वेर्हल्तेन् देस् स्छ्लेर्स् गेगेन्बेर् देम् गुरुअथ ब्रह्मचारिणां गुरुकुलवासः ॥ (१।१)

संध्याद्वयोपासनम् ॥ (२।१)

पूर्वां संध्यां जपेत् तिष्ठन् पश्चिमाम् आसीनः ॥ (३।१)

कालद्वयम् अभिषेकाग्निकर्मकरणम् ॥ (४।१)

अप्सु दण्डवन् मज्जनम् ॥ (५।१)

आहूताध्ययनम् ॥ (६।१)

गुरोः प्रियहिताचरणम् ॥ (७।१)

मेखलादण्डाजिनोपवीतधारणम् ॥ (८।१)

गुरुकुलवर्जं गुणवत्सु भैक्ष्यचरणम् ॥ (९।१)

गुर्वनुज्ञातं भैक्ष्याभ्यवहरणम् ॥ (१०।१)

श्राद्धकृतलवणशुक्तपर्युषितनृत्यगीतस्त्रीमधुमांसाञ्जनोच्छिष्टप्राणिहिंसाश्लीलपरिवर्जनम् ॥ (११।१)

अधः शय्या ॥ (१२।१)

गुरोः पूर्वोत्थानं चरमं संवेशनम् ॥ (१३।१)

कृतसंध्योपासनश् च गुर्वभिवादनं कुर्यात् ॥ (१४।१)

तस्य च व्यत्यस्तकरः पादावुपस्पृशेत् ॥ (१५।१)

दक्षिणं दक्षिणेनेतरम् इतरेण ॥ (१६।१)

स्वं च नामास्याभिवादनान्ते भोःशब्दान्तं निवेदयेत् ॥ (१७।१)

तिष्ठन्न् आसीनः शयानो भुञ्जानः पराङ्मुखश् च नास्याभिभाषणं कुर्यात् ॥ (१८।१)

आसीनस्य स्थितः कुर्याद् अभिगच्छंस्तु गच्छतः । (१९।१)

आगच्छतः प्रत्युद्गम्य पश्चाद् धावंस् तु धावतः ॥ (१९।२)

पराङ्मुखस्याभिमुखः ॥ (२०।१)

दूरस्थस्यान्तिकम् उपेत्य ॥ (२१।१)

शयानस्य प्रणम्य ॥ (२२।१)

तस्य च चक्षुर्विषये न यथेष्टासनः स्यात् ॥ (२३।१)

न चास्य केवलं नाम ब्रूयात् ॥ (२४।१)

गतिचेष्टाभाषिताद्यं नास्यानुकुर्यात् ॥ (२५।१)

यत्रास्य निन्दापरिवादौ स्यातां न तत्र तिष्ठेत् ॥ (२६।१)

नास्यैकासनो भवेत् ॥ (२७।१)

ऋते शिलाफलकनौयानेभ्यः ॥ (२८।१)

गुरोर् गुरौ संनिहिते गुरुवद् वर्तेत ॥ (२९।१)

अनिर्दिष्टश् च गुरुणा स्वान् गुरून् नाभिवादयेत् ॥ (३०।१)

बाले समानवयसि वाध्यापके गुरुपुत्रे गुरुवद् वर्तेत ॥ (३१।१)

नास्य पादौ प्रक्षालयेत् ॥ (३२।१)

नोच्छिष्टम् अश्नीयात् ॥ (३३।१)

एवं वेदं वेदौ वेदान् वा स्वीकुर्यात् ॥ (३४।१)

ततो वेदाङ्गानि ॥ (३५।१)

यस् त्वनधीतवेदो ऽन्यत्र श्रमं कुर्याद् असौ ससंतानः शूद्रत्वम् एति ॥ (३६।१)

मातुर् अग्रे विजननं द्वितीयं मौञ्जिबन्धनम् ॥ (३७।१)

तत्रास्य माता सावित्री भवति पिता त्वाचार्यः ॥ (३८।१)

एतेनैव तेषां द्विजत्वम् ॥ (३९।१)

प्राङ् मौञ्जीबन्धनाद् द्विजः शूद्रसमो भवति ॥ (४०।१)

ब्रह्मचारिणा मुण्डेन जटिलेन वा भाव्यम् ॥ (४१।१)

वेदस्वीकरणाद् ऊर्ध्वं गुर्वनुज्ञातस् तस्मै वरं दत्त्वा स्नायात् ॥ (४२।१)

दौएर्हड़्तेस् ब्रह्मचर्यततो गुरुकुल एव वा जन्मनः शेषं नयेत् ॥ (४३।१)

तत्राचार्ये प्रेते गुरुवत् गुरुपुत्रे वर्तेत ॥ (४४।१)

गुरुदारेषु सवर्णेषु वा ॥ (४५।१)

तदभावे ऽग्निशुश्रूषुर् नैष्ठिको ब्रह्मचारी स्यात् ॥ (४६।१)

एवं चरति यो विप्रो ब्रह्मचर्यम् अतन्द्रितः । (४७।१)

स गच्छत्युत्तमं स्थानं न चेहाजायते पुनः ॥ (४७।२)

कामतो रेतसः सेकं व्रतस्थस्य द्विजन्मनः । (४८।१)

अतिक्रमं व्रतस्याहुर् धर्मज्ञा ब्रह्मचारिणः ॥ (४८।२)

एतस्मिन्न् एनसि प्राप्ते वसित्वा गर्दभाजिनम् । (४९।१)

सप्तागारं चरेद् भैक्षं स्वकर्म परिकीर्तयन् ॥ (४९।२)

तेभ्यो लब्धेन भैक्ष्येण वर्तयन्न् एककालिकम् । (५०।१)

उपस्पृशंस् त्रिषवणम् अब्देन स विशुध्यति ॥ (५०।२)

स्वप्ने सिक्त्वा ब्रह्मचारी द्विजः शुक्रम् अकामतः । (५१।१)

स्नात्वार्कम् अर्चयित्वा त्रिः पुनर् माम् इत्यृचं जपेत् ॥ (५१।२)

अकृत्वा भैक्षचरणम् असमिध्य च पावकम् । (५२।१)

अनातुरः सप्तरात्रम् अवकीर्णिव्रतं चरेत् ॥ (५२।२)

तं चेद् अभ्युदियात् सूर्यः शयानं कामकारतः । (५३।१)

निम्लोचेद् वाप्यविज्ञानाज्जपन्न् उपवसेद् दिनम् ॥ (५३।२)