अथागम्यागमने महाव्रतविधानेनाब्दं चीरवासा वने प्राजापत्यं कुर्यात् ॥ (१।१)

परदारगमने च ॥ (२।१)

गोव्रतं गोगमने च ॥ (३।१)

पुंस्य् अयोनाव् आकाशे ऽप्सु दिवा गोयाने च सवासाः स्नानम् आचरेत् ॥ (४।१)

चण्डालीगमने तत्साम्यम् आप्नुयात् ॥ (५।१)

अज्ञानतश् चान्द्रायणद्वयं कुर्यात् ॥ (६।१)

पशुवेश्यागमने च प्राजापत्यम् ॥ (७।१)

सकृद् दुष्टा च स्त्री यत् पुरुषस्य परदारे तद्व्रतं कुर्यात् ॥ (८।१)

यत् करोत्येकरात्रेण वृषलीसेवनाद् द्विजः । (९।१)

तद् भैक्ष्यभुग् जपन् नित्यं त्रिभिर् वर्षैर् व्यपोहति ॥ (९।२)