ ṭaṅkaṇaṃ saubhāgyakṣāraṃ taccātra bharjitaṃ grāhyaṃ viṣamapi ekadravyabhāgasāmyaṃ sakaladravyamapi samamātram ||
निर्गुण्डिकाद्रवैर् इति निर्गुण्डीपत्रस्वरसैः मुण्डी केदारमुण्डी विख्याता अस्याः स्वरसैरपि दिनैकं मर्दनीयम् ॥ (६।०)
nirguṇḍikādravair iti nirguṇḍīpatrasvarasaiḥ muṇḍī kedāramuṇḍī vikhyātā asyāḥ svarasairapi dinaikaṃ mardanīyam ||
अनुपानमाह रास्ना सुरभी अमृता गुडूची वातारिजम् एरण्डमूलं देवदारु शुण्ठी च प्रसिद्धा एतेषां समानां शृतं क्वथितम् इत्यर्थः ॥ (७।०)
anupānamāha rāsnā surabhī amṛtā guḍūcī vātārijam eraṇḍamūlaṃ devadāru śuṇṭhī ca prasiddhā eteṣāṃ samānāṃ śṛtaṃ kvathitam ityarthaḥ ||
Data courtesy of The Digital Corpus of Sanskrit.