यज्ञस् ओड़् अ गृहस्थगृहाश्रमी वैवाहिकाग्नौ पाकयज्ञान् कुर्यात् ॥ (१।१)

सायं प्रातश्चाग्निहोत्रं ॥ (२।१)

देवताभ्यो जुहुयात् ॥ (३।१)

चन्द्रार्कसंनिकर्षविप्रकर्षयोर् दर्शपूर्णमासाभ्यां यजेत ॥ (४।१)

प्रत्ययनं पशुना ॥ (५।१)

शरद्ग्रीष्मयोश्च आग्रयणेन ॥ (६।१)

व्रीहियवयोर् वा पाके ॥ (७।१)

त्रैवार्षिकाभ्यधिकान्नः ॥ (८।१)

प्रत्यब्दं सोमेन ॥ (९।१)

वित्ताभावे इष्ट्या वैश्वानर्या ॥ (१०।०)

शूद्रान्नं यागे परिहरेत् ॥ (११।०)

यज्ञार्थं भिक्षितम् अवाप्तम् अर्थं सकलम् एव वितरेत् ॥ (१२।१)

सायं प्रातर् वैश्वदेवं जुहुयात् ॥ (१३।१)

भिक्षां च भिक्षवे दद्यात् ॥ (१४।१)

अर्चितभिक्षादानेन गोदानफलम् आप्नोति ॥ (१५।१)

भिक्ष्वभावे ग्रासमात्रं गवां दद्यात् ॥ (१६।१)

वह्नौ वा प्रक्षिपेत् ॥ (१७।१)

भुक्ते ऽप्यन्ने विद्यमाने न भिक्षुकं प्रत्याचक्षीत ॥ (१८।१)

मोतिवतिओन् ड़ोर् यज्ञस्कण्डनी पेषणी चुल्ली उदकुम्भ उपस्कर इति पञ्च सूना गृहस्थस्य ॥ (१९।१)

तन्निष्कृत्यर्थं च ब्रह्मदेवभूतपितृनरयज्ञान् कुर्यात् ॥ (२०।१)

स्वाध्यायो ब्रह्मयज्ञः ॥ (२१।१)

होमो दैवः ॥ (२२।१)

पितृतर्पणं पित्र्यः ॥ (२३।१)

बलिर् भौतः ॥ (२४।१)

नृयज्ञश्चातिथिपूजनम् ॥ (२५।१)

देवतातिथिभृत्यानां पितॄणाम् आत्मनश्च यः । (२६।१)

न निर्वपति पञ्चानाम् उच्छ्वसन् न स जीवति ॥ (२६।२)

ब्रह्मचारी यतिर् भिक्षुर् जीवन्त्येते गृहाश्रमात् । (२७।१)

तस्माद् अभ्यागतान् एतान् गृहस्थो नावमानयेत् ॥ (२७।२)

गृहस्थ एव यजते गृहस्थस् तप्यते तपः । (२८।१)

प्रददाति गृहस्थश्च तस्माच्छ्रेष्ठो गृहाश्रमी ॥ (२८।२)

ऋषयः पितरो देवा भूतान्यतिथयस् तथा । (२९।१)

आशासते कुटुम्बिभ्यस् तस्माच्छ्रेष्ठो गृहाश्रमी ॥ (२९।२)

त्रिवर्गसेवां सततान्नदानं सुरार्चनं ब्राह्मणपूजनं च । (३०।१)

स्वाध्यायसेवां पितृतर्पणं च कृत्वा गृही शक्रपदं प्रयाति ॥ (३०।२)