1.1१.१अथ द्वादश पुत्रा भवन्ति ॥ (१।१)
atha dvādaśa putrā bhavanti ||
2.1२.१स्वक्षेत्रे संस्कृतायाम् उत्पादितः स्वयम् औरसः प्रथमः ॥ (२।१)
svakṣetre saṃskṛtāyām utpāditaḥ svayam aurasaḥ prathamaḥ ||
3.1३.१नियुक्तायां सपिण्डेनोत्तमवर्णेन वोत्पादितः क्षेत्रजो द्वितीयः ॥ (३।१)
niyuktāyāṃ sapiṇḍenottamavarṇena votpāditaḥ kṣetrajo dvitīyaḥ ||
4.1४.१पुत्रिकापुत्रस् तृतीयः ॥ (४।१)
5.1५.१यस् त्व् अस्याः पुत्रः स मे पुत्रो भवेद् इति या पित्रा दत्ता सा पुत्रिका ॥ (५।१)
yas tv asyāḥ putraḥ sa me putro bhaved iti yā pitrā dattā sā putrikā ||
6.1६.१पुत्रिकाविधिं विनापि प्रतिपादिता भ्रातृविहीना पुत्रिकैव ॥ (६।१)
putrikāvidhiṃ vināpi pratipāditā bhrātṛvihīnā putrikaiva ||
8.1८.१अक्षता भूयः संस्कृता पुनर्भूः ॥ (८।१)
akṣatā bhūyaḥ saṃskṛtā punarbhūḥ ||
9.1९.१भूयस् त्वसंस्कृतापि परपूर्वा ॥ (९।१)
bhūyas tvasaṃskṛtāpi parapūrvā ||
11.1११.१पितृगृहे असंस्कृतयैवोत्पादितः ॥ (११।१)
pitṛgṛhe asaṃskṛtayaivotpāditaḥ ||
13.1१३.१गृहे च गूढोत्पन्नः षष्ठः ॥ (१३।१)
gṛhe ca gūḍhotpannaḥ ṣaṣṭhaḥ ||
14.1१४.१यस्य तल्पजस्तस्यासौ ॥ (१४।१)
yasya talpajastasyāsau ||
16.1१६.१या गर्भिणी संस्क्रियते तस्याः पुत्रः ॥ (१६।१)
yā garbhiṇī saṃskriyate tasyāḥ putraḥ ||
19.1१९.१स च मातापितृभ्यां यस्य दत्तः ॥ (१९।१)
sa ca mātāpitṛbhyāṃ yasya dattaḥ ||
25.1२५.१पित्रा मात्रा च परित्यक्तः ॥ (२५।१)
pitrā mātrā ca parityaktaḥ ||
27.1२७.१यत्र क्वचनोत्पादितश्च द्वादशः ॥ (२७।१)
yatra kvacanotpāditaśca dvādaśaḥ ||
28.1२८.१एतेषां पूर्वः पूर्वः श्रेयान् ॥ (२८।१)
eteṣāṃ pūrvaḥ pūrvaḥ śreyān ||
31.1३१.१अनूढानां स्ववित्तानुरूपेण संस्कारं कुर्यात् ॥ (३१।१)
anūḍhānāṃ svavittānurūpeṇa saṃskāraṃ kuryāt ||
32.1३२.१पतितक्लीबाचिकित्स्यरोगविकलास् त्वभागहारिणः ॥ (३२।१)
patitaklībācikitsyarogavikalās tvabhāgahāriṇaḥ ||
33.1३३.१रिक्थग्राहिभिस् ते भर्तव्याः ॥ (३३।१)
rikthagrāhibhis te bhartavyāḥ ||
34.1३४.१तेषां चौरसाः पुत्रा भागहारिणः ॥ (३४।१)
teṣāṃ caurasāḥ putrā bhāgahāriṇaḥ ||
36.1३६.१पतनीये कर्मणि कृते त्वनन्तरोत्पन्नाः ॥ (३६।१)
patanīye karmaṇi kṛte tvanantarotpannāḥ ||
37.1३७.१प्रतिलोमासु स्त्रीषु चोत्पन्नाश्चाभागिनः ॥ (३७।१)
pratilomāsu strīṣu cotpannāścābhāginaḥ ||
38.1३८.१तत्पुत्राः पैतामहे ऽप्यर्थे ॥ (३८।१)
tatputrāḥ paitāmahe 'pyarthe ||
39.1३९.१अंशग्राहिभिस् ते भरणीयाः ॥ (३९।१)
aṃśagrāhibhis te bharaṇīyāḥ ||
40.1४०.१यश्चार्थहरः स पिण्डदायी ॥ (४०।१)
yaścārthaharaḥ sa piṇḍadāyī ||
41.1४१.१एकोढानाम् अप्येकस्याः पुत्रः सर्वासां पुत्र एव ॥ (४१।१)
ekoḍhānām apyekasyāḥ putraḥ sarvāsāṃ putra eva ||
42.1४२.१भ्रातॄणाम् एकजातानां च ॥ (४२।१)
bhrātṝṇām ekajātānāṃ ca ||
43.1४३.१पुत्रः पितृवित्तालाभे ऽपि पिण्डं दद्यात् ॥ (४३।१)
putraḥ pitṛvittālābhe 'pi piṇḍaṃ dadyāt ||
44.1४४.१पुन्नाम्नो नरकाद् यस्मात् पितरं त्रायते सुतः । (४४।१)
punnāmno narakād yasmāt pitaraṃ trāyate sutaḥ |
44.2४४.२तस्मात् पुत्र इति प्रोक्तः स्वयम् एव स्वयंभुवा ॥ (४४।२)
tasmāt putra iti proktaḥ svayam eva svayaṃbhuvā ||
45.1४५.१ऋणम् अस्मिन् संनयत्य् अमृतत्वं च गच्छति । (४५।१)
ṛṇam asmin saṃnayaty amṛtatvaṃ ca gacchati |
45.2४५.२पिता पुत्रस्य जातस्य पश्येच्चेज्जीवतो मुखम् ॥ (४५।२)
pitā putrasya jātasya paśyeccejjīvato mukham ||
46.1४६.१पुत्रेण लोकान् जयति पौत्रेणानन्त्यम् अश्नुते । (४६।१)
putreṇa lokān jayati pautreṇānantyam aśnute |
46.2४६.२अथ पुत्रस्य पौत्रेण ब्रध्नस्याप्नोति विष्टपम् ॥ (४६।२)
atha putrasya pautreṇa bradhnasyāpnoti viṣṭapam ||
47.1४७.१पौत्रदौहित्रयोर् लोके विशेषो नोपपद्यते । (४७।१)
pautradauhitrayor loke viśeṣo nopapadyate |
47.2४७.२दौहित्रो ऽपि ह्यपुत्रं तं संतारयति पौत्रवत् ॥ (४७।२)
dauhitro 'pi hyaputraṃ taṃ saṃtārayati pautravat ||
Data courtesy of The Digital Corpus of Sanskrit.
