अथ पालाशं दन्तधावनं नाद्यात् ॥ (१।१)

नैव श्लेष्मातकारिष्टविभीतकधवधन्वनजम् ॥ (२।१)

न च बन्धूकनिर्गुण्डीशिग्रुतिल्वतिन्दुकजम् ॥ (३।१)

न च कोविदारशमीपीलुपिप्पलेङ्गुदगुग्गुलुजम् ॥ (४।१)

न पारिभद्रकाम्लिकामोचकशाल्मलीशणजम् ॥ (५।१)

न मधुरम् ॥ (६।१)

नाम्लम् ॥ (७।१)

नोर्ध्वशुष्कम् ॥ (८।१)

न सुषिरम् ॥ (९।१)

न पूतिगन्धि ॥ (१०।१)

न पिच्छिलम् ॥ (११।१)

न दक्षिणापराभिमुखः ॥ (१२।१)

अद्याच्चोदङ्मुखः प्राङ्मुखो वा ॥ (१३।१)

वटासनार्कखदिरकरञ्जबदरसर्जनिम्बारिमेदापामार्गमालतीककुभबिल्वानाम् अन्यतमम् ॥ (१४।१)

कषायं तिक्तं कटुकं च ॥ (१५।१)

कनीन्यग्रसमस्थौल्यं सकूर्चं द्वादशाङ्गुलम् । (१६।१)

प्रातर्भूत्वा च यतवाग् भक्षयेद् दन्तधावनम् ॥ (१६।२)

प्रक्षाल्य भङ्क्त्वा तज्जह्याच्छुचौ देशे प्रयत्नतः । (१७।१)

अमावास्यां न चाश्नीयाद् दन्तकाष्ठं कदाचन ॥ (१७।२)